Te fundit
Gjinushi fton socialistët e zhgënjyer t'i japin votën PSD-së: Ta detyrojmë PS-në të ndryshojë
4 Qershor 2015, 11:57Politika
TEMA
“Të zhgënjyerit mos të shkojnë djathtas ose të mos votojnë por ti japin votës PSD që ti tregojnë PS-së se janë të shumtë në numër. Me votën e tyre për PSD-në ta detyrojnë PS-në të ndryshojë”.
Me këtë strategji kryetari i PSD-së Skënder Gjinushi kërkon të bmledhë rreth partisë së tij të pakënaqurit në radhët e socialistëve, të zhgënjyerit, të papërfaqësuarit, ashtu siç ka ndodhur me disa kandidatë të saj për kryetarë bashkie që janë socialistë të vjetër dhe kandidojnë nën siglën e PSD-së. I ftuar në televizionin Agon Channel në një bisedë me gazetarët Fatos Lubonja, Andi Bejtja dhe Sonila Meço, kreu i socialdemokratëve sqaroi “divorcin” e tij me Edi Ramën dhe PS-në dhe vendimin për të hyrë vetëm në zgjedhje.
“Taktikat elektorale të PS-së kanë pasur defekte në tërësi dhe lidershipi i PS ka vrarë mendjen si të kontrollojë aleatët se sa si të maksimalizojë rezultatin në zgjedhje. Kur bashkohet i madhi me të voglin përfiton më shumë i madhi dhe PS-ja ka përfituar nga ne, nga votat tona ndërsa nuk ka treguar marëdhënie reciproriteti. Ne nuk jemi ndjerë sepse nuk luftonim për karrige, por për të gjitha këto arsye ne vendosëm të dalim sot vetëm”, tha ndër të tjera Gjinushi.
Ai shtoi se “PS me bashkimin me LSI-në mendoi se mund të kishte kontrollin e së majtës, por ne vlerësojmë se shumica e së majtës janë të zhgënjyer, më të zhgënjyer janë ata që kontribuan në zgjedhjet e 23 qershorit, që nga palca e së majtës, apo deputetët fanatikë që u ndjenë të papërfaqësuar. PSD ofrohet si alternativë për këtë pjesë të elektoratit që kërkon të përfaqësohet dhe ne kërkojmë këto vota sepse votat kërkohen brenda llojit. Më mirë të votosh për aleatin që të është gjendur pranë në pozitë dhe opozitë se sa të mos votosh fare, duke dënuar vetveten, apo të votosh kundërshtarin”, u shpreh kreu i PSD-së.
Ai bëri të ditur se në këto zgjedhje me PS-në e ndajnë shumë gjëra, por një nga më të rëndësishmet është lufta ndaj korrupsionit dhe parodia që bëhet me çështjet e dekriminalizimit.
“Dekriminalizimi është një parodi, sepse oligarkëve politikë që janë të kriminalizuar u kërkohet të dekriminalizojnë të tjerët. Gjithashtu është dhe zhgënjimi nga ajo që u premtua për të luftuar korruspionin e Berishës, që thoshte “do shkullë korrupsionin e Berishës”. Të tërë prisnin që e majta fituese të kërkonte dekriminalizimin e asaj që ishte bërë por në fakt tani është Berisha që bën listën e kriminalizimit nga e majta”, u shpreh Gjinushi.
Kreu i PSD-së pranoi se kjo parti mbështet kandidatët e majtë atje ku nuk ka kandidatët e saj, ndërsa pretendon për fitore aty ka kandidatët e saj, duke besuar se i ka më të mirë se emrat e vendosur nga PS-ja. Ai pranoi se Fieri është kali i betejës së socialdemokratëve. “Ka shumë nga e majta që kërkojnë alternativë tjetër dhe zoti Çaçi është shumë i përshtatshëm, në Fier e njohin të gjithë, është i majtë nuk është bërë oligark, nuk është shkëputur kurrë nga baza, është shumë i lidhur me zonën. Nëse do të ishte elektorati i cliruar nga pesha e pushtetit ai del fitues sepse në pushtet lokal në figura të tilla që kanë qenë të lidhura me zonën e vet humbet ndarja e majtë e djathtë”, theksoi ndër të tjera Gjinushi .
10 komente në “Gjinushi fton socialistët e zhgënjyer t’i japin votën PSD-së: Ta detyrojmë PS-në të ndryshojë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ik o Skener ik futi naj tas çaj.
ka ikur koha e politiks se skender gjinushit
cfare eshte PSD-ja mor burr futja kot me gjithe skender gjinushin
Edi Rama duhet te ndryshoje drejtim patjeter. Perndryshe duhet te largohet. E vetmja shprese e Shqiperise eshte qe PS te ndryshoje drejtim sa me shpejt, deri tani s’ka asnje ndryshim nga qeverisja e mepershme. I vetmi ndryshim eshte qe LSI ka marre dhurate nga Rama pushtet pa kufi. Prandaj te votojme Gjinushi, Gjergj Bojaxhiun dhe kedo kandidat qe nuk eshte as me demokratet qe larguam, por as me kete rilindje qe po shuan shpresat e Shqiperise. Rames i duhet dhene nje mesazh i qarte qe ky nuk eshte drejtimi i duhur. Jemi socialiste dhe nuk duam te vije Luli apo Saliu. Por kjo s’eshte qeverisja qe na u premtua. Per me shume duket si nje qeveri e lsise jo e socialisteve.
PS-ja eshte ne drejtimin e duhur ?
hahah na binde tani ?
po gjinushi cfare oferte jep apo thjesht te marre disa vota kot me genjeshtra?
pse ka pakenaqesi gjinushi se ska me mundesi qe te vazhdoje korrupsionin qe ksihte kapluar me nanon?apo se nuk ka me mundesi sesitte zgjeroje bizneset ne kurriz te mandatit te deputetit?
gjinushi fton te zhgenjyerit qe nuk donin te paguanin drita dhe taksat me minimale qe nje njeri e ka per detyre te paguaje,apo e ka per drejtorat qe jane te zhytur ne korrupsion?dhe qe jane kapur ne flagrance?
O Gjinush ule ate gishtin se nuk ja ministri i arsimit. Ti je nje nga bashkefajtoret kryesore te kesaj Xhungle qe eshte shqiperia sot. Je i pa cipe qe del ne media.