Kur veshi kostumin për të luajtur rolin e Nënës Terezë të Kalkutës, vendasit ranë në tokë dhe me sa duket murgeshën katolike e shihnin si një shenjtore, e cila u ringjall për t’u ndihmuar të varfërve.

“Po xhiroja në sarin e famshëm të bardhë dhe me vija të kaltra”, ka thënë Stevenson për “Observer”. “Njerëzit afroheshin, përkuleshin dhe preknin sarin…në Indi ajo ende nderohet. Ajo mori me mijëra njerëz nga rruga dhe u kujdes për ta”, ka shtuar ajo.

Stevenson është në krye të kastës së filmit të ardhshëm për Nënën Terezë, që titullohet “The Letters”. Fillimisht, ish-aktorja e “Royal Shakespeare Company”, e cila pati një performancë solo edhe në “Happy Days” të Samuel Becket, ka pranuar një mori komentesh rreth pranimit të këtij roli.

Nëna Terezë, e cila vdiq në vitin 1997, në moshën 87-vjeçare, është bërë një prej figurave fetare më me ndikim të shekullit XX, megjithëse e diskutueshme për disa. Nëna Terezë, me etni shqiptare, krijoi një rend në lagjet e të varfërve të Kalkutës që u dedikohej të paaftëve dhe atyre që janë duke vdekur – “të gjithë ata që ndihen të padëshiruar, të padashur, të lënë pas dore”, kishte thënë ajo dikur. Papa Pali VI e përshkroi atë si një “lajmëtare të patrembur të dashurisë së Krishtit” dhe ajo u nderua me çmimin “Nobel” për Paqe.

“Kisha shumë dyshime, sepse unë nuk i përshtatem asaj. Unë jam 176 centimetra dhe goxha një fizik të fortë. Në asnjë mënyrë nuk jam miniaturë e saj. Nuk i përkas ndonjë besimi fetar dhe ajo besonte fuqishëm në Zot. Edhe mendimet për të drejtat e grave, kontrollin e lindjes dhe aborti, na dallojnë…Por ishte një sfidë e mrekullueshme”, ka thënë Stevenson.

Ajo shikoi dhe dëgjoi pafund incizimet e Nënës Terezë, për të perfeksionuar theksin dhe sjelljet e saj.

“Ajo ishte e pastër, jetonte një jetë të dëlirë dhe hante shumë pak. Nga kjo njeriu pret që ajo të mos jetë e fortë. Në fakt ishte e kundërta. Kishte duar të mëdha dhe trup të imët dhe gjithmonë u ndihmonte njerëzve”, ka thënë Stevenson, e cila ka luajtur në filma të cilët kanë marrë kritika të shumta, siç është “Truly, Madly, Deeply” të Anthony Minghella dhe po ashtu edhe në dramën televizive “The Village” të nominuar për “Bafta”.

Hulumtimi është një prej zanateve të Stevenson. Për performancën e saj në rolin e një aristokrate në “The Village”, ajo lexoi gjatë tërë kohës dhe dëgjoi incizime historike për figura klasike siç është Virginia Woolf, me qëllim që të kuptojë se theksi i tyre ishte shumë ekstrem për audiencën moderne.

“Nuk mund të jesh plotësisht historikisht i saktë nëse ajo që bën është shumë e çuditshme për audiencën”, ka thënë Stevenson.

“Ndonjëherë frustrohem kur shoh aktorët të cilët nuk kanë bërë asnjë përpjekje që të krijojnë një udhëtim imagjinar në atë periudhë dhe flasin sikur sapo kanë dalë nga një klub i Londrës. Është bindëse kur sheh një aktor i cili përdor imagjinatën, siç është Mark Rylance në ‘Wolf Hall’”, ka shtuar ajo.

Sipas regjisorit William Riead, ideja për të realizuar një film për Nënën Terezë, u intensifikua që nga koha kur ajo u lumturua nga Papa Gjon Pali II në vitin 2003, i cili po ashtu dha bekimin që të realizohet ky film. Teksa kanë kaluar vite që kur ai e nisi këtë projekt, ai planifikon që filmin ta lansojë brenda këtij viti dhe shpreson që kjo të përkojë me shenjtërimin e saj.

Riead është inspiruar nga filmi fitues i çmimit “Oscar”, “Gandhi” të regjisorit Richard Attenborough, ku aktori Ben Kingsley solli në jetë liderin indian. “Juliet ka sjellë në jetë Nënën Terezë. Prandaj njerëzit e Indisë…silleshin me të në atë mënyrë”.

Filmi pjesërisht flet për letrat sekrete të Nënës Terezë, të publikuara në vitin 2007, ku shpalosen krizat e saj me besimin dhe me ndjenjën se Krishti e ka braktisur. Larg nga dëmtimi i reputacionit të saj, letrat janë “një argument për shenjtërimin e saj”.

“Ajo ka bartur ndjenja personale. Ajo mbajti gjallë besimin e saj dhe vazhdoi punën në emër të Zotit”, ka thënë Stevenson.

3 komente në ““The Letters”, film për jetën e letrat sekrete të Nënës Terezë”

anticensurë 311 says:

9 Mars, 2015 12:09 te 12:09 pm

or debil përkëthyes a e di se çdo të thotë fjala “lajka”??
hyyyyyyyy debila!!

Përgjigjjuni
kaurri realist says:

9 Mars, 2015 14:27 te 2:27 pm

Sa larg jane grate moderne e “progresiste” tiranase me kete katoliken e thjeshte “rreaksionare” e “anakronike”! SHifet sa interes ka per té te nesermen e festes se gjinise femnore, 8 marsi.

Përgjigjjuni
srevus says:

10 Mars, 2015 14:48 te 2:48 pm

Mendimet e secilit prej nesh evoluojne me kohe. Dhe nuk ka dyshim se kulmin e pjekurise secili prej nesh e arrin ne fund te jetes, kur dija dhe eksperienca jetesore eshte me e madhe.
Kjo ka ndodhur edhe me nene Terezen dhe ne nje menyre qe e ben ate heroine te rralle (me guximin e paarritshem) ne historine e njerezimit Dhe ne jemi krenare per kete grua te madhe gjeniale, me prejardhje e gjak shqiptar dhe, mbase nuk e teperoj po te them – gruaja me e madhe ne historine e njerezimit.
Se ku kulmoi mendimi i Nene Terezes nga fundi i shekullit 20-te mund te shihet ne nje sere studimesh rreth saj. Por per lexuesin e thjeshte dote mjaftonte leximi i nje artikulli te revistes amerikane Time ku botohen disa komente rreth letrave te sajqe ne te gjalle ajo nuk donte te beheshin te njohura.
Drama e saj ekzistencialiste del qarte ne nje leter qe i dergonte ajo konfesionarit te saj shpirteror Rev. Michael van der Peet. Ajo i shkruan: Jezui ka nje dashuri te vecante per ty.. Sa per mua, heshtja dhe zbraztia eshte aq e madhe sa qe une hedh syte por nuk shoh gje; ve veshin por nuk degjoj gje; gjuha leviz (ne lutje) por nuk flet. Une dua qe ti te lutesh per mua qe ai (Zoti) te me ndihmoje mua (“Jesus has a very special love for you,” she assured Van der Peet. “[But] as for me, the silence and the emptiness is so great, that I look and do not see, — Listen and do not hear — the tongue moves [in prayer] but does not speak … I want you to pray for me — that I let Him have [a] free hand.”
Gjigande shqiptare e mendimit te lire! Kemi te drejte te krenohemi per kete shqiptare te madhe.

Përgjigjjuni