Te fundit
Bakalli i përgjigjet Fugës: Sokrati nuk arriti ta mposhte dëshirën për t’ia shprehur nxënësit të tij të preferuar sesa shumë ia donte të mirën
11 Nëntor 2015, 13:41Blog
TEMA
Qëndrimet e ndryshme për Reformën në Arsimin e lartë kanë përballur në debat dy profesorët Artan Fugën dhe Gilman Bakallin.
Edhe pse pa cituar emra ata të dy kanë replikuar në faqet e rrjetit social Facebook ndaj njëri-tjetrit.
Bakalli i është përgjigjur Fugës për një status, ku e quan atë nxënës që i do të mirën dhe ku shkruan se profesori i UET “vuan nga sëmundja e mërzisë urbane dhe se e kishte humbur fare toruan”.
Përgjigja e Gilman Bakallit:
Edhe atë natë, si çdo natë, Sokrati nuk arriti ta mposhte dëshirën për t’ia shprehur nxënësit të tij të preferuar Alkibiades se sa shumë ia donte të mirën. Ndjehej i lodhur nga ecejaket e shumta tregjeve të Athines, prandaj nuk shkoi ta takonte tek sheshi i stërvitjes. E mori në telefon dhe i tha se e vlerësonte shumë si djalë të lexuar, të letrave, trim në fushën e betejës, se ia adhuronte trupin me muskuj dhe forcën e këmbës e të krahut. Alkibiades e falënderoi mjeshtrin për telefonatën dhe i premtoi se sapo te lirohej paksa nga ca punë private do shkonte ta takonte vetë Mjeshtrin tek shtëpia.
Statusi i Artan Fugës
Ai u curufjas brenda një dite.
“Unë nuk jam unë”,
–
bërtiste duke vrapuar nëpër rrugë, trokitur nëpër dyer shtëpish,
“ai nuk është ai” –
dhe nuk di pse hidhte kasketën lart në qiell dhe e priste me majën e këpucës.
“ne, ju ata, ato, nuk jemi ne, ju ata, ato”
ne jemi ata,
ju jeni unë,
ai është ajo
ti jam ne…
Fliste pa kuptim,
dhe i jepte dorën çdo njeriu që i dilte përpara.
Në një moment u përplas me një shtyll prej druri të kalbur :
Më fal zotëri – iu drejtua shtyllës, – jam i mërzitur, kam muaj që punoj falas.
Vuaj nga sëmundja e mërzisë urbane.
E kishte humbur fare torruan.Nuk dinte as se çfarë diplome kishte, ishte gazetar, mami, apo naftëtar?
Të gjithë qeshnin me të.
Qentë e lagjes i kafshuan brrekët.
Gajasjeeee
E mora përdore, dhe i thashë :
Hajde këtej në trotuar o budallë se do të të shtypi vetura, mos u bëj gazi i botës!
I desha gjithmonë të mirën.
3 komente në “Bakalli i përgjigjet Fugës: Sokrati nuk arriti ta mposhte dëshirën për t’ia shprehur nxënësit të tij të preferuar sesa shumë ia donte të mirën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te holle e ke penen Gilman!
Prof Artani, mos ji kaq folklorik o i nderuar!
i duhet dhene fund kesaj forme indirekte te foluri. une si lexues dua te di se ke shigjeton Fuga dhe pse Bakalli i jep konotacione homoseksuale (raporti Sokrat-Alkibiades, ku aktivi eshte ky i fundit) statusit.