AMA/Fino: Të shtojmë monitoruesit, sekretare s'kanë deputetët

Komisioni i Ligjeve  diskutoi projektligjin për “Ndryshime në organikën dhe strukturëën e Autoritetit të Mediave Audiovizive”. Kjo pasi ky institucion i ka kërkuar Parlamentit shtimin e 5 punonjësve.

Gjatë mbledhjes, deputeti i Partisë Socialiste Bashkim Fino u shpreh se kjo kërkesë për shtimin e punonjësve të AMA vjen pas miratimit të buxhetit të vitit 2015, dhe për të bërë ndryshime të tilla preket buxheti i qeverisë. Në këtë kuadër, Fino ka shtuar se nëse do të bëhet një ndryshim i tillë duhet të bëhet me miratimin e Ministrisë së Financave.

“Duhet të mbajmë mend se miratuam buxhetin e 2015 si dhe numrin e punonjësve. Çdo shtesë e punonjësve prek buxhetin dhe duhet të merret mendim i Financave. Në çdo shtesë në institucion duhet të jetë e rakorduar”, u shpreh deputeti i PS

Nga ana tjetër, Fino u shpreh se nëse do të duhet të shtohen punonjësit në AMA, atëherë duhet të shtohet numri i monitoruesve dhe jo i sekretarëve siç kërkohet nga ky institucion. Kjo pasi sipas Finos, montuesit janë shumë më të rëndësishëm se sa sekretarët, sepse bëjnë rreth 80% të punës në AMA.

“Shtesa që kërkohet nga AMA është 5 punonjës , për të gjitha institucionet është pyetja: A do kemi sekretar të përgjithshëm në çdo institucion? Për mua të rëndësishëm janë monitoruesit.

Hajde të shtojmë ata. Nuk ka pse të ketë zëvendësi yt sekretar dhe as sekretari i përgjithshëm.

Sekretar s’kanë as deputetët. Të bëhen 8 monitorues pasi 80 përqind të punës e bëjnë monitorusit. Pra nga 6 të bëhen 8”, theksoi Fino

Por sipas kreut të AMA-s, Genti Sala, ndryshimet e kërkuara janë të nevojshme, ashtu si dhe shtesa për 2 sekretarë.

“Mendojmë se dy shtesat për sekretar janë të nevojshem”, tha Kreu i AMA-s.

Të njëjtin mendim shprehu edhe deputeti tjetër i PS Pandeli Majko,  i cili kërkoi miratimin e projektligjit ashtu siç është paraqitur në Komisionin e Ligjeve.

“Ta orientojmë diskutimin jo te paradhoma dhe sekretarja me buzëkuq por në kontekstin e asistentit, ndihmësit. Une jam që të miratohet kështu siç është” , tha  Majko. /gj.k/

Koço Kokëdhima, lobim për legalizimin e marijuanës

09:29 Politika

Ben Blushi: Qeveria që u bë Burokraci

09:06 Politika

Ardian Olldashi: Sokoli vdiq si demokrat, të tjerë duan të bëhen me pahir

08:57 Politika

Terroristët tani përdorin edhe fëmijët/ Vajza 7-vjeçare kryen sulm vetëvrasës në Nigeri

21:15 Politika

Atentatet e porositura me tritol, prokurorët tërheqin dosjet e pazbardhura

20:23 Politika

Doktor më vjen keq, por më ngatërroni me Sandrin

22:38 Politika

Një rrëfenjë për dy mbretëritë e së ardhmes

19:01 Politika

Kush është spiunia e Mossad që zbulon videot e ISIS dhe arrin gjithmonë t’i ketë ato ekskluzive?

18:23 Politika

Zgjedhjet Vendore, PD-PS nisin negociatat/ Formula për bashkitë që do tu lihen aleatëve

17:07 Politika

Bogdani: Rama po mban peng ndërtimin e Bulevardit dhe tramit

15:31 Politika