Aleksandër Vuçiç viziton përsëri Srebrenicën pas sulmit ndaj tij në korrik

Autoritetet e Srebrenicës dhe përfaqësues të viktimave thanë për BIRN se ata shpresojnë që vizita e Vuçiçit ditën e mërkurë për një konferencë mbi zhvillimit të gjenerojë tituj më pozitiv gazetash sesa ato kur ai u qëllua me shishe dhe gurë nga boshnjakë të zemëruar gjatë përkujtimores me rastin e 20 vjetorit.

Munira Subasic, presidente e “Nënat e Srebrenicës dhe shoqatës së viktimave të Enklavave të Zhepës”, tha se Serbia kishte për detyrë ta ndihmonte ekonomikisht zonën për shkak të mbështetjes së saj për forcat serbe të Bosnjës gjatë kohës së luftës.

“Serbia i detyrohet kaq Srebrenicës,” tha Subasic për BIRN, duke i bërë thirrje Vuçiçit të mbërrijë me propozime konkrete për investime.

“Do të isha e lumtur nëse nga kjo vizitë del diçka konkrete, jo thjesht fjalë boshe,” shtoi ajo.

Po rriten masat e sigurisë për konferencën dyditore, në të cilën do të marrë pjesë gjithashtu edhe presidenti i Republikës Srpska, Milorad Dodik, dhe anëtari boshnjak i presidencës trepalëshe të vendit, Bakir Izetbegoviç, së bashku me zyrtarë të tjerë ndërkombëtarë dhe investitorë potencialë.

Përpara vizitës së tij, Vuçiç tha për mediat se ai pret që bashkëpunimi rajonal t’i japë fund ndarjeve.

“Serbia do të planifikojë fonde për Srebrenicën. Ne do të kthehemi përsëri dhe do të ndihmojmë. Jo në memorial, por në vende të tjera. Njerëzit që gjuajtën me gurë dhe u përpoqën të më gjuanin me grushta, do të më mirëpresin me duartrokitje,” tha ai.

Kryeministri serb refuzon t’i përshkruajë masakrat e vitit 1995 të më shumë se 7,000 burrave dhe djemve boshnjakë nga forcat serbe të Bosnjës si një akt gjenocidi, pavarësisht vendimeve të gjykatave ndërkombëtare.

Subasic tha se ajo shpresonte që Vuçiç të marrë pak kohë për të vizituar memorialin atyre që u vranë dhe të bëjë nderimet e tij për viktimat.

“Nëse ai vjen brenda në memorial, ky është një mesazh i mirë dhe ky gjest do të ishte një lloj pranimi i krimit. Nëse ai nuk e bën, atëherë ne do të kuptojmë se mesazhi i tij do të jetë përsëri ai i mohimit të këtij krimi,” tha ajo.

Kryetari i Srebrenicës, Camil Durakoviç, tha se konferenca për zhvillim ishte një mundësi për të treguar “Srebrenicën në një tjetër aspekt”.

“Ne do të paraqesim ekonominë e paraluftës të Srebrenicës dhe të gjitha rezultatet pozitive dhe negative të privatizimit. Do të bisedojmë për mundësitë dhe pasurit që ofron komuna jonë, kryesisht të drurit, ujit dhe mineraleve. Ka potencial të madh i cili zor se përdoret,” tha Durakoviç.

Deputetja serbe e Durakoviçit, Biljana Rakiç, tha për mediat vendase se Srebrenica dëshiron vetëm investime dhe probleme jo politike, dhe fajësoi të huajt për nxitjen e pakënaqësisë.

“Jeta në Srebrenicë është normale dhe nuk ka probleme midis qytetarëve për çështje etnike apo fetare, por shumë probleme shkaktohen nga njerëz nga Sarajeva dhe Banja Luka,” tha Rakiç

DESHMIA/ Stipe Mesiç: Shqipëria nuk ishte gati të hapte luftën me serbët

16:23 Rajoni

Mungesa e hashashit në Ballkan i kushton atyre që e tymosin

15:41 Rajoni

Shqipëria e Kosova do të shkëmbejnë nota proteste me njëra-tjetrën

10:07 Rajoni

Kosovën e përkrahën profesorët, Serbinë një kanadez i dyshuar për dhunim

16:27 Rajoni

Në Parlamentin e ri të Kroacisë është edhe shqiptarja nga Prizreni

15:58 Rajoni

"Të ndërpritet dialogu me Serbinë"

15:57 Rajoni

Ironike: Këto 15 shtete kanë njohur Kosovën, por nuk e votuan në UNESCO

19:14 Rajoni

Mediat serbe "festojnë" mosanëtarësimin e Kosovës në UNESCO

14:30 Rajoni

Kosova nuk pranohet në UNESCO për vetëm tre vota, ja kush votoi pro dhe kundër

15:00 Rajoni

Kriza e emigrantëve kërcënon të ringjallë fantazmat e luftërave në Ballkan

12:18 Rajoni