Te fundit
Prefekti Vorpsi: Ankthi i çdo qytetari këto ditë është trafiku i rënduar
11 Shtator 2015, 17:44Kronika
TEMA
“Ankthi i çdo qytetari këto ditë është trafiku i rënduar i cili shpesh bëhet shkak për vonesa, por edhe për aksidente. Në rolin e Prefektit do të kërkoja nga policia të jetë e pranishme e të mobilizohet sidomos në orët e mëngjesit për mbarëvajtjen e drejtuesve të automjeteve dhe shmangien e çdo rasti që do të vinte në rrezik jetën e qytetarëve” – tha në fjalën e tij Prefekti i Qarkut të Tiranës Vorpsi nw tryezën e organizuar për pasqyrimin e planit të masave që kanë të bëjnë me qarkullimin rrugor, policinë e shtetit, Drejtorinë Arsimore Rajonale të Tiranës si edhe atë Qarkut të Tiranës, OSHEE dhe Ujësjellësin, Drejtorinë e Higjienës, Drejtorisë Rajonale të Shërbimit Social etj.
Po ashtu, Prefekti i Qarkut Tiranë kërkoi nga ujësjellësi dhe OSSHEE-ja më shumë vëmendje për furnizimin e rregullt të institucioneve arsimore.
“Një nga problematikat e shumta që hasen gjatë vitit shkollor është mungesa e ujit dhe furnizimit me energji elektrike, sidomos gjatë muajve të ftohtë të dimrit, që janë kushtet minimale që duhen garantuar për mbarëvajtjen e orarit mësimor, veçanërisht në shkollat ku zhvillohet mësim edhe në orët e pasdites. Do të kërkoja garancinë e plotë të institucioneve përgjegjëse për të parë me prioritet këto problematika”- tha prefekti Vorpsi.
Ai kërkoi më shumë bashkëpunim mes drejtuesve të shkollave, psikologëve dhe Policisë me prindërit për të identifikuar problematikat që në gjenezë.
Lini një Përgjigje
Më të lexuarat
24 oret e fundit
Javen e fundit
Blog Tema
