Frroku: Nuk kam vrarë askënd, në atë kohë s'kam qenë në Belgjikë (sqaron edhe "takimin e baballarëve")

Këshilli i Rregullores, Mandateve dhe Imunitetit është mbledhur për të shqyrtuar kërkesën e Prokurorisë për arrestimin e deputetit Mark Frroku i cili rezulton se është i dënuar në Belgjikë me 10 vite burg për vrasje.

Mark Frroku ka mbërritur në ambientet e Kryesisë së Kuvendit i shoqëruar nga policia, pasi aktualisht është në arrest shtëpie pas akuzave të para që lidhen me çështjen “Doshi”.

Deputeti Mark Frroku në fjalën e tij theksoi vullnetin për të qenë para organeve të drejtësisë e kam treguar të enjten duke pritur për 4 orë policinë te lokali im, kështu që nuk e kam ndërmend t’i fshihem drejtësisë.

“Dua të them që nuk kam vrarë asnjë njeri, dhe nuk kam bashkëpunuar me askënd për vrasjen e askujt. Autoritetet belge të më provojnë vetëm një fakt të vogël që unë në atë kohë kam qenë në Belgjikë dhe unë jam gati të pranoj vrasjen. Unë kam qenë në vendin tim në atë kohë. Sa i përket dëshmitarit kyç unë nuk kam lidhje me atë çështje. Do të bëjmë publike se çfarë provash ka në shkresën e Prokurorisë, me mua s’ka lidhje ajo çështje.

Çështja e sotme më përket mua dhe për këtë do të jap përgjigje para jush. Është e vërtetë se familjarët tanë kanë pasur një takim shumë i vonshëm, jo më shumë se një vit e ca, se babai im është 85 vjeç dhe ecën me të drejtën zakonore, unë do të eci me të drejtën e ligjit.

Jam i gatshëm të përgjigjem për çdo gjë që mund të pyesni. Sa i takon Interpolit unë jam kthyer në 22 Shkurt nga Amerika e Veriut, kam udhëtuar nëpërmjet vendeve Shengen dhe nuk kam pasur asnjë problem me drejtësinë as këtu as në vendet shenjen”, theksoi Frroku.

Duke folur për atë që është quajtur “takimi i baballarëve” për vrasjen e ndodhur në Bruksel, Frroku tha se babai i tij e ka sqaruar këtë çështje.

“Familjarët tanë kanë pasur një takim, jo ai që flitet në media, por më i mëvonshëm. Babai im ec sipas të drejtës zakonore, unë sipas ligjit. Është sqaru ajo punë. Babai është 88 vjeç. Për të tjerat janë i gatshëm të përgjigjem për çdo gjë,” tha Frroku.

Ndërsa avokati Sajmir Visha duke iu drejtuar Këshillit tha se s’mund të pranohet çdo kërkesë në kuadër të dekriminalizimit.

“Kërkesës nuk i janë bashkangjitur asnjë dokument shoqërues apo prova. Nuk mund të rrimë indiferent dhe të regjistrojmë një procedim penal thjesht nga një opinion. Nuk mundemi që në kuadër të dekriminalizimit të aprovohet çdo kërkesë.

Kemi një ligj. Jemi penalistë dhe asnjë çështje penale që është gjykuar dhe gjykohet në Belgjikë nuk mund të vijë apori, duhet të kalojë përmes Ministrisë së Drejtësisë. Kemi një anashkalim procedural. Ministria eDrejtësisë është anashkaluar me dashje.

Ajo që na shqetëson. Është që Prokuroria nuk ka të drejtë të arrestojë. Arrestimi parashtrohet vetëm në flagrancë. Flasim për një ngjarje të viti 1996. Përsa i përket heqjes së lirisë, këtu mungon rreziku i ikjes, ka një vendim Gjykate për arrest shtëpie për Mark Frrokun, në këto kushte nuk kemi mundësi ikje. Një kërkese ë tillë është e papërshtatshme.

Më datë 6 mars 2009  në Burrel, Gjykata Shqiptare pushoi çështjen ndaj një personi të kërkuar në Gjermani për trafik droge pasi mungonte ankimimi për transferimin e procedimit. të gjithë qytetarët janë të barabartë, për aq kohë sa Prokuroria ka mbajtur një qëndrim në të kaluarën duhet ta zbatojë edhe në këtë rast. Anashkalimi i Ministrisë së Drejtësisë i rrëzon të gjitha këto kërkesa“, tha avokati Visha.

Debatet në mbledhjen e Këshillit të Mandateve

Prokuroria: Materiali i ardhur është urdhër arresti ndërkombëtar për deputetin Frroku. Informacioni në urdhër arrestin është konfidencial dhe nuk mund ta bëj publik.

Ristani: Si na e provoni që ju ka ardhur shkresa për arrestin ndërkombëtar? Shkresat cfarë përbajmën, çfarë lidhje kanë me deputetin Frroku?

Prokuroria: Ne i kemi cituar të gjitha materialet në relacion, urdhër kërkimi ndërkombëtar për deputetin Frroku.

Ristani: A ka mundësi të shohim se ajo që thoni ju këtu është e njëjta me ato që ju kanë ardhur në shkresë?

Prokuroria: kërkesat tona dhe materialet shoqëruese janë përmendur në relacion, unë nuk mund ti vë në dispozicionin tuaj, por në dispozicion të Prokurorisë. Dokumentet që ne kemi janë të institucioneve ndërkombëtare. Nuk besoj që vërtetësia e tyre të vihet në dyshim nga askush prej nesh

Ristani: Për mua jeni dy palë që vini këtu, ju kërkoni arrestim për të. Dua të shikoj nëse ju jeni korrekt në kërkesën tuaj apo jo, se s’kam si ju besoj apriori.

Meta: Nuk ishin i kënaqur nga përgjigjja që morët nga prokuroria, nëse e gjykoni më pas të nevojshme për dokumente shtesë që ju mendoni se nuk dëmton procesin këtë gjë mund ta bëni më pas. Mendoj të vazhdojmë edhe me çështjet e tjera.

Ristani: Këtu ne s’kemi asnjë lloj dokumenti. Dua të shikoj dokumentin e Interpolit.

Meta: Ata janë institucion i pavarur. Nuk mund të detyroj prokurorinë të japë përgjigjet që duam ne, ne do të gjykojmë. Para se të marrim vendim do të gjykojmë për të gjitha aktet e marra dhe shkresat që do na vihen në dispozicion. S’mund të ndalojmë mbledhjen tek kjo çështje, të bllokuar vetëm në një pikë.

Ristani: Unë e di që doni ta prishni këtë mbledhje dhe ndaj të kërkuam dorëheqjen se ke konflikt interesi dhe do të mundohesh t’i mbrosh.

Prokuroria: Kërkesa e Prokurorisë shoqërohet vetëm me relacion, asnjë dokument tjetër.

Ristani-perfaqesues se prokurorise se Pergjithshme: Unë e kuptoj që nën presionin e Metës ju këtë qëndrim do të mbani Thuhet se kërkesat nga Belgjika kanë ardhur që në janar. Jeni në dijeni të këtij fakti

Prokuroria: Informacioni është konfidencial.

Vishaj: Nëse ka pasur urdhër arresti, deri më 22 shkurt 2015 kemi lëvizur lirisht në zonën Shengen, që do të thotë që s’ka urdhër arresti ndërkombëtar. Edhe ne kërkojmë të njihemi me këtë urdhër,që të realizojmë mbrojtjen ligjore se nuk kemi ardhur formalisht këtu.  Hera e parë që jemi vënë në dijeni ka qenë vitin 2004. Kur vetë Mark Frroku është paraqitur te autoritetet belge. Frroku ka qëndruar 60 ditë në burg në Belgjikë. Autoritetet Belge revokuan vetë masën e arrestit në 2004. Zakonet kanunore janë bërë nga familjarët, të cilët janë betuar që s’kanë lidhje,  nuk kërkuan falje.

Gjokutaj: Ka vetëm një informacion të Interpol Tiranës dhe fillon procesit., Puna është referenca që shkruhen në ligj. Nuk ka një procedim për të vënë në lëvizje Prokurorinë. Në rastin e kaluar 90% e tyre që ishin në media nuk ekzistonin. Po krijohet një procedim i rrezikshëm, po i thuhet Prokurorisë ti je shteti. /gj.k/

Debatet në mbledhjen e Këshillit të Mandateve/ Meta-PD: Koordinohuni, keni 3 qëndrime për një çështje

12:42 Politika

Neritan Ceka, pazare në Itali me votat e arbëreshëve dhe shqiptarëve. Përgjimet e skandalit

13:00 Politika

Dorëheqja e Didit/ Spaho: Fshehja e kërkesës së Interpolit, të ikë Saimir Tahiri

12:06 Politika

Berisha shfrenon fantazinë: Tahiri e mbante peng Didin me një llogari 500 mijë euro

12:13 Politika

Basha konfirmon se nuk do të rikandidojë për Tiranën: Misioni im është t'i marr qeverinë Ramës

11:23 Politika

PD: Kërkesa belge për arrestimin e Frrokut, Rama e mbajti fshehur dy herë

11:22 Politika

Dorëheqja e Didit/ Tahiri mbledh drejtuesit e policisë

11:14 Politika

Artan Didi jep dorëheqjen si drejtor i Policisë. Ja letra drejtuar Ramës dhe arsyet e dorëheqjes

10:09 Politika

Kandidatët për zgjedhjet vendore, Rama takon Metën

09:47 Politika

PDIU kërkon 5 bashki, Rama i jep tre. Do përfaqësohet në qeveri edhe me zv.ministra

09:35 Politika