FOTOT/ Fiks Fare deshmon si fëmijët mund të blejnë lirshëm duhan, alkool dhe hashash në Tiranë. Sociologët: Po rrisim përbindësha

Fëmijët të cilët blejnë produkte si duhani, alkoli dhe droga kane qënë në fokusin e investigimit të emisionit “Fiks Fare” në dy puntata të transmetimit te tij. Kjo problematikë e trajtuar edhe më herët në këtë emision, erdhi ndryshe tek teleshikuesit , duke patur fëmijët si protagonistë. Dy të mitur te moshave  12 dhe 13 vjec, bënë disa blerje. Në pjesën e parë të investigimit fëmijët blene produkte si cigaret, pije alkolike,  si dhe vendosen një skedinë në një pikë bastesh. Ndalimi me ligj për përdorimin e alkoolit dhe  duhanit nuk i pengoi fëmijët të blinin këto substanca.

Investigimi nuk u mbyll me blerjen e cigareve apo pijes alkolike, por ai vazhdoj më tej duke pasur protagonistë fëmijët, të cilët në këtë rast kërkonin të blinin drogë. Pasi fëmijët morën informacionin se ku mund ta gjenin këtë produkt, u drejtuan në zonën ku i kishin orjentuar. Me të mbërritur në zonë, ato filluan të pyesnin banorët , të cilet i tregojnë se ku mund t’i gjejnë shpërndarësit. Pyetjes: “Ku mund të gjejmë pak bar” iu përgjigjen disa banorë… Kjo linte të kuptohej që ky produkt i rrezikshem që fëmijët kërkonin, mund të gjëndej lehtësisht.

Pas bisedave me banorët, fëmijët drejtohen tek shpërndarësi , i cili i pyet se sa duan të blejnë. Fëmijët marrin dy cigare me hashash, të cilat kushtojne 500 lekë. Nga pamjet që solli mbrëmë emisioni Fiks Fare, kuptuam se edhe kjo substancë mund të blihet lehtë nga cdo fëmijë. Kjo lloj droge, shitet në formën e cigareve. Shpërndarësi pasi u jep fëmijëve produktin që i kërkojnë i jep edhe kontaktet  që të mund ta gjejnë më lëhtësisht, për produktin e ardhshëm.

Investigimi i emisionit “Fiks Fare” u shoqerua edhe me mendimet e specialistëve të cilet janë kompetentë në fushat përkatëse. Zamira Cavo, sociologe e specializuar ne fushën e fëmijëve thotë se po rrisim përbindësha, të cilët më pas nuk do të jemi në gjendje ti kontrollojmë. Sipas saj, rolin vendimtar e luan familja, por edhe mjedisi ku rriten.

“Duhet bërë një punë më konkrete  për ndërgjegjësimin e fëmijëve që në kopësht” thotë Cavo.

Këtë problem, shefja e sektorit të mbrojtjes së fëmijëve në Ministrinë e Punëve Sociale dhe Rinisë, Ina Verzivolli,  e shpjegon me faktin se nuk është e mirëpërcaktuar mosha kur fëmija kalon në adoleshencë, ndaj fëmijët kanë nevojë për një kujdes më të madh, të cilin ligji ua mundëson, por mbetet për të parë se sa zbatohet ky ligj.

Specialistja e promocionit në ISHP, Gentiana Qiriako, na ndihmon me disa shifra për përdoruesit. Një në 10 fëmijë 11,13- 15 vjec kanë provuar duhanin. 3.4% e fëmijëve nga 11-15 vjec janë përdorues të rregullt të alkoolit.

5.7% e 15 vjecarëve kanë konsumuar kanabis gjatë jetës së tyre. Sipas saj, ka disa vite që në vendin tonë po realizohet një studim europian “Sjelljet e shëndetshme tek fëmijët e moshës shkollore”. Shifrat tregojnë se kemi  trend në zbritje përsa i përket alkoolit dhe duhanit , por kemi trend në rritje në përdorimin e lëndëve narkotike.

Ndërkohë këtë na e vërteton edhe shitja e hashashit. Këtë të fundit fëmijët e gjejnë  duke pyetur nëpër rrugë. Pasi marrin orientimin e duhur fëmijët shkojnë dhe bëjnë blerjen e fundit.

FOTOT/ Saranda përfshihet nga një stuhi e frikshme

19:28 Sociale

Arsimi Profesional, Klosi: Eksperience italiane per shkollat e ekselencës

14:46 Sociale

Meditimi i një vajze të re për Berishën: Po si s'ramë njëherë dakord në këtë familjen tonë të shesim televizorin xhanëm?!

14:08 Sociale

Çanta me artikuj shkollorë për 150 fëmijë në nevojë/ Veliaj: 100 mijë fëmijë humbasin çdo ditë 500 mijë minuta nga orët e mësimit vetëm nga trafiku

12:51 Sociale

Reforma për tekstet shkollore/ Rama: Kthesë historike, nuk ka më tekste mizerabël

12:35 Sociale

“Faleminderit Zot, tani të pimë edhe hashashin në vend të çajit siç thotë Koço, dhe do jemi populli më i lumtur”

10:02 Sociale

FOTO LAJM/ Një pamje e pazakontë nga Tirana

09:55 Sociale

Ja cila është procedura që duhet ndjekur për t'u punësuar në Gjermani

09:03 Sociale

FIX FARE/Si mund të blejë duhan, alkool dhe të hyjë në lojra fati një minoren në Tiranë

20:30 Sociale

Bashkia e Tiranës  nuk i ndal gjobat, e vendosur për të ndaluar ndotësit (FOTO)

17:14 Sociale