Lufta kundër pastrimit të parave/Policia dhe Hipotekat nënshkruajnë marrëveshjen

SONY DSC

Policia e Shtetit dhe Hipoteka (Zyra Qendrore e Regjistrimit të Pasurive të Paluajtshme) nënshkruan një marrëveshje bashkëpunimi, e cila ka si qëllim bashkëpunimin e ndërsjellë në kohë reale mes dy institucioneve për t’i shërbyer luftës kundër krimit të organizuar dhe në mënyrë të veçantë pastrimit të parave si një ndër format e këtij krimi.

Marrëveshja u nënshkrua nga drejtuesit e lartë të dy institucioneve, përkatësisht nga Drejtori i Policisë së Shtetit, Drejtues Madhor Haki Çako dhe Krye-Regjistruesi i Zyrës Qendrore të Regjistrimit të Pasurive të Paluajtshme,  Ilirjan Muho.

Kryepolici Çako e cilësoi këtë marrëveshje si të një rëndësie të  veçantë, pasi do të mundësojë fuqizimin e bashkëpunimit dypalësh, si dhe shkëmbimin në kohë reale të informacionit, duke i shërbyer prioritetit kryesor që lidhet me luftën kundër pastrimit të parave dhe sekuestrimin e pasurive, që kanë si burim aktivitetet kriminale të individëve apo grupeve kriminale.

Çako gjithashtu falënderoi Zyrën Qendrore të Regjistrimit të Pasurive të Paluajtshme dhe Drejtuesin e saj për gatishmërinë në realizimin e kësaj marrëveshje dhe ofrimin e një bashkëpunimi efikas e të shpejtë në interes të përmbushjes së një prej prioriteteve të Policisë së Shtetit dhe të Qeverisë Shqiptare, sa i përket luftës kundër krimit të organizuar.

Ndërkohë Krye-Regjistruesi Muho, vuri në dukje synimin e kësaj marrëveshje që lidhet me identifikimin e veprave penale në fushën e pastrimit të parave dhe rritjen e bashkëpunimit institucional, i cili është vendimtar luftën kundër krimit të organizuar në përgjithësi dhe pastrimin e parave në veçanti.

Njëherazi Muho e cilësoi këtë marrëveshje si një domosdoshmëri në punën e përbashkët e shkëmbimin e informacionit mes strukturave respektive.

“Me krijimin e aksesit në sistemin elektronik të Zyrës Qendrore të Regjistrimit të Pasurive të Paluajtshme të dhënat do të merren në kohë reale, duke shkurtuar ndjeshëm kohën e kryerjes së veprimeve përkatëse në marrjen dhe shkëmbimin e informacionit”, theksoi Krye-Regjistruesi.

Marrëveshje e hartuar nga një grup pune me përfaqësues nga Sektori për Pastrimin e Parave në Drejtorinë e Përgjithshme për Krimin e Organizuar dhe Krimet e Rënda në Policinë e Shtetit dhe përfaqësues nga Zyra Qendrore e Regjistrimit të Pasurive të Paluajtshme, ka si objekt bashkëpunimin për shkëmbimin e informacionit dhe të dhënave në lidhje me të drejtën e pronësisë, pasurinë e identifikuar si objekt i këtyre të drejtave dhe mbajtësin e kësaj të drejte për identifikimin dhe hetimin e pastrimit të parave. Po ashtu bashkëpunimin në përpunimin dhe analizimin e informacionit, që do të shkëmbejnë strukturat përkatëse, si dhe përfitimin e të drejtës së aksesit në sistemin elektronik të pasurive të paluajtshme.

Trafiku ndërkombëtar i drogës, Prokuroria kërkon 20 vjet burg për Gëzim Çelën

12:46 Kronika

Itali, shkatërrohet banda shqiptare e trafikut të kokainës

11:57 Kronika

Gjykata e Beratit shpall të pafajshëm gjeneral Syrja Gjokën

11:34 Kronika

Kthehej nga Italia, kapet i dyshuari si grabitësi i dytë i bankës në Durrës

11:20 Kronika

Kapet në Laç i dënuari me 19 burg në Itali për trafik droge

10:17 Kronika

Ndalohet 66-vjeçari në Lushnje, marrëdhënie seksuale prej disa muajsh me një të mitur

09:30 Kronika

INTERVISTA/ Bujar Rama: Gabimet e SHIK në vitet 1992-1997, Gazidede ishte besimtar, nuk e konceptonte gënjeshtrën. Ndaj ra pre e dezinformacionit

09:26 Kronika

DESHMIA E PLOTE/ Berisha në prokurori: Për "vrasjen" e Tom Doshit, më njoftuan të mitë muaj më parë

09:24 Kronika

Naço urdhëron inspektimin e gjyqtarit Ali Koleci

20:37 Kronika

Arrestohet në Itali Gani Hysa, akuzohet për vrasjen e marangozit në Sarandë 10 ditë më parë

16:15 Kronika