Te fundit
Reforma në drejtësi, Nishani dhe PD kritika mazhorancës/Xhafaj: S'merrem me retorikat boshe
3 Qershor 2015, 11:09Politika
TEMA
Ambasadorja e Bashkimit Europian në Tiranë, Romana Vlahutin, ka mbledhur në një takim drejtuesit e sistemit të drejtësisë dhe anëtarë të Komisionit Parlamentar të Ligjeve pë të diskutuar mbi reformën në drejtësi.
Në takimin, e zhvilluar në Ministrinë e Drejtësisë pa praninë e medias marrin pjesë Presidenti Nishani, ministri Naço, kryeprokurori Llalla, ministri Çuçi, krerët e gjykatës Kushtetuese, të Lartë dhe të Apelit, kreu i Komisionit të Ligjeve Xhafa dhe deputetët demokratë Halimi dhe Bylykbashi.
Presidenti Bujar Nishani shprehu rezervat e tij në lidhje me komisionin ad-hoc për reformën në drejtësi duke theksuar se në komision mungojnë përfaqësuesit e opozitës, sikundër nuk u thirrën as përfaqësuesit e Presidencës.
Në prononcimet e tyre për mediat deputetët Xhafaj dhe Halimi pranuan se drejtësia shqiptare ka korrupsion dhe vuan nga paaftësia, por zgjidhjet e propozuara për realizimin e një reforme janë krejt të ndrsyhme.
Xhafaj duke iu përgjigjur kritikave të Nishanit i konsideroi ato si retorika boshe që nuk i shërbejnë procesit.
“Askush nuk është përjashtuar nga procesi, unë nuk merrem me retorikat boshe. Që drejtësia ka korrupsion, paaftësi, kjo është e dukshme“, tha Xhafaj.
Demokratët përmes deputetit Bylykbashi pohojnë se hapi i parë i reformës në drejtësi është dekriminalizimi i Parlamentit.
“Hapi i parë është procesi i dekriminalizimit që duhet të fillojë me Kuvendin. Nuk mund të pretendohet për reformim të drejtësisë kur në Kuvend ka deputetë me rekorde kriminale.
Edhe raporti i hartuar mbi sistemin e drejtësisë vetëm jep konstatime, të cilat qytetarët shqiptarë i dinë shumë më mirë sesa ato që hartuan raportin.
Ende nuk ka një analizë apo një platformë mbi drejtësinë.
Cfarë ndodhi nga kjo mazhorancë? Votuan 3 anëtarë të KLD dhe bënë një ligj që një nga 3 militantët e zgjedhur në Këshillin e Lartë të Drejtësisë të jetë zv.Kryetari.
Këtë e paraqitën si reformë, por në të vërtetë ishte kapje politike e KLD, pasi qytetarët dhe vetë sistemi nuk përfituan asgjë nga zëvendësimi i 3 anëtarëve”, theksoi Halimi.
Në vijim ai shtoi se Komisioni për reformën në drejtësi nuk respektoi paritetin, ndërsa shtoi se Partyia Demokratike kërkon bashkëkryetarin e komisionit.
4 komente në “Reforma në drejtësi, Nishani dhe PD kritika mazhorancës/Xhafaj: S’merrem me retorikat boshe”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
filloi nishani me zbatimin e urdhrave te saliut. kishte ne fakt ca kohe qe nuk ndihej
nishani flet per reformen dhe harron qe deri dje mbronte me cdo kusht ata anetaret e kld qe vet qeveria e saliut i akuzonte per lloj lloj aferash korrupsioni
nishani si ushtar i gatshem i saliut vazhdon dhe ben rolin sikur e do reformen ne drejtesi. per ca ta doje, qe te ikin gjyqtaret qe nuk denojn anetaret e partise se vet? nishani vetem fjale ka dhe kurre nuk eshte dukur ndonje gatishmeri per te bere punen e vet. fundja eshte nje president qe e vuri saliu dhe jo parlamenti
Nji unitet i pathyesh i Nishanit me PD.
Edhe bare do te hame dhe unitetin nuk e prishim.
Lavdi klasikut “Marksist-Kapitalist” Berisha.
Te gjithe gabojne edhe vete klasiku po ama Partia kurr nuk gabon edhe kur ne krye ka nji fodull merhum si Basha.
Prina parti ne beteja te reja.