Serbia në “avantazh” në tregti dhe investime me Shqipërinë; importet 8 herë më të larta se eksportet

Serbia ka qenë vitet e fundit shumë konkurrente në raport me Shqipërinë në tërheqjen e investimeve të huaja, sidomos nga Italia. Benetton, Ferrero Rocher, Geox janë disa raste, ku investitorët italianë, pasi kanë studiuar të dyja tregjet kanë zgjedhur Serbinë për të investuar…

Shqipëria ka realizuar 3.5% të gjithë volumit tregtar me Serbinë për 3 mujorin e parë të këtij viti, sipas statistikave të raportuara nga INSTAT.

Bizneset serbe kanë arritur të gjejnë rrugën për të çarë në tregun shqiptar. Për janar-mars 2015, totali i importeve nga Serbia drejt Shqipërisë ishte rreth 5.5 miliardë lekë (gati 40 milionë dollarë), me një rritje prej 16% në raport me të njëjtën periudhë të vitit të kaluar. Grupi më i importuar është “Minerale, lëndë djegëse, energji elektrike”, që zë 51% të totalit. Grupi i dytë i produkteve që vijnë nga Serbia në Shqipëri janë “Ushqimet, pijet dhe duhan”, me 27% të totalit, ku peshën kryesore e zë gruri. Më pas renditen lëndët kimike dhe plastike, me 9.2% të totalit.

Eksportet shqiptare drejt Serbisë arritën në 650 milionë lekë për tre muajt e parë 2015, ose rreth 4.7 milionë euro. Pavarësisht rritjes me 3.5 herë që kanë shënuar në raport me të njëjtën periudhë të një viti më parë, eksportet drejt Serbisë mbeten shumë të ulëta në raport me importet. Sipas të dhënave të INSTAT, grupi më i eksportuar janë “minerale, lëndë djegëse, energji”, me 76% të totalit, ku peshën kryesore e zë energjia dhe mineralet, ndërsa nafta nuk shitet në tregun serb. Ashtu si dhe me importet “ushqimet, pijet dhe duhani” renditen të dytët, por në vlera shumë më të ulëta se produktet që blejmë nga shteti serb. Vitet e fundit ka pasur përpjekje për të eksportua tekstile dhe sidomos këpucë, por eksportuesit vendas kanë arritur të realizojnë një qarkullim prej vetëm 200 mijë eurosh në tregun serb.

Serbia na “merr” dhe investitorët

Ndërkohë Serbia ka qenë vitet e fundit shumë konkurrente në tërheqjen e investimeve të huaja, sidomos nga Italia. Benetton, Ferrero Rocher, Geox janë disa raste, ku investitorët italianë, pasi kanë studiuar të dyja tregjet kanë zgjedhur Serbinë për të investuar. (lexo: http://www.monitor.al/benetton-ne-kerkim-te-tregjeve-te-reja-perqendrohet-ne-serbi/; http://www.monitor.al/pas-geox-dhe-ferrero-rocher-zgjedh-serbine-nuk-hyn-ne-shqiperi/).

Aktualisht, Serbia është më agresivja në rajon për lehtësirat ndaj investitorëve. Dy janë pikat më të forta. Përjashtimi nga tatimfitimi për tre vitet e para të aktivitetit dhe subvencionimi me 1500 euro për çdo punonjës të punësuar. Gjithashtu, toka për investimin ofrohet falas. Serbia ofron edhe një avantazh tjetër, pasi ka shumë marrëveshje dypalëshe për tregti pa dogana, sidomos me ish-republikat sovjetike, duke i nxitur disa subjekte, që synojnë tregjet e ish Bashkimit Sovjektik të hapin biznese në Serbi, me synim shmangien e taksave të dyfishta, që duhet të paguajnë në Shqipëri. http://www.monitor.al/shqiperia-humb-garen-rajonale-per-investimet-e-huaja/

Monitor

Greqia dhe kreditorët zbusin frikën për një falimentim të menjëhershëm

19:39 Ekonomia

Problemi politik i kredive të këqija

16:44 Ekonomia

Falen gjobat për mospagimin në afat të kontributeve të detyrueshme të sigurimeve shoqërore

16:36 Ekonomia

Inaugurohet stacioni i ri i trenit në Kashar/ Meta-Haxhinasto: Hekurudha po ecën në drejtimin e duhur

15:48 Ekonomia

BB publikon raportin e strategjisë për Shqipërinë: Mbështetje e fortë për modelin e ri ekonomik

14:59 Ekonomia

Greqia tërhiqet përkohësisht nga kërkimet për naftë në Jon, pas presionit shqiptar

10:50 Ekonomia

Meta: Do të hapet aeroporti i Kukësit. Në dy vitet e para, 500 vende pune

17:49 Ekonomia

Rama apel bankave: Kreditoni projektet në bujqësi, risku inekzistent

12:22 Ekonomia

Bllokohen 100 ton miell të kandidatit demokrat, që kishte aflatox/ PD: Sulmi me urdhër të Metës

18:39 Ekonomia

Shqipëria, mëmëdheu i borxhlinjve

10:57 Ekonomia