Te fundit
Trafiku i heroinës/Krimet e Rënda kërkojnë 74 vite burg për 6 të akuzuarit
29 Korrik 2015, 16:24Kronika
TEMA
Prokuroria e Krimeve të Rënda ka kërkuar dënimin me një total prej 74 vitesh burg për 6 persona të akuzuar për trafik heroine nga Shqipëria në drejtim të Greqisë.
Arrestimi i tyre është kryer më datë 16 prill 2014, pranë pikës së kalimit kufitar të Kapshticës, ku grupi po tentonte të kalonte në drejtim të Greqisë rreth 2.6 kilogramë heroinë.
Ndaj këtyre personave është zhvilluar hetimi proaktiv, i drejtuar nga Prokuroria e Krimeve të Rënda pak javë para arrestimit të tyre.
Në bazë të këtij hetimi rezultoi se 6 të pandehurit, si edhe disa persona të tjerë ishin pjesë e një grupi që trafikonte lëndë narkotike nga vendi ynë drejt atij fqinj.
Pavarësisht qëndrimit mohues të disa prej të pandehurve lidhur me veprat penale për të cilat akuzohen, pala e akuzës ka siguruar provat e plota dhe kërkon për ta dënimet:
Renato Shopi, 14 vjet burgim
Aleks Kreci, 13 vjet burgim
Shyqyri Hasalla, 13 vjet burgim
Ardian Shurdha, 12 vjet burgim
Eli Djali, 11 vjet burgim
Dritan Qesja, 11 vjet burgim
Gjykata ka pranuar kërkesën e të pandehurve për gjykim të shkurtuar dhe nëse shpallen fajtorë ata do të përfitojnë uljen 1/3 së dënimit. Ndërkohë, i bashkëpandehur me këta persona është edhe shtetasi Ervis Haskolli, i cili gjykohet më vete./TCH/
4 komente në “Trafiku i heroinës/Krimet e Rënda kërkojnë 74 vite burg për 6 të akuzuarit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ai qe gjykohet me vete esht spiuni qe ja futi bandes!
Po Ermal Hoxha, kur dhe sa do te gjykohet?
Per Ermalin dhe vlerat e ENVERIT DHE TE NEXHMIJES NE FAMILJE te shkruajne nuset e tij…
“Femija, pasqyre e prindit” ulerinte vjehrri i tyre i dashur.
Mos u ngut o pikepyetje. Ermali eshte ne grupin e kokaines dhe jo heroines. Mos u ngut o trim se thyen qafen pastaj…
Po t’ju merret malli sa her që kapen të lirohen pasi ngelen si peshku pa ujë.