Gerrard: Chelsea dhe City kanë dëmtuar Premier League

Ish-kapiteni i Liverpool Steven Gerrard beson se është e vështirë për skuadra si Liverpool, Arsenal dhe Tottenham të luftojnë për titullin, duke parë fuqinë e madhe ekonomike që kanë skuadra si Manchester City dhe Chelsea. Ish-skuadra e Gerrard, Liverpool, nuk ka arritur të përsërisë suksesin që ka pasur në vitet 70, 80 dhe 90, me Manchester United që, nga ajo kohë, u bë ekipi më dominues në Premier League.

Megjithatë, gjërat janë përkeqësuar për “Të Kuqtë”, ashtu si për Arsenalin dhe Tottenham, kur miliarderët Roman Abramovich dhe Sheiku Mansour kanë blerë respektivisht Chelsea dhe Manchester City. Rusi e ka blerë klubin londinez në 2004-ën dhe i ka ndihmuar “Blutë” të fitojnë katër tituj në Premier League në 11 vite e fundit, gjithashtu edhe një Europa League dhe një Champions League.

Ndërkohë, City ka marrë një mbështetje të madhe financiare nga Lindja e Mesme, me “Citizens” që kanë fituar dy kampionate në vitet e fundit. Gerrard beson se fuqia e madhe ekonomike që kanë këto dy klube e bën gjithçka më të vështirë për rivalët: “Unë e konsideroj veten dhe ekipin përgjegjës për faktin që nuk kemi fituar asnjë kampionat në Angli, por Premier League është shumë  e vështirë”, ka thënë Gerrard.

“Çdo vit ata – Zoti Abramovich dhe Sheiku te Manchester City – investojnë shuma të mëdha parash dhe për këtë arsye klube si Liverpool, Tottenham dhe Arsenal është shumë më e vështirë për të pasur sukses”. Gerrard, i lindur në Liverpool, ka dalë nga akademia e “Anfield” dhe, pavarësisht karrierës së suksesshme, nuk ka arritur asnjëherë të fitojë një titull në Premier League. Aktualisht mesfushori anglez luan për Los Angeles Galaxy në Amerikë./ Telesport

FIFA mbyll hetimet, Blatter e Platini rrezikojnë përjashtimin përjetë

14:21 Sport

Spanjollët përzgjedhin një grup “ferri” për Shqipërinë

11:40 Sport

10 shifra që duhet të dini për “El Clasico”…

15:59 Sport

Berat Gjimshiti në Seria A, Tare e do te Lacio në janar

15:56 Sport

Ksavi: Mesi më i miri, por kjo falë edhe Ronaldos

12:32 Sport

FOTOT/ City merr forcë nga… Jean-Claude Van Damme

12:29 Sport

Kategoria Superiore/ Kukësi thyen Skëndërbeun. Tirana barazon ndaj Laçit

19:09 Sport

Zvicra si merr seriozisht kuqezinjtë: Ndeshja me Shqipërinë do ishte qesharake

16:53 Sport

Ja cilët janë yjet që do të ndërrojnë skuadër në janar

15:25 Sport

Shorti i Euro 2016, zviceranet preferojnë Shqipërinë

15:23 Sport