Takimi për Paqen, 4 mijë të ftuar, Klosi: Organizimi më i madh ndërkombëtar që ka bërë vendi ynë  

“Ne besojmë te Dialogu dhe Paqja!”. Kjo do të jetë motoja e takimit të 28-të Ndërkombëtar për Paqen, që do të mbahet në Tiranë në datat 6, 7 dhe 8 shtator, ku dhe janë ftuar të marrin pjesë rreth 4 mijë klerikë të të gjitha besimeve, politikanë, filozofë, studiues të çështjeve fetare etj. Nisur nga përmasat e pazakonta për një takim të tillë, është mbledhur sot sërish Komiteti Ndërshtetëror, i ngritur për organizimin e një eventi të tillë, i cili ka bërë dhe rakordimet e fundit për masat organizative dhe të sigurisë.

Ndërkohë që para nisjes së këtij takimi, ministri i Mirëqenies Sociale dhe Rinisë, Blendi Klosi, i shoqëruar edhe nga përfaqësues të institucioneve shtetërore dhe fetare që po merren me organizimin e këtij aktiviteti, ka dalë në një deklaratë për mediat, ku iu ka bërë ftesë të rinjve, besimtarëve dhe çdo të interesuari tjetër që të bëhet pjesë e aktiviteteve që do të zhvillohen gjatë këtyre tri ditëve. “Tirana, në datat 6, 7 dhe 8 shtator do të jetë kryeqyteti i Paqes në Europë dhe në mbarë botën. Në këto kohëra të ndërlikuara dhe të vështira që po jetojmë, përfaqësues të Kishës së Krishterë dhe udhëheqës të të gjitha besimeve fetare botërore do të mblidhen për të dialoguar dhe për t’u lutur për paqe. Në emër të qeverisë shqiptare, ftoj të gjithë qytetarët, politikëbërësit dhe të rinjtë e të gjithë Shqipërisë, besimtarë e jobesimtarë, të marrin pjesë në eventin më të rëndësishëm ndërkombëtar të organizuar në Tiranë”, – tha Klosi në fjalën e tij.

Më tej ai ka bërë të ditur se Qeveria e Shqipërisë, MMSR, në bashkëpunim me Komunitetin Sant’Egidio, pas 10 muajsh organizim, do të zhvillojnë eventin më të rëndësishëm për dialogun dhe paqen në botë. “Mbështetëm këtë aktivitet me bindjen se në Shqipëri dhe në botë, arsyet e konflikteve janë gjithnjë të shumta dhe mund të gjenerohen në çdo moment, por ndërgjegjja qytetare dhe dialogu mund të japin një përgjigje për t’i thënë ‘STOP!’ dhunës”, – tha ministri Klosi. Ai ka shtuar se qeveria, nëpërmjet Komitetit Ndërshtetëror me përfaqësues nga të gjitha ministritë, ka koordinuar dhe bashkërenduar punën për të bërë të mundur që këto ditë të jenë edhe ditët e promovimit të vlerave e qytetërimit të kombit shqiptar, si dhe një mundësi e mirë për turizmin kulturor e fetar në Shqipëri.

“Ministria e Rendit, Garda e Republikës dhe Policia e Shtetit kanë marrë të gjitha masat e nevojshme për sigurinë dhe rendin, në mënyrë që qyteti i Tiranës të mirëpresë 4000 të ftuar e pjesëmarrës”, – tha Klosi. Aktiviteti do të organizohet në 3 ditë dhe në ditën e parë do të mbahet ceremonia e inaugurimit në Pallatin e Kongreseve, dita e dytë do të karakterizohet nga bashkëbisedimet dhe dialogu në 11 panele të ndryshme, në të gjitha sallat e qytetit të Tiranës,  me dëshmi dhe histori të vërteta nga vendet e luftës, si Siria, Libia, Iraku etj., që do të përcillen tek auditorët. Në ditën e tretë të gjithë do të jemi dëshmitarë të marshimit të Paqes në Bulevardin e Tiranës dhe nënshkrimit të Apelit për Paqen nga të gjithë krerët e besimeve fetare. Në kohë reale dhe drejtpërdrejt do të ndiqen ditën të gjitha aktivitetet në Eurovizion në 60 vende të botës.

Vijon aksionin për lirimin e hapësirave, Mazniku: Ashpërsim të masave për të kthyer ligjshmërinë

15:23 Sociale

Pse biletat e avionit janë më të shtrenjta në Shqipëri dhe a do të ulen ato

09:21 Sociale

VIDEO/ "Ndërkohë që po u mësoja greqisht, fëmijët po më mësonin shqip”

20:57 Sociale

Bar “Capricio”, lokali ku piu kafe Edi Rama, i gjobitur per akull te ndotur

19:44 Sociale

Nisma "Adopto një çerdhe", Veliaj shpërndan medalje mirënjohje për 31 bizneset dhe individët

19:10 Sociale

Klosi takon drejtorët e shkollave: Transformim të plotë të sistemit të Arsimit Profesional

18:53 Sociale

BISEDA/ Zbardhet takimi Cipras- Janullatos: Grekët janë të çmendur, por asnjëherë nuk e kanë braktisur Zotin

16:59 Sociale

Mbi 400 azilkërkues shqiptarë riatdhesohen brenda kësaj jave

14:07 Sociale

Veliaj thirrje qytetarëve: Në 4 shtator, bashkë për të pastruar Tiranën  

13:00 Sociale

Ta hëngsha byrekun me kupon!

11:00 Sociale