Te fundit
Rama dhe Shpend Ahmeti përurojnë shtatoren e Ismail Qemalit
23 Maj 2015, 14:09Rajoni
TEMA
Në Prishtinë u përurua sot shtatorja e Ismail Qemalit, e cila u zbulua nga kryeministri i Shqipërisë Edi Rama dhe kryetari i komunës së Prishtinës, Shpend Ahmeti.
Në ceremoninë e vendosjes së shtatores së Ismail Qemalit, pranë godinës së re të qeverisë së Kosovës, të pranishëm në këtë ngjarje ishin kryeministri i Shqipërisë, Edi Rama, deputeti i PS-së, Pandeli Majko, Kryetarja e Komisionit të Jashtëm, Arta Dade, kryetari i komunës së Prishtinës, Shpend Ahmeti, si dhe personalitete të ndryshme nga fusha politike dhe kulturore e vendit.
Gjatë kësaj ceremonie, performoi kori i filarmonisë së Kosovës dhe ansambli “Çipini” i Vlorës, i cili këndoi këngë patriotike labe.
Duke iu drejtuar të pranishmëve, kryeministri Edi Rama tha se është shumë i nderuar në ceremoninë e zbulimit të shtatores së Ismail Qemali.
”Sa herë që ngrihet përmendoreje Ismail Qemalit, është shpallje dhe rishpallje e pavarësisë së Shqipërisë”, tha ai duke falënderuar prindër kosovarë që në nderim të Ismail Qemalit vajzave të veta kosovare ua vunë emrin Vlorë.
Ai në vazhdim foli për figurën e Plakut të Pavarësisë dhe për historinë e flamurit që u shpalos në Vlorë në vitin 1912 duke përkujtuar me këtë rast edhe kontributin e Isa Boletinit.
Kryetari i komunës së Prishtinës, Ahmeti, tha se “sot përfunduam kapitullin e parë të kësaj marrëveshje, ndersa deri në fund të vitit do ta dërgojmë shtatoren e Hasan Prishtinës në Vlorë”.
Në nëntor të vitit 2014, në një takim të kryetarit të Komunës së Prishtinës, Shpend Ahmeti, me delegacionin e intelektualeve nga qyteti i Vlorës, u percaktuan hollësitë e idesë dhe projektit të vendosjes së shtatoreve të Ismail Qemalit në Prishtinë dhe atë të Hasan Prishtinës në Vlorë. Vendosja e shtatores simbolizon rolin e Ismail Qemalit në pavarësinë e shqiptarëve, si dhe në zhvillimin e kombit shqiptar. Shtatorja e Ismail Qemalit është vepër e skulptorit Luan Mulliqi.
12 komente në “Rama dhe Shpend Ahmeti përurojnë shtatoren e Ismail Qemalit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te gjithe shqipetaret bashke per te nderuar figurat me te nderuara te kombit qe dhane jeten per panvaresine dhe lirine e ketij kombi.
Nderim dhe respekt per Ismail Qemalin dhe Isa Boletinin.
Nderim dhe respekt per Ramen dhe Ahmetin per respektin qe po ju bejne personazheve te shquar te panvaresise se Shqiperise dhe Kosoves. Ismail Qemali eshte babai i kombit.
Respekte Rames dhe Shpend Ahmetit per kete nderim qe po i bejne Ismail Qemalit. Kete gje mund ta beje vetem nje njeri qe e don popullit e vet dhe i respekton ata, kete gje Rama e ka treguar shume here gjate gjithe kesaj kohe qe ka qene ne pushtet.
Ky eshte bashkimi i kombit, me politika te perbashketa, marredhenie te mira bashkepunimi, pa cenuar destabilitetin ne ballkan.
Dy shtete, nje komb, nje popull, nje tradite, te dyja qeverite qe bashkepunojne ngushte per interesat e kombit shqiptar, per te ngritur lart nderin e kombit. Krenar per kryeministrin qe eshte nje diplomat i vertete dhe pa cenuar politikat europiane, po bashkon kombin.
Kur Rama e premtoi bashkimin e trojeve, te gjithe u treguan skeptike, ja edhe premtimi i radhes i mbajtur. Te dy vendet kane politika te perbashketa, kane unifikuar ceshtjet e arsimit dhe shendetsise, jane bashke per ceshtje me rendesi kombetare dhe ky eshte bashkimi me Kosoven, qe nuk destabilizon as rajonin, perkundrazi, behen promotore te nje ballkani e europe politikisht me stabile.
Rama eshte kryeministri i gjithe Shqipetareve jashte dhe brenda vendit, mendoj se eshte kryeministri me i votuar dhe me i pelqyer nga gjithe Shqiptaret ane e mbane botes.
bravo zoti rama qe respekton dhe nderoni figurat historike, pa histori jemi te humbur si popull. nje bravo e fuqishme i shkon dhe shpend ahmetit
Memoria historike kurrsesi nuk duhet harruar. Shtatorja e Ismail Qemalit krijon identitet per popullin shqiptar, brenda e jashte trojeve, eshte firmetar i krijimit te shtetit shqiptar.
A sa e bukur kjo shtatore mes prishtines. Faleminderit kryeministri gjith shqiptarve per fjalet me pesh qe the sot. Faleminderit qe treguat qe ne nuk jemi komb pa zot.
O Tema, po pse e keni kaq problem ta thoni emrin e Bujar Leskajt qe dha idene madje dhe financoi bustin?
Po qe kur permend grupin Cipini dihet qe eshte organizimi Bujarit.
Nderoni njerezit sa jane gjalle, se te vdekurve ja u kemi marre doren