Te fundit
Falen gjobat për mospagimin në afat të kontributeve të detyrueshme të sigurimeve shoqërore
26 Maj 2015, 16:36Ekonomia
TEMA
Komisioni i Ligjeve miratoi projektligjin “Për faljen e gjobave për mospagimin në afat të kontributeve të detyrueshme të sigurimeve shoqërore dhe shëndetësore nga subjekte juridike dhe fizike”.
Të pranishëm në mbledhjen e Komisionit ishin Artan Hoxha dhe Vullnet Sadushi nga Instituti i Sigurimeve Shoqërore.
Përfaqësuesit e ISSH theksuan se ky projektligj vjen në kuadër të reformës së pensioneve por se nuk parashikon faljet për gjobat që janë vendosur për punonjësve që janë mbajtur jashtë skemës së sigurimeve shoqërore.
Projektligji parashikon faljen e gjobave të vendosura nga mospagimi i sigurimeve shoqërore dhe si afat të fundëm ka datën 30 korrik.
Projektligji i propozuar nga Këshilli i Ministrave u miratua në tërësi me ndryshimet e propozuara nga deputetët ndërsa parashikon edhe faljen për bizneset që janë në proces ankimimi.
Deputeti demokrat Oerd Bylykbashi tha se “jemi përpara një projekligji që ka vetëm një objektiv, që është ai elektoral. Sesi ne të vjelim vota duke i trajtuar me një falje një numër të caktuar subjektesh. Është ligj elektoral, është i qartë tani, sepse bëhet në mes të fushatës”.
Por, deputeti socialist Bashkim Fino iu kunderpergji “ky nuk është ligj elektoral sepse ka ardhur në fillim të marsit. Shihni me kudjes, afati është 30 prill, ndërkohë që ne tani po e kalojmë në maj”.
Lini një Përgjigje
Më të lexuarat
24 oret e fundit
Javen e fundit
Blog Tema
