Haxhinasto: Prioriteti madhor, siguria e qytetarëve në rrugë

Ministri i Transportit dhe Infrastrukturës, Edmond Haxhinasto, zhvilloi ditën e sotme inspektimin pranë Shërbimit të Kontrollit të Transportit Rrugor, pjesë përbërëse e Drejtorisë së Përgjithshme të Shërbimeve të Transportit Rrugor.

Haxhinasto vlerësoi Shërbimin e Kontrollit të Transportit Rrugor, si një strukturë të rëndësishme për sistemin e transportit, pasi ky shërbim me ushtrimin e veprimtarisë së tij siguron kontrollin e shfrytëzimit ekonomik të mjeteve tregtare, kontrollin e shfrytëzimit e infrastrukturës rrugore në vend, kontrollin e gjendjes fizike të automjeteve tregëtare që përdoren në transport dhe garantimin e sigurisë rrugore për  përdoruesit e rrugës.

Ministri nënvizoi se në funksion të objektivave kryesorë të këtij shërbimi kjo strukturë duhet të ofrojë etikë të lartë dhe marrëdhënie korrekte me biznesin dhe qytetarët.

Sa i përket organizimit, kapaciteteve njerëzore dhe aftësive profesionale të tyre, ai theksoi rritjen e këtyre kapaciteteve me qëllimin final rritjen e cilësisë së shërbimit.

“Prioriteti madhor i juaji theksoj është siguria e qytetarëve në rrugë, kjo është pjesë e planit kombëtar për sigurinë rrugore i cili ka arritur rezultate të dukshme gjatë vitit të kaluar, por detyrat dhe sfidat mbeten të mëdha, pasi në shfrytëzimin  e rrugëve si  aset kombëtar apo për garantimin e sigurisë rrugor. Ky shërbim ka edhe një mision tjetër të rëndësishëm, i cili është rregullimi i sistemit të përgjithshëm të  transportit, për shfrytëzimin harmonik të të gjithë formave të transportit, me qëllim që rrugët  të mos keqpërdoren dhe të mund të përdoren forma të tjera të transportit siç është hekurudha” – tha Haxhinasto.

Ai theksoi se transporti i mallrave të rënda, veçanërisht ai i naftës dhe mineraleve duhet të shkojë drejt transportit hekurudhor.

Ministri Haxhinasto vijoi me rëndësinë që ka zbatueshmëria e ligjit për Shërbimin e Kontrollit të Transportit Rrugor dhe  kërkoi që gjobat mos të shndërrohen në qëllim në vetvete, por të jenë masa parandaluese dhe dekurajuese për çdo formë shkelje

Në fund të fjalës së tij ai garantoi vëmendje dhe angazhim maksimal në këtë strukturë dhe vendosjen e një komunikimi  të drejtëpërdrejtë intensiv me këtë shërbim, për realizimin me sukses të objektivave parësorë për sigurinë e qytetarit dhe ruajtjen e rrugëve.

Gjermeni: Po punojmë për përmirësimin e imazhit të Shqipërisë

11:44 Ekonomia

Shlyerja e borxheve, kusht për mjetet që do të dalin nga qarkullimi

11:23 Ekonomia

Kompensimi i energjisë/ Veliaj: Mbajmë premtimin për 203.928 familje

16:22 Ekonomia

Pezullohet kompania e kontraktuar për "Rrugën e Kombit"

13:10 Ekonomia

Marrëveshja/Doganierët do të hetohen për pasuritë prej vitit 2003

12:57 Ekonomia

Gjermeni vizitë 4 ditore në Paris për Shqipërinë turistike

12:37 Ekonomia

Çmimi i naftës/ Braçe: Mungon konkurrenca, 3 kompani zotërojnë 70 % të tregut. Të ndërhyjnë institucionet

11:47 Ekonomia

Haxhinasto: Standartet në shërbim, prioritet

20:47 Ekonomia

Raporti i BB: Rritja ekonomike në Shqipëri për 2014, 2.1 %

18:23 Ekonomia

Ligji i ri për energjinë, plan 5-vjeçar për matësat me parapagesë

16:45 Ekonomia