Te fundit
Bartomeu “blindon” Neymar: Do të rinovojë me Barçën
25 Gusht 2015, 12:27Sport
TEMA
Barcelona nuk ka marrë asnjë ofertë nga Manchester United për Neymar.
Lajmi është bërë i ditur nga gazeta katalane “El Mundo Deportivo”, që saktësonte se braziliani është i pashitshëm.
Pas zërave nga Anglia se Louis Van Gaal ishte gati të paguante 190 milionë eurot e parashikuara në klauzolë, gjigandët spanjollë po mendojnë ti rinovojnë sulmuesit kontratën që skadon në vitin 2018.
Presidenti Josep Maria Bartomeu hodhi poshtë spekulimet për largimin e Neymar drejt Premier League-s, duke theksuar se klubi kërkon që 23-vjeçari ta mbyllë karrierën në “Camp Nou”.
“Nuk mendojmë ta shesim Neymar.
Ai është ende i ri, por duam që lojtari ta mbyllë karrierën te Barcelona”, tha numri një i klubit.
Bartomeu nënvijëzoi se braziliani është një prej futbollistëve më të rëndësishëm të skuadrës.
Presidenti “blaugrana” tha se në harkun e pak muajve, drejtuesit e klubit do të hapin negociatat me përfaqësuesit e sulmuesit, për të rinovuar kontratën, në mënyrë që të luajë në “Camp Nou” jo vetëm për tri vitet në vazhdim, por edhe për 5 apo 10 vjet të tjerë. Neymar u transferua te Barça në vitin 2013 nga Santosi.
Sezoni i parë ishte për tu harruar pas problemeve me ambientimin, formës jo optimale fizike dhe akuzave për mashtrim me shifrën e transferimit.
Megjithatë, në eedicionin 2014-2015, braziliani ishte një prej lojtarëve më të spikatur, me 39 gola në 51 ndeshje, duke ndihmuar spanjollët të fitojnë titullin në La Liga, Kupën e Mbretit dhe trofeun e Champions League.
Lini një Përgjigje
Më të lexuarat
24 oret e fundit
Javen e fundit
Blog Tema
