Te fundit
Olldashi, "Qytetar Nderi" i Durrësit, mungojnë në ceremoni Berisha e Basha
17 Dhjetor 2014, 13:24Politika
TEMA
Është zhvilluar ditën e sotme ceremonia e dorëzimit të titullit “Qytetar Nderi” pas vdekjes për ish-deputetin e këtij qyteti dhe të Partisë Demokratike Sokol Olldashi.
Ky vendim ishte marrë më herët nga ana e këshillit bashkiak të këtij qytetit, në nëtor të këtij viti, ndërsa ceremonia e dorëzimit u zhvillua sot.
Në këtë ceremoni, kreu i bashkisë Vangjush Dako i dorëzoi djalit të madh të ish-deputetit Olldashi, çmimin “Qytetar Nderi” me motivacionin “Protagonist i mendimit dhe veprimit demokratizues gjate dy dekadave të fundit, që u shqua për guxim e qytetari në formulimin dhe promovimin e alternativave të zhvillimit dhe që u kthye në modelin e përfaqësimit të qytetarisë”.
Krahas familjarëve, të vetmit prezent në këtë ceremoni ishin deputetët e PD miq të Olldashit, mes të cilëve Majlinda Bregu, Mesila Doda, Igli Cara, Oerd Bylykbashi, Arben Ristami, Ridvan Bode, Eduard Halimi dhe Flamur Noka.
Por ashtu si në ceremoninë e përvjetorit të vdekjes së ish-deputetit demokrat, edhe në ndarjen e këtij çmimi kanë munguar kreu aktual i PD Lulzim Basha dhe ish-Kryeministri Sali Berisha.
Në mbyllje të ceremonisë është shfaqur edhe një dokumentar për nder të ish-deputetit demokrat, ku sërish Berisha dhe Basha nuk kanë qenë të pranishëm.
Këshilli Bashkiak i qytetit bregdetar në nëntor, në prag të një vjetorit të ndarjes nga jeta të Olldashit, vendosi në unanimitet në plotë mes shumicës dhe pakicës t’i akordojë ish-ministrit të Transporteve titullin “Qytetar Nderi”.
Propozimi ishte bërë nga këshilltarët djathtë në këtë këshill dhe gjeti edhe konsensusin e së majtës, teksa u votua nga 45 përfaqësuesit në këshill.
Ish-deputeti i Partisë Demokratike, Sokol Olldashi humbi jetën më 20 Nëntor 2013 në një aksident rrugor. /gj.k/
5 komente në “Olldashi, “Qytetar Nderi” i Durrësit, mungojnë në ceremoni Berisha e Basha”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Imagjino nqs ky bohet “Qytekar nderi” durrsit se cmundet mu bo pas fundosjes ne hale te sali berishes antishqiptarit me te modh te gjitha kohrave .Rrezik qytetar europjan !
…. o shqiperi e mjera shqiperi ….. kam degjuar se fundmi nje superkenge , e vetmja kenge antipolitike qe eshte bere per shqiperine … vlen per te gjitha keto lajmet e mjera qe ushqejne popullin tone te lodhur … Mjaft me , Mjaft me ju se na plaset … https://www.youtube.com/watch?v=6wIoT10S8Z8
Ps. Sepse ne Durres ka Sokola por ka dhe Arteda e Ene …
Jane bere keto titujt, si copa letre pa vlere! Nuk e di, sinqerisht, se cfare ka bere ky njeri ordiner, i cili rastesisht u be politikan, madje dhe deputet dhe minister? U beme gazi i botes me keto veprime!
Sa ishte gjalle i ndjeri, gazetat e majta nuk linin fjale pa e share si nje politikan i korruptuar. Komentuesit e “temes” gëlonin si grerzat kush e kush ta shante me shume.
Tani ky “i korruptuari” behet qytetar nderi.
Po ku jeni o dhjerokrate! Mire se ne ceremonine e shperndarjes se teneqerave s’iu paska begenisur kamarieri. Hajt se per ate e dime qe s’doni t’ja dini dhe aq shume. Po te pakten na thoni, se pse ju paska bo lanet dhe s’po e nderon te ndjerin Sokol as “zgalemi” i tredhur i dhjetorit ramizalist?