Penalizimi i evazionit fiskal, mundësi tolerimi për ata që tregojnë abuzimet

Me ashpërsimin e masave antievazion dhe forcimin e kontrolleve, qeveria ka vendosur që në heshtje të hapë një dritare shpëtimi për ato biznese të cilat kanë mëkate nga e shkuara.

Në draftin e ri të procedurave tatimore, që Këshilli i Ministrave ka dërguar në kuvend, ka një nen i cili amniston bizneset nga ndjekja penale për evazionin që kanë kryer në të kaluarën nëse vetëdeklarojnë taksat e fshehura dhe i paguajnë ato menjeherë.

Më konkretisht, neni 21 i draftit sanksionon se administrata fiskale nuk do të bëj kallëzim penal ndaj tatimpaguesve, të cilët me vullnetin e tyre deklarojnë dhe për pasojë korrigjojnë një deklaratë tatimore të plotësuar qëllimisht gabim, pavarësisht periudhës që i përket kjo deklaratë. Korrigjimi nënkupton që këto biznese do të paguajnë menjeherë edhe detyrimin tatimor përkatës, të cilin kanë fshehur.  Por drafti sanksionon se nga kjo falje nuk do të përfitojnë ato ndërmarrje apo kompani, shkeljet e të cilave janë zbuluar më parë nga tatimet.

Operacioni antievazion mund të vërë në një situatë të vështirë ligjore shumë biznese pasi kontrollet dhe forcimi i rregullit nxjerrin në sipërfaqe evazionin që ato kanë kryer në të kaluarën. Ligjet në fuqi detyrojnë që ndaj këtyre bizneseve të fillonte automatikisht ndjekja penale.

Në këtë situatë autoritetet duket se kanë vendosur që të hapin një valvul shkarkimi, si mundësia e fundit për ndërmarrjet me probleme të mbartura nga e shkuara që të rregullojnë llogaritë me shtetin. Me ligjet në fuqi, bizneset kanë deri në 1 vit kohë për të korrigjuar deklaratat tatimore. Drafti i ri i jep mundësinë t’i korrigjojnë pavarësisht vitit kur është bërë deklarimi i rremë.

Sipas ekspertëve të Ministrisë së Financave ky është një nen, i cili në një farë mënyrë balancon ashpërsimin e masave fiskale ndaj evazionit që parashikohet në draftin e ri, pasi i jep mundësi bizneseve që të nisin një kapitull të ri në marrëdhëniet me administratën, duke qënë në rregull me ligjin./ TCH   

"Ende nuk ka një marrëveshje për heqjen e ekskluzivitetit të aeroportit të Rinasit"

15:28 Ekonomia

Kujdes: Ruani kuponin tatimor 30 metra nga vendi i blerjes, ndryshe penalizoheni

12:20 Ekonomia

Ahmetaj: Pse nuk e ndryshojmë ligjin për turizmin?

19:50 Ekonomia

Një familje shqiptare shpenzon vetëm 31 mijë lekë në muaj për ushqime

16:33 Ekonomia

Tatimorët kontroll individëve, konfiskim kartave të identitetit kush nuk merr kuponin tatimor

14:52 Ekonomia

Tregëtimi i duhanit/Doganat: Zgjidhja e vetme, formalizimi i prodhimit dhe shitjes

13:44 Ekonomia

Ndryshon harta e varfërisë/ Familjet shpenzojnë më shumë në Tiranë dhe Lezhë, më pak në Vlorë dhe Elbasan

12:31 Ekonomia

Aksioni i tatimorëve, ja pasuritë që nuk mund të sekuestrohen

10:47 Ekonomia

Qeveria lëshon dorën, 140 mln lekë për motorrë dhe fuoristrada

19:32 Ekonomia

TAP, s’ka marrëveshje për gazin; Shqipëria ende nuk ka prenotuar sasinë që i duhet

17:49 Ekonomia