Te fundit
Haxhinasto-Brajovic: Kufiri për ne nuk do të ekzistojë, bashkëpunim i ngushtë ndërkufitar
30 Maj 2015, 11:56Ekonomia
TEMA
Ministri i Transporteve Edmond Haxhinasto, i shoqëruar nga homologu i tij malazez Brajovic, ka inspektuar segmentin Hani Hotit-Vermosh nga ku ka deklaruar se segmenti prej 70 km, një investim 45 milionë dollarë të Qeverisë Shqiptare, që do të lidhë Shkodrën me Rajonin e Plavës dhe Gucisë do të krijojë mundësi reale ekonomike për shqiptarët dhe malazezët në Plavë dhe Guci.
Sipas Haxhinastos, kjo rrugë është një shembull ekselent i bashkëpunimit midis Malit të Zi dhe Shqipërisë.
Haxhinasto u shpreh se është vendosur prej kohësh për një bashkëpunim të ngushtë ndërkufitar.
Ministri ka bërë publik një tjetër projekt të madh, Korridorin Adriatiko-Jonian, të cilin e ka cilësuar një nga projektet më të mëdha të përbashkëta, për të cilën do të ngrihet shumë shpejt një grup pune i përbashkët, me qëllim të përgatisim studimin e fizibilitetit.
“Infrastruktura është e domosdoshme, por më e rëndësishme është aktiviteti ekonomik që ajo krijon dhe vecanërisht shkëmbimet njerëzore. Ne kemi shumë më tepër mundësi për të bashkëpunuar me njëri tjetrin. Zona në të 2 anët e saj duhet të jetë një zonë e përbashkët integrale ekonomike. Zonat e Plavës Gucijës Tuzit, Ulqinit Shkodres. Kufiri për ne nuk duhet të ekzistojë. Kur ne kaluam kufirin kishte 2 pika kufitare dhe 2 pika doganore, kur ne kemi shembullin e shkëlqyer të Murriqanit që kemi 1 pikë doganore dhe 1 pikë kontrolli kufitar” , tha Haxhinasto.
Rruga e re që do të ndërtohet është rreth 70 km në Hanin e Hotit, do shkurtojë ndjeshëm rreth 120 km rrugën nga Gucija në Podgoricë. Pritet që rruga të përfundojë në 6 mujorin e parë të 2017-ës .
3 komente në “Haxhinasto-Brajovic: Kufiri për ne nuk do të ekzistojë, bashkëpunim i ngushtë ndërkufitar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te ritet me shume popullsia ILIRE e te perfundoje mali i zi si Kosova ose Maqedonia.
PO ME SLLAVIZIMIN E TROJEVE SHQIPTARE MALAZEZET E CUAN KUFIRIN TE HANI I HOTIT.
sume shqiptare ne plave e guci jane boshjakezu,flasin sllavisht ehe nuk lejne femijet e tyne me fol asnji fjale shqip,sllavet kane investu ne shekuj per asimilimin e shqiptarve por fale zotit sot situata eshte krejt tjeter!me pune te perbashket ta ngrejme mireqenien dhe standartin ne trevat shqiptare kjo eshte grushti ma i forte qe i japim synimeve sllave e greke!