Rama: Marshimi në Paris, mbështetje ndaj vlerave të lirisë dhe vëllazërimit

Me Parisin për Lirinë, Barazinë dhe vëllazërimin. Kështu shprehet në një koment në rrjetin social Facebook, Kryeministri Edi Rama, në lidhje me marshimin që do të zhvillohet në kryeqytetin francez në nder të viktimave të ditëve të fundit në Francë e do të shprehë solidaritetin me kauzat e përbashkëta kundër terrorizmit.

“Qindramijëra do të marshojnë sot në rrugët e Parisit për të mbështetur vlerat e shkëlqyera të lirisë, barazisë, vëllazërimit – ti mund jesh me ta atje përmes rrjetit botëror të solidaritetit online.

Mbarë bota do të shohe se si njerëzit do të dalin në rrugë në përgjigje të vrasjes barbarë të 12 njerëzve të mërkurën e shkuar. Por ndërkohë, ekstremistët e djathtë europianë po mobilizohen gjithashtu në antiprotesta dhe tanimë dy mjedise besimi të muslimanëve janë sulmuar. Kjo është ekzaktësisht çka vrasësit kërkuan: Përçarje dhe Frikë!

Sot ne mund t’u tregojmë të gjithë nxitësve të përçarjes e të frikës se qytetarët kudo që janë, mbështesin vlerat e lirisë së shprehjes, barazisë mes njerëzve dhe vëllazërisë mes individëve të çdo besimi.

Me një klikim bëhu edhe ti pjesë e nismës globale për t’u bashkuar në marshimin e botës së lirë, kundër barbarisë së atyre që vrasin në emër të fesë dhe ekstremizmit të kujtdo që kërkon të na përçaje duke kallur frikën mes nesh.

Ky është një ndër ato momente historike kur cilido prej nesh që beson tek toleranca dhe liria e shprehjes mund të ngrejë dorën apo zërin e vet, për të ndaluar që pasojat e dhunës të kërcënojnë të gjitha liritë tona. Sot në Paris do të jenë edhe plot udhëheqës europianë sepse ky moment nuk është vetëm i Francës, po i mbarë Europës.

Shumë prej nesh i kanë konsideruar karikaturat e Charlie Hebdo-së si fyese, raciste apo qëllimisht provokuese. Së bashku me profetin Muhamet, Charlie ka shënjestruar edhe Jezu Krishtin, Papën, emigrantët, çifutët, murgeshat e plot akoma. Por liria e shprehjes është kollaj të mbështetet deri në çastin kur na kërkohet të ngrihemi në këmbë për të mos lejuar shtypjen e shprehjes së lirë që nuk na vjen për shtat. Pikërisht në vlerën e këtij çasti qëndron edhe vlera e pakufishme e lirisë në botën që kemi zgjedhur, botën e lirë. Sot, duke u bërë pjesë e marshimit të Parisit përmes një klikimi, ti ndihmon që ky mesazh themelor për ekzistencën e botës së lirë të përcillet qartë si një mesazh uniteti global.

Është koha e një zgjedhjeje të qartë mes urrejtjes përçarëse dhe unitetit për lirinë, barazinë, vëllazërimin. Ky është momenti ynë për t’u përgjigjur në emër të shpresës dhe bashkëpunimit mes njerëzve mbi këto vlera të shkëlqyera e të panegociueshme”, shkruan Rama në rrjetet sociale. /gj.k/

Mospagesat e sigurimeve shoqërore, Mima i përgjigjet Veliaj: Hetim nga Kuvendi dhe Prokuroria

11:41 Politika

Balla ironizon shtimin e rojeve ndaj Bashës: Të duket miza buall

11:28 Politika

Rama në Paris, në marshimin në nder të viktimave të terrorizmit/Shqipëria "con" harmoninë fetare në Francë

09:08 Politika

Qasjet e dy aleatëve ndaj Qeverisë dhe një histori e Ramës me autobusin e Unazës

22:51 Politika

Policia arreston porositësit e vrasjes së Pajtim Serjanit

22:27 Politika

Problemi nuk qëndron tek besimi

20:22 Politika

Arben Imami: Xhelil Gjoni, një mbeturinë komuniste. Nuk duhet marrë seriozisht

19:47 Politika

PD i përgjigjet Ramës: Dëno kërcënimin që iu bë Bashës nga Shullazi

19:40 Politika

Prokuroria, asnjë kërkesë për mbrojtje. Basha i kërkoi vetë Gardës masa shtesë për sigurinë e tij

19:10 Politika

Skënder Gjinushi: Opozita me dekriminalizimin, si shtëpia publike që ankohet për prostitutat ambulante

18:43 Politika