Te fundit
Prezantohet nisma/ Së shpejti Shqipëria në bursën e energjisë
9 Korrik 2015, 12:50Ekonomia
TEMA
Ministria e Energjisë dhe Industrisë prezantoi nismën e re për krijimin e tregut dhe bursës së energjisë në Shqipëri në një tryezë pune, në bashkëpunim me qeverinë norvegjeze, Sekretariatin e Energjisë, ekspertë, etj.
Ministri Damian Gjiknuri vlerësoi asistencën e qeverisë së Norvegjisë në realizimin e këtij projekti, bazuar në modelin e shtetit nordik, të njohur për burimet e mëdha energjetike dhe alternimin e burimeve energjetike.
Gjiknuri cmoi rëndësinë që ka zgjerimi dhe zhvillimi i tregut të liberalizuar të energjisë, si një hap i rëndësishëm për tregun rajonal të energjisë.
“Tryeza për krijimin e bursës së energjisë përcakton një skedul për liberalizimin e tregut të energjisë”, tha Gjiknuri, i cili njoftoi se hapat kanë nisur për bashkimin e tregut të energjisë me Kosovën.
“Po bëhen hapa për të bashkuar tregjet me vendet fqinje si me Kosovën”, tha ministri, sipas të cilit, vitin tjeter nis ndërtimi edhe i linjës 400 Kv me Maqedoninë.
Gjithashtu, ai vlerësoi rëndësinë që ka krijimi i zyrës së përbashkët për energjinë, duke theksuar se sa më i madh tregu, aq më shumë ka mundësi financimi i projekteve të energjisë si dhe alternimi i burimeve energjetike, mjete që rrisin sigurinë energjetike edhe në rajon.
Në këtë kuadër, Gjiknuri tha mes të tjerave, se po bëhen investime për lidhjen e interkonjeksioneve të energjisë të Shqipërisë me vendet fqnijë.
“Ne kemi objektiv, që në vitin 2020 Shqipëria do të jetë e lidhur me gjitha vendet e rajonit”, tha Gjiknuri.
Ai njoftoi edhe investimet që kanë nisur dhe do të vijojnë në përmirësimin e sektorit të shpërndarjes së energjisë.
Gjithashtu, ministri njoftoi se po hartohet strategjia për burimet e rinovueshme, përfshirë dhe gazin, i cili pasi të diskutohet me grupet e interesit, do kalojë për miratim në qeveri.
“Pavarësisht sfidave, është e rëndësishme që ne të hapim tregun për energjinë”, tha Gjiknuri.
Hapja e bursës së energjisë pritet të rregullojë një sërë deformimesh në tregun energjetik në vend, ndërsa krijon mudësi për cmimet reale në kohë reale për energjinë, qoftë ajo elektrike, por dhe e karburanteve.
5 komente në “Prezantohet nisma/ Së shpejti Shqipëria në bursën e energjisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te gjithe e kane mendjen te japin idera ku mund te perfitohet dhe abuzohet.
Edhe ti nje hajdut i rendomte po del.
Ku merr vesh nje koqe si ty nga energjia. Ik futi kanabis ne lazarat se je rehat
bravo vazhdoni te ngrihet shteti duke hequr hajdutet nga administrata
Se mos falimenton si e ashtuquajtura “bursa e Tiranes”
Pupupuuuuuuuu turp e faqja zeze t’i thuash dikujt se ne Shqiperia s’ka burse!
Do na bëhet damllaja.