24 administratorët që do të drejtojnë Tiranën/Veliaj: Hiqni flamujt partiakë

Kryebashkiaku i Tiranës Erion Veliaj u prezantoi mbrëmjen e djeshme 24 administratorët që do të menaxhojnë 24 njësitë që përbëjnë Bashkinë e madhe të Tiranës.

Ndërsa u dorëzoi vulat, paralajmërimi kryebashkiakut ishte i qartë: qëndrimi në këtë pozicion do të varet plotësisht nga performanca e tyre në detyrë.

“Si një pozicion i emëruar dhe jo i zgjedhur, puna juaj do të përcaktojë edhe qëndrimin tuaj në detyrë”, tha Veliaj.  Kreu i bashkisë më të madhe në vend kërkoi nga 24 administratorët që të njihen me problemet e njerëzve, të njihen me shqetësimet e tyre. “Duhet të prekni problemet në terrent, të shihni shërbimin e transportit, nëse pastrohen plehrat, nëse qytetarët furnizohen me ujë”, u shpreh ai.

Veliaj theksoi se emërimi brenda 24 orëve i administratorëve u krye me qëllim që qytetarët të mos privohen nga shërbimet bazë të njësisë. Sipas kreut të bashkisë, puna e secilit administrator do të matet me faktin sesa qytetarë që nuk gjejnë zgjidhje nga administratorët do të kërkojnë zgjidhjen në bashki.

“Nëse qytetarët vijnë dhe kërkojnë sqarime dhe zgjidhje në Bashkinë e Tiranës, kjo do të thotë se ata nuk kanë gjetur zgjidhje dhe sqarime tek ju. Ndaj unë i kërkoj qytetarëve që të mos largohen pa u sqaruar nga Administratorët. Por nëse qytetari vjen në bashki i pasqaruar, kjo do të thotë që Ju si administrator nuk keni bërë detyrën tuaj”, iu drejtua Veliaj.

Në vijim ai ka kërkuar nga secili prej Administratorëve që të lëtë mënjanë flamurin e partisë dhe t’i shërbejnë qytetarëve pa asnjë dallim.

“Nga ky moment 24 administratorët janë 24 administratorët e Bashkisë së Tiranë. Në administratë do të valëviten vetëm dy flamuj, flamujt e partive do t”i parkojmë për fushatë e ardhshme. Siç funksionuam në fushatë, ekipi unë do të jetë unik”, tha Veliaj.

Kreu i ri i bashkisë siguroi se me ndryshimin e funksionimit të bashkisë pas reformës territoriale, shërbimi për qytetarët nuk do të ndërpritet për asnjë moment dhe u kërkoi administratorëve që të jenë në shërbim të çdo qytetari.

“Në momentin e parë që në Bashkinë e Tiranës që vjen këtu dhe kërkon certifikatë sepse nuk gjen hapur njësinë, apo kërkon shpjegimi apo ndihmë është shenja e parë që njësia nuk funksionon. Nëse doni që kjo marrëdhënie të jetë serioze dhe afatgjatë, do të doja aq asnjë qytetarë të mos largohet pa shërbim. Në njësitë administrative, ju jeni bashkia e Tiranës”, tha Veliaj.

Nisur nga reagimet për përdorimit të transportit publik në ditën e dytë të punës, Veliaj tha se “gaztorët nuk ia kanë dalë kurrë të ndryshojnë gjë”, këtë tha ai e kanë bërë administratorët. Ai u kërkoi 24 administratorëve që të inspektojnë personalisht shërbimet publike pasi vetëm kështu do t’ia arrijnë të përmirësojnë këto shërbime për qytetarët.

 “Kjo është e vetmja mënyrë për të kontrolluar shërbime që kanë dalë nga kontrolli. Mund të tallen ditë e parë, por kur të përdorni më shpesh do të ketë presion edhe më të madh ndaj kompanive për të përmirësuar shërbimin. Do të merremi personalisht me çdo shërbim. Mund të rrisim cilësinë e shërbimeve nëse 24 administratorët inspektojnë shërbimet publike”, tha kreu i bashkisë.

Nga 24 admnistratorët e kryeqytetit, 6 prej tyre janë gra. Ajo çfarë vihet re është fakti se periferia i është besuar masivisht për drejtim administratorëve burra.

1.Administratore e njësisë numër 1 -Trendelina Jaku
2.Administrator i njësisë numër 2 -Elez Gjoza
3.Administratore e njësisë numër 3- Ergesta Ninka
4.Administratore e njësisë numër 4 -Liri Qoshi
5.Administratore e njësisë numër 5- Violeta Kika
6.Administrator i njësisë numër 6 -Adriatik Merko
7.Administratore e njësisë numër 7 -Gjinovefa Kadria
8.Administrator i njësisë numër 8 -Erjon Xhafa
9.Administratore e njësisë numër 9 -Adelina Albrahimi
10.Administrator i njësisë numër 10 -Arian Hamiti
11.Administrator i njësisë numër 11 – Gentian Arapi
12.Administrator në Petrelë – Sokol Kupi
13.Administrator në Farkë – Admir Abrija
14.Administrator në Dajt – Kujtim Qefalia
15.Administrator në Zall-Bastar – Genc Sita
16.Administrator në Bërzhitë – Refik Velia
17.Administrator në Krrabë – Alfred Brahja
18.Administrator në Baldushk – Ilir Bermeta
19.Administrator në Shëngjergj – Shpëtim Sina
20.Administrator në Vaqarr – Gentian Myrtaj
21.Administrator në Kashar – Erin Çatri
22.Administrator në Pezë – Besmir Kola
23.Administrator në Ndroq – Xhavit Çeka
24.Administrator në Zall-Herr – Arben Maloku

Ofensiva e vonuar turke mbi ISIS sipas motos: Me një gur vras dy zogj…

18:07 Politika

INTERVISTA/Ilir Meta flet per zgjedhjet, koalicionin, ndryshimet kushtetuese per drejtesine dhe gjykaten speciale ne Kosove

17:53 Politika

PD: Nuk i njohim zgjedhjet në Kurbin

15:18 Politika

Raporti i DASH/Nishani-Llalla, takim 30 minutësh në Presidencë

15:14 Politika

Leli merr zyrtarisht detyrën si kryebashkiak i Vlorës/ Gjika letër urimi dhe lule (FOTO)

15:08 Politika

Reforma në drejtësi dhe dekriminalizimi/Lu takon Bashën

13:28 Politika

Dekriminalizimi/PD paraqet platformën e saj: Test droge dhe gjurmë gishtash për zyrtarët e lartë

13:05 Politika

PD, komision organizativ për 25 vjetorin e themelimit

11:36 Politika

FOTO-VIDEO/ Veliaj me autobus në ditën e parë të punës në Bashkinë e Tiranës  

11:27 Politika

Aksident i frikshëm në Lushnjë/ Gruan e shtyp makina në oborrin e shtëpisë

11:09 Politika