Leskaj: Italia dhe Greqia të njohin sa më shpejt pensionet për emigrantët shqiptarë

Deputetja socialiste Valentina Leskaj ka kërkuar sot që të negociohet me Greqinë dhe të nënshkruhet marrëveshja me Italinë lidhur me kontributet e emigrantëve shqiptarë që punojnë e jetojnë në këto dy vende, me qëllim njohjen e pensioneve të tyre.

Në mbledhjen e komisionit të Jashtëm u diskutua sot marrëveshja me Luksemburgun për njohjen e pensioneve të shtetasve shqiptarë që jetojnë në këtë vend.

Gjatë diskutimit për emigrantët shqiptarë deputetja socialiste ka ngritur si shqetësim pensionet e tyre, të cilat aktualisht janë të pamundura veçanërisht në Greqi e Itali atje ku janë edhe shumica e emigrantëve shqiptarë.

Leskaj ka deklaruar në mbledhjen e sotme të komisionit se emigrantët shqiptarë në këto dy vende kanë 25 vjet që kontribojnë përmes taksave në ekonomitë e këtyre vendeve por nuk përfitojnë pensione.

Për këtë arsye, Leskaj ka kërkuar që të merren në konsideratë dokumentacionet e duhura dhe konventat e vendeve të BE-së për t’ju garantuar emigrantëve shqiptarë të drejtën e pensionit në vendet ku ata punojnë e jetojnë. Kjo edhe për shkak se sipas Leskajt shumë prej tyre kanë kaluar gjithë kohën e jetës aktive për punë në këto vende dhe nëse ata nuk përfitojnë pensionet në vendet ku punojnë e kanë të pamundur të kenë të drejtën e pensionit në vendin e tyre, pasi nuk kanë punuar e jetuar atje.

Ndërkohë Shqipëria ka rënë dakort për nënshkrimin e marrëveshjes së pensioneve me Italinë. Ky lajm u konfirmua nga kryeministri Italian Mateo Renzi gjatë vizitës në Shqipëri dhe nga kryeministri Rama. Aktualisht MMSR ka nisur bisedimet teknike  me Italinë dhe shumë shpejt pritet nënshkrimi I marrëveshjes. Drejt mbylljes është marrëveshja për pensionet me Kanadanë, ndërsa me Gjermaninë procesi është në fazën e dytë të tij dhe marrëveshja pritet të nënshkruhet në vjeshtën e këtij viti

Ndërkohë janë nënshkruar marrëveshjet për pensionet me  Austrinë, Spanjën, Bullgarinë, Luksemburgun, Hungarinë dhe Rumaninë.

Rama në Emiratet e Bashkuara: Marrëveshje për lehtësimin e vizave dhe mjedisit

13:24 Politika

Marrëveshja PD-PR për kandidatin e Durrësit, sa afër edhe larg/ Mediu: Duka, fitues përballë kandidatit të PD-së dhe PS-së

13:21 Politika

Edhe Kisha Katolike kërkon dekriminalizimin e politikës: Zgjedhësit të abstenojnë, kur ka kandidatë të përfshirë në krim

13:06 Politika

Mziu akuzon Ramën: Ke arrestuar 500 qytetarë që vidhnin energjinë. Gjici s'ia ka haberin Kamzës, se nuk është qytetar i saj

11:21 Politika

Basha i thotë “Jo” Lefter Maliqit. Gjergj Mero, kandidati për Korçën

11:13 Politika

Policia italiane arreston biznesmenin e fuqishëm shqiptar, Gëzim Sallaku

10:52 Politika

Ju shpjegoj ISIS

10:34 Politika

Ben Blushi bojkoton fushatën e PS-së për zgjedhjet vendore?

10:01 Politika

Debatet në Komisionin e Jashtëm të PE/ Miratohet draft rezoluta për Shqipërinë

09:59 Politika

Greta Koçi akuzohet për falsifikim të letrave të makinave, nuk ka paguar 9 mijë euro

09:25 Politika