Te fundit
Operatorët turistikë kërkojnë formalizimin e sektorit
12 Maj 2015, 14:35Sociale
TEMA
Komisioni Parlamentar i Veprimtarisë Prodhuese zhvilloi të martën seancë dëgjimore me grupet e interesit që operojnë në fushën e turizmit. Gjatë seancës në komision, grupet e interesit që ushtrojnë aktivitetin e tyre në këtë sektor kërkuan që në ligjin e turizmit të përfshihen dhe kategorizimi dhe çertifikimi i subjekteve.
Përfaqësuesi i GIZ, Luan Dervishi, tha se në vendin tonë regjistrohen thuajse 20 milion netë fjetje në vit, ndërsa vetëm një numër i konsiderueshëm është i taksueshëm. Projektligji i ri “për turizmin”, i cili vijon diskutimet në komisionet kuvendore, përbën një hap të rëndësishëm për të arritur pikësynimet në sektorin e turizmit.
Javën e shkuar gjatë diskutimit në komision të p/ligjit, ministri Ahmetaj tha se qëllimi i këtij ligji është të promovojë Shqipërinë si destinacion turistik tërheqës për vizitorë vendas e të huaj, duke mbështetur zhvillimin e një turizmi të qëndrueshëm, duke siguruar që ofruesit e shërbimeve turistike të përmbushin kërkesat e turistëve, në një mjedis të shëndetshëm dhe të sigurt, dhe duke respektuar nevojat e komuniteteve pritëse të sotme dhe të brezave të ardhshëm.
“Ligji do të japë më shumë mundësi për sipërmarrje për shfrytëzimin e territoreve të plazheve. Ne synojmë uljen e informalitetit dhe rritjen e cilësisë së shërbimeve. Ky ligj vendos baza për standardizimin e hoteleve në bazë të yjeve, standardizimi i tyre duke rritur cilësinë e shërbimeve”, tha ndër të tjerash z. Ahmetaj.
Gjithashtu, projektligji synon të krijojë kuadrin ligjor të nevojshëm, që turizmi të mbështetet si një sektor kryesor ekonomik, i cili krijon vende të reja pune, kontribuon në uljen e varfërisë dhe ofron mundësi fitimi e rritjeje, veçanërisht për komunitetet rurale, me synimin e harmonizimit të tërësisë së veprimtarive turistike, që plotësojnë kërkesat e turistëve të huaj dhe vendas, mbron dhe ripërtëritjen e trashëgimisë kulturore dhe mjedisore, si pasuri për gjeneratat e sotme e ato të ardhshme.
Ndërkaq, gjatë diskutimeve në komision, z. Ahmetaj theksoi se hotelet në Shqipëri duhet të marrin asistencë të huaj për klasifikimin e tyre, teksa nënvizoi faktin se nuk ka ende një resort me 5 yje. Ministrii deklaroi se duhen vendosur rregulla për cilësinë e produkteve, ndërkohë që qeveria shqiptare ka planifikuar që brenda 4 muajve, të bëhet pastrimi i të gjithë vijës bregdetare
10 komente në “Operatorët turistikë kërkojnë formalizimin e sektorit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Se paku te fitoje ky vend tek turizmi, sa per te tjerat nuk kemi asgje .
Jemi vend me potencial ne fushen e turizmit. E rendesishme eshte qe ne kete sektor po investohet, roli i qeverise e ministrise perkatese eshte teper i rendesishem. Politikat me qellim promovimin e turizmit dhe nxitjen e investimeve ne zonat turistike jane per tu pershendetur.
Lehtesirat fiskale ndaj investitoreve te huaj, e jo vetem, ne zonat turistike te shpallura dhe si zona te lira ekonomike ndikojne teper pozitivisht sa i takon zhvillimit te turizmit pasi shkakton promovim dhe rritje te numrit te turisteve, krijohen vende te reja pune gjithashtu investohet kapital i huaj ne Shqiperi, kjo shkakton impakt pozitiv ne ekonomi.
Kemi vijen bregdetare me te bukur ne ballkan edhe investimet e duhura ne kte rajon do i sjell shume perfitime ekonomine shqiptare. ky projektligj permban shume lehtesira fiskale edhe kto lehtesira do ndikojn shume ne thithjen e investimeve te huaja!
Kalofte sa me shpejt ky projektligj edhe impakti qe do kete ne ekonomine shqiptare do jete shume i madh. do kete me shume punsim do kete me shume investime do kete me shume te ardhura ne xhepat e shqiptareve. Kto reforma po e cojne shqiperine ne drejtimin e duhur!
Kemi nevoje per nje turizem te zhvilluar, tu plotesojme kushtet vizitoreve te huaj ne vendin tone. Nje turizem i zhvilluar shkakton rritjen e numrit te turisteve te huaj ne Shqiperi, permireson imazhin e vendit dhe shkakton impakt pozitiv ne ekonomi.
Turizmi eshte nder hallkat me te rendesishme te ekonomise tone. Eshte vertet per tu pergezuar puna qe po behet per promovimin e bukurive re vendit tone,si dhe rruga e re e moderne e zhillimit te politikave te reja per zhvillimim e turizmit
Nisma te tilla jo vetem qe do rrisin numrin e turisteve qe do te zgjedhin shqiperine si vend per pushimet e tyre por do te terheqe edhe investitore te huaj gje qe drejtperdrejt do te rrise numrin e vendeve te reja te punes
me behet vertet qefi qe po provomohet kaq shume turizmi shqiptar. Jemi vend me te gjitha mundesite per zhvillim dhe ishte per te ardhur keq qe gjithe keto vite nuk u mendua per turizmim tone.
Ne gjithe keto vite turizmit shqiptar nuk i eshte dhene ndonjdhere me shume rendesi sesa keto 2 vitet e fundit. eshte rritur ndjeshem nurmi i turisteve qe zgjedhin shqiperine si destinacion per pushimet e tyre dhe nuk eshte me mendimi qe te huajt kishin per vendin dhe popullin tone