Te fundit
INTERVISTA/ Astrit Beci: Lista e re e barnave të rimbursueshme është pasuruar me 29 barna të reja, ja kush përfiton
1 Prill 2015, 11:36Sociale
TEMA
Astrit Beci, Drejtor i Përgjithshëm i Fondit të Sigurimit të Detyrueshëm të Kujdesit Shëndetësor ka folur në një intervistë për revistën Java ku ka treguar se kush përfiton nga “Lista e re e barnave të rimbursueshme e vitit 2015″, e cila është pasuruar me 29 barna të reja, 12 prej të cilave janë principe të reja aktive.
Lista e barnave është një prej paketave të më rëndësishme të Fondit, kur hyn në fuqi lista e re dhe çfarë ndryshimesh ka ajo?
“Lista e re e barnave të rimbursueshme e vitit 2015 është pasuruar me 29 barna të reja, 12 prej të cilave janë principe të reja aktive. Këto barna përmirësojnë dhe zgjerojnë trajtimin e pacientëve në shërbime si: Onkologjik, Gastro-hepatologji, Pneumologji, Reumatologji, Infektiv, në terapinë kardiake, Parkinson, etj. Kjo listë hyn në fuqi më 1 prill 2015 dhe që nga ky moment do të jetë e mundur rimbursimi i barnave për pacientët në nevojë, sipas listës së re të barnave.
Por risia e këtij viti është rimbursimi i materialeve mjekësore. Falë ligjit të ri të FSDKSH, tanimë kemi hapësirat ligjore për të rimbursuar edhe materiale mjekësore, për të cilat ka patur kërkesa të vazhdueshme në Fond nga popullata në nevojë. Ne do të bëjmë të mundur këtë vit edhe rimbursimin e materialeve mjekësore, siç janë strishat për diabetikët, aq të nevojshme për të mbajtur nën kontroll sëmundshmërinë, e për pasojë, për të patur një mjekim efikas e cilësor për pacientët; qeset njëpërdorimshe për shkarkimin kolostomik; disa pajisje për kardiologjinë invasive, etj.
Nëse bëjmë një bilanc të këtyre dy viteve, duhet theksuar se, lista e barnave të rimbursueshme u shtua me plot 85 barna të reja, ku prioritet ka qenë trajtimi i sëmundjeve të rënda dhe zgjerimi i gamës së personave përfitues nga skema e rimbursimit.
A kanë ndryshuar çmimet e barnave këtë vit?
Vendimi i Këshilli të Ministrave nr 645, date 01.10.2014 për ngritjen dhe funksionimin e Komisionit të Çmimit të Barnave përcaktoi qartë këtë vit se, çmimi i barnave duhet të jetë i krahasueshëm me çmimin e pesë vendeve të Rajonit (Maqedoni, Greqi, Itali, Serbi dhe Kroaci) dhe nuk mund të jetë më i lartë se në këto vende. Ky vendim, i mundësoi Komisionit që miraton çmimet e barnave pranë Ministrisë së Shëndetësisë, që të arrijë një ulje të konsiderueshme të çmimeve të barnave këtë vit, ulje e cila reflektohet jo vetëm në listën e rimbursimit por edhe në tregun e hapur farmaceutik.
Po ju sjellim disa shembuj të uljes së çmimeve të barnave të njëjtë, krahasuar me vitin e kaluar:
Bari Lercanidipine që përdoret në Kardiologji, nga 24.7 lek (çmimi ref/njësi) u ul këtë vit në 15.8 lek.
Bari Imatinib që përdoret për Leuçeminë, nga 1776.2 lek është ulur në 384.4 lek.
Bari Capecitabin që përdoret në Onkologji, nga 307.90 lek është ulur në 153.6 lek.
Insulina Glargine për diabetikët – nga 1891 është ulur në 1461 lek.
Po me datë 1 prill nis të zbatohet një mënyre e re e dhënies së recetave me rimbursim. Për çfarë bëhet fjalë dhe cilët janë përfitursit kryesorë?
Një nga objektivat tonë afatshkurtër ishte lehtësimi i procedurave dhe eliminimi i burokracive të shumta për marrjen e shërbimeve shëndetësore. Dhe për këtë, sikurse e dini, po aplikojmë me sukses kartën e shëndetit, e cila po ul në mënyrë të ndjeshme burokracitë në marrjen e shërbimit shëndetësor. Por një tjetër hap i rëndësishëm që po ndërmarrim në këtë drejtim, është pikërisht dhënia e barnave me rimbursim për periudha deri ne 2-mujore. Duke filluar nga data 1 prill, kur do të hyjë në fuqi lista e re dhe e zgjeruar e barnave te rimbursueshme per vitin 2015, ne do të mundësojmë dhënien e recetave për periudha dy mujore për pacientët kronikë të stabilizuar. Kjo do të thotë se pacientët, sidomos pensionistët (që janë dhe përfituesit kryesorë), do të kenë një lehtësim të ndjeshem, pasi nuk do ta kenë të nevojshme paraqitjen pranë mjekut të familjes çdo muaj për barnat që marrin rregullisht me rimbursim, por një herë në dy muaj. Përveç rasteve kur ka ndryshim terapie (gje e cila përcaktohet nga mjeku). Theksoj se, vetëm gjatë një viti, ne kemi rimburauar afro 4.6 milion receta dhe vetëm gjatë vitit të fundit, numri I tyre është rritur me 375 mijë krahasuar me vitin e kaluar. Ky vendim, shkurton ndjeshem edhe kohen administrative te mjekut, i cili do te kete me teper mundesi edhe per kontrollin mjekesor baze qe ka filluar te ofrohet ne qendrat shendetesore me financim nga FSDKSH, nje pakete shume e rendesishme kjo, drejt objektivit tone per mbulimin shendetesor universal.
Ju keni deklaruar se karta e shëndetit do të lehtësojë kryesisht moshën e tretë. Sa janë deri tani përfituesit e saj?
Karta e shëndetit mund të konsiderohet një projekt I suksesshëm I FSDKSH-së, pasi ecuria e saj është në pritshmëritë tona dhe rezultatet janë të dukshme. Vetëm pak muaj pas nisjes së lëshimit të kartës së shëndetit e cila po zëvendëson gradualisht librezën shëndetësore, janë rreth 112 mijë persona që janë pajisur me kartë shëndeti, kryesisht pensionistë, invalidë por edhe të papunë e kategori të tjera që përfitojnë nga skema e rimbursimit.
Por ne po punojmë për ta përsosur më tej procesin, për të lehtësuar dhe pjesën shkresore të dokumentacionit. Aktualisht po punohet per te bere shkembim te dhenash online me regjistrin e gjendjes civile, sigurmet shoqerore, adminsitraten tatimore dhe sherbimin kombetar te punesimit, te cilat kane te dhena online. Realizmi i ketij shkembimi nderinstitucional, do te lehtesoje kerkesen per dokumenatcion leter qe u behet sot perfituesve të kartës së shëndetit.
Pak ditë më parë, gjatë analizës vjetore ju deklaruat se disa ndërhyrje të kardiologjisë por edhe transplantet, po financohen 100% nga Fondi. Sa janë përfituesit?
Duhet theksuar se, një nga rritjet më të rëndësishme të FSDKSH-së këtë vit, ishte ofrimi i paketave të disa shërbimeve të nefrologjise dhe kardiokirurgjisë, sipas kostove të përcaktuara drejt, si në spitalet publike ashtu edhe në ato jopublike. Kur nisëm punën për kostifikimin e paketave shëndetësore nga MSH, FSDKSH së bashku me një grup mjekësh elitë në QSUT rreth 1 vit më parë, ishim të vetëdijshëm për punën e madhe dhe të vështirë që na priste. Sot, jemi këtu me një premtim të mbajtur, atë të ofrimit të paketave të para shëndetësore, të cilat financohen 100% nga Fondi i Sigurimit të Detyrueshëm të Kujdesit Shëndetësor. Sigurisht financimi dhe realizimi i këtyre ndërhyrjeve, po kryhet fillimisht në sektorin publik, por dihet se, problemet e veshkave dhe ato kardiokirugjike, janë sëmundje me incidencë të lartë dhe nevojat e popullatës për këto ndërhyrje nuk arrijnë të plotësohen nga spitalet publike. Për këtë arsye, për rastet që janë përtej kapaciteteve të institucioneve shëndetësore publike, FSDKSH nisi t’i financojë këto paketa edhe në spitalet jopublike, duke mbuluar koston e plotë të ndërhyrjes për pacientët.
Përfitues të drejtpërdrejtë deri më sot – janë:
Rreth 900 pacientë që kryejnë dializën në 4 spitale publike dhe 3 spitale private;
Në vetëm 4 muaj, u realizuan:
350 ndërhyrje të kardiologjisë dhe kardiokirurgjisë, me financim 100% nga FSDKSH;
12 transplante të veshkave të kryera me sukses në spitalet private, po ashtu me financim të plotë nga FSDKSH. E thënë ndryshe, ne arritëm të shkurtonim me 50% listën e pritjes për pacientët që kanë nevojë për transplant dhe kanë dhurues familjarë të përshtatshëm, të cilët kanë qenë prej vitesh në liste-pritje. Me këto ritme, në fund të vitit 2016, pretendojmë të bëjmë të mundur heqjen e listë-pritjes, pasi do të realizojme edhe transplantet e mbetura gjatë kësaj periudhe”
Cila është rruga që duhet të ndjekë një pacient për ta përfituar paketat shëndetësore?
Rruga që duhet të ndjekë një pacient për të përfituar paketat shëndetësore, nis nga mjeku I familjes dhe zbatimi korrekt I sistemit të referimit. Më konkretisht:
TABELAT:
Barnat që shtohen në listën e rimbursimit 2015
1 komente në “INTERVISTA/ Astrit Beci: Lista e re e barnave të rimbursueshme është pasuruar me 29 barna të reja, ja kush përfiton”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O Titi o Hajdut farmacish, ORDINER