Te fundit
Veliaj-Granoff, nënshkruajnë marrëveshjen për futjen e kursve të biznesit në shkollat profesionale
15 Prill 2015, 12:23Sociale
TEMA
Ministri i Mirëqenies Sociale dhe Rinisë, Erion Veliaj, dhe Drejtori i Bordit të Fondacionit Shqiptaro – Amerikan për Zhvillim (AADF), Michael Granoff, nënshkruan sot në mjediset e shkollës së mesme profesionale Hoteleri-Turizëm një memorandum bashkëpunimi, i cili synon promovimin dhe thellimin e edukimit të të rinjve me aftësi për sipërmarrjen. Marrëveshja në fjalë e vë theksin te rëndësia e të nxënit përmes praktikave ushtrimore dhe vjen në vazhdimësi të programit “Junior Achievement”.
Pas nënshkrimit të memorandumit, ministri Veliaj vlerësoi si tepër të rëndësishme ndihmën që jep fondacioni amerikan në drejtim të arsimit professional, duke theksuar se falë këtyre projekteve i jepet mundësi të rinjëve që të kuptojnë më mirë rëndësinë e të marrit të një profesioni apo zanati, si një mundësi për një të ardhme më të sigurtë. “Kjo marrëveshje është jashtëzakonisht e rëndësishme për ne pasi lidhet me futjen e kurseve të biznesit në shkollat tona profesionale, çka i bën ato më të zhdërvjellta në çështjet e sipërmarrjes. Ne kemi patur një vit fantastik, pasi regjistrimet në shkollat profesionale u rritën me 40%, çka do të thotë se publiku e ka kuptuar mesazhin se arsimi profesional është e ardhmja”, u shpreh Veliaj.
Ai tha se sot gjasat për të gjetur një punë janë më të mëdha kur zotëron një zanat. Sipas tij, falë kësaj mbështetjeje, planifikohet që programi të shtrihet në vitin e III-të akademik, në 26 shkolla profesionale në Shqipëri, duke përfshirë aktualisht mbi 1.300 të rinj, duke lënë të hapur mundësinë që ky bashkëpunim të zgjerohet edhe më tej në rrjetin kombëtar të shkollave profesionale në vend. Më tej, Veliaj theksoi se një nga ndërhyrjet e domosdoshme në shkollat e arsimit profesional ishte edhe lidhja e tyre direkt me sipërmarrjen.
“Këtë vit bëmë disa ndryshime në sistemin e arsimit profesional. Për herë të parë bordet e shkollave menaxhohen nga biznesi sepse gjykuam se lidhja me biznesin duhej forcuar. Ndaj më vjen mirë që sot kemi sipërmarrës që menaxhojnë bordet e shkollave tona”, tha ai. Nisur nga risitë që sjell ky memorandum bashkëpunimi, Veliaj vuri në dukje se qëllimi i MMSR-së është të barazojë kohën e mësimdhënies teorike me atë praktike.
Ndërkaq, Drejtori i Bordit të AADF-së, Granoff vlerësoi programin e ndihmës në fushën e arsimit profesional duke theksuar se modeli që kërkohet të aplikohet ka sjellë rezultate të mira. “Arsyeja pse na pëlqen ky program është se ne mendojmë se nëse nxënësve u ofrojmë arsimim ekonomik apo në termat e biznesit, atëherë kjo automatikisht sjell rritje ekonomike dhe jetesë më të mire”, tha Granoff.
Qëllimi i bashkëpunimit që ofron ky memorandum është të ngushtojë hapësirën mes të nxënit teorik dhe të nxënit praktik, të ndihmojë të rinjtë të bëjnë zgjedhje të zgjuara për karrierën e tyre, si dhe të konsiderojnë vetëpunësimin dhe zotërimin e një biznesi si zgjidhjen e duhur për jetën e tyre./j.h
11 komente në “Veliaj-Granoff, nënshkruajnë marrëveshjen për futjen e kursve të biznesit në shkollat profesionale”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Urojme te zgjerohen ne tere Shqiperine programet per shkollat profesionale. Ky do te ishte nje revolucion i vertete i arsimit, qe do i sherbeje brezave te ardhshem, te cilet do kene fatin te perfitojne, jo si brezat qe u dogjen dhe humben ne keto 24 vite rrumpalle.
puna dhe progresi i dukshem vazhdojne
b ravo ndryshime te dukshme
nese veliaj vazhdon keshtu, brenda mandatit te pare ka dnryshuar gjithcka ne mmsr si kurre me pare, urime e suksese
dhe thoni po deshet qe nuk e meriton Veliaj bashkine e Tiranes!!
Me gjithe keto pune qe ben jam i sigurt qe Tiranes do i ndryshoje fytyra tani se per keto 4 vite qe ishte Luli personalisht nuk di te jete bere gje per Tiranen…le te mos flasim per tramin
njeriu me i mire per Tiranen Veliaj ?
Rikthimi tek shkollat profesionale i nje pjese te rinise eshte thelbesore per te patur njerez sa me te kualifikuar ne tregun e punes neser dhe kualifikimi i brezit te ri eshte themeli per zhvillimin e nje kombi.
nuk ka as me te voglin dyshim qe erion veliaj eshte kandidati i duhur per bashkine e tiranes, punetor dhe me ambicje per te ecur perpara , per ta nxjerre bashkine e tiranes nga dembelizmi i ketyre 4 viteve
Puna e palodhur ne keto muaj e Veliaj ka treguar qe eshte njeriu i duhur per qytetaret e Tiranes.
do te me pelqente shume nese do te ishte vertet Veliaj per Tiranen. eshte person shume pozitiv dhe punetor. Eshte pikerisht personi qe i duhet Tiranes
Arsimi qe i ka munguar ne vite Shqiperis.Besojm se frekuentimi i tyre do vije ne rritje ne vitet ne vazhdim..