Te fundit
Artan Lame kritikon Dakon: Janë bërë gabime në ndërtimin e Durrësit
11 Prill 2015, 17:46Politika
TEMA
Kreu i ALUIZNI-t, Lame, theksoi se kjo është një zonë me problemet e saj specifike dhe kërkoi bashkëpunimin e mëtejshëm të banorëve në mënyrë që ky proces të vazhdojë me sukses. Lame në fjalën e tij tha se janë bërë gabime në ndërtimin e këtij qyteti duke shigjetuar kështu në mënyrë të tërthortë kryetarin aktual të Bashkisë Durrës, Vangjush Dako, i cili ka mbajtur këtë detyrë për dy mandate dhe po kandidon për mandatin e tretë.
“Durrësi është qytet i ngritur mbi një qytet mesjetar, i cili ka qenë ngritur mbi një qytet antik. Në gjithë këto vite duhet të pranojmë se janë bërë shumë gabime në ndërtimin e tij. Kjo e shton përgjegjësinë tonë gjatë ecjes së procesit të legalizimeve në zonat e qytetit të Durrësit”, tha Artan Lame gjatë fjalës së tij sot, ku ishte i pranishëm edhe Dako. Kryetari i Bashkisë Durrës ndau disa leje legalizimi dhe premtoi se do të punonte që ta urbanizonte dhe integronte zonën e Kënetës.
Ndërkaq kryeministri Rama tha se ishte kembengulja e Lames për ndryshimin e një vendimi të qeverisë së mëparshme që e cilësonte Kënetën zonë arkeologjike të mbrojtur dhe mbante peng legalizimin dhe zhvillimin e saj. Vetë Lame sqaroi se “problemet e brendshme të kësaj zone janë të shumta. Në Kënetë ka qenë problem zona arkeologjike “B” e cila përfshinte një territor shumë të madh të saj. Me legjislacionin e mëparshëm rrezikonte e gjithë kjo zonë e cila për më tepër është edhe zonë informate. Por në mënyrë përfundimtare me vendimin e datës 1 prill 2015 qeveria shqiptare i dha frymëmarrje procesit të legalizimit në këtë zonë informate duke rishikuar pengesën e zonës arkeologjike “B” e cila penalizonte një numër të madh ndërtimesh informate. Po kështu ka lehtësuar procedurat në zonat informale edhe sa i përket sistemit rrugor duke krijuar lehtësira për vazhdimin e procedurave të legalizimit. Gjithashtu ky vendim i ka dhënë njëherë e mirë fund ndryshimeve në strukturë e volum ndërtimor të objekteve pa leje të shkaktuara si rezultat i mosfunksionimit ndër vite të ALUIZNI-t”.
4 komente në “Artan Lame kritikon Dakon: Janë bërë gabime në ndërtimin e Durrësit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qytetaret e vjeter e te ndershem te Durresit qe nuk kishin bere asnji shkelje ligji dhe qe rastesisht u gjenden ne shtepi “pronaresh” por qe per ata kishin qene prona shteterore dhe si qeraxhinj kishin paguar qera te rregullt pronarit shtet per me shume se 50 vjet u nxorren ne rruge,pa ju dhene asnji mundesi strehimi ne nji kohe qe te gjithe pjesa e tjeter perfituan privatizimin e baneses ,ndersa maloket e veriut dhe te jugut qe zaptuan toka dhe ndertuan shtepi pa leje vjen kryeministri dhe i legalizon shtepijat dhe i uron per kete zotesi ne shkeljen e ligjit.
Kjo cmenduri ndodh vetem ne Albanistan!
Po qyetar ke te drejte.Keshtu ka ndodhur.Dhe kjo duhej ndrequr dhe mendoj se edhe tani ka kohe.Ndersa kete legalizim banoret e Kenetes do ta vuajne shume vite.Ata i kane ndertuar shtepite e tyre neper rrugica jo me shume se 2,5 metra te gjera dhe te gjata sa edhe nje xhenaze nuk del dot.Kjo nuk eshte gje tjeter vec nje rrumpalle e organizuar.E sa per varrosjen e antikitetit, do te mbetet ne histori Dako si varroses i antikitetit.Prokuroria fle.
Lame eshte kryesori i betonizimit te plazhit te durresit dhe te golemit, ishte ai qe firmosi masakren, jo se vangjushi eshte me mire, por te pakten ky mos te flasi
ZOTI QYTETAR KE TÈ DREJTE POR PUSHTIMI I DURRESIT U BE 20VJET ME PARE…. DHE MUND TTÈ ISHTE BERE I RREGULLT! RAMA NUK KA FAJ PER KETE DHE BEN MIRE QE LEGALIZON! PROBLEM X Dr JANE ATA QE PRISHEN DETIN DHE ANTKITETIN, KURSE ATA NJEREZ HALLEXHINJ TÈ KENETES ASPAK!