Spanjollët përzgjedhin një grup “ferri” për Shqipërinë

“Sefutbol.com”, media zyrtare e kombëtares së Spanjës, ka zhvilluar një sondazh me lexuesit (tifozët), duke kërkuar të zbulojë se cilët kundërshtarë janë të dëshirueshëm në grup për Del Bosken dhe të tijtë në finalet e “Euro 2016”. Pyetja që shtrohej në këtë sondazh ishte kjo: Tifozët e kombëtares së Spanjës mund të zgjedhin skuadrën rivale për turneun e ardhshëm, “Euro 2016”, raundin e grupeve. Cilët finalistë dëshironi?

Kësaj pyetje i janë përgjigjur me votë mbështetësit e kombëtares iberike nga e enjtja e kaluar dhe këtu më poshtë janë rezultatet. Pjesëmarrësit në sondazh zgjodhën Austrinë, Hungarinë dhe Shqipërinë, si rivalët idealë për fazën e grupeve të Kampionatit Europian të Francës, që zhvillohet verën e vitit të ardhshëm. 1 në 3 tifozë do të pëlqente një grup të formuar nga Spanja, Austria, Hungaria dhe Shqipëria. Rivalët, për t’u shmangur, të vlerësuarit si më të këqinjtë për t’u përballur me to, në këtë anketë, përsëri sipas mendimit të tifozëve, rezultojnë Kroacia mes ekipeve të vazos 2, Republika Çeke nga vazoja 3 dhe Republika e Irlandës nga vazoja 4.

Në rastin e opsionit të dytë, tifozët spanjollë zgjodhën Italinë nga vazoja 2, Suedinë nga vazoja 3 dhe Uellsin nga vazoja 4. Sikurse dihet, Shqipëria është kualifikuar për herë të parë në finalet e një Kampionati Europian. Kuqezinjtë e De Biazit do të jenë në Francë, verën e vitit të ardhshëm, ku do të konsumojnë një eksperiencë të rrallë, por edhe mjaft të vështirë. Këtë e tregon edhe vendosja e skuadrave nëpër vazo, mbi të cilat do të ndërtohet edhe hedhja e shortit të fazës së grupeve në finalet e “Euro 2016”.

Qytetet e Francës, ku do të luhet faza finale e “Euro 2016” Janë disa komponentë që e bëjnë këtë ndarje në katër vazo, me nga 6 skuadra, që në tërësi konkludojnë në koefiçentin e UEFA-s për secilin ekip pjesëmarrës në Europianin e vitit të ardhshëm. Shqipëria bën pjesë në vazon e katërt, pra të fundit, dhe lë pas vetes vetëm Irlandën e Veriut. Edhe kjo e fundit ka kualifikimin e parë në historinë e vet në finalet e një Kampionati Europian. Në grup me ne është edhe Uellsi, Islanda dhe Turqia. Kjo e fundit u kualifikua direkt si skuadra e tretë më e mirë në fushatën kualifikuese, ndërsa të tjerët janë të gjithë debutues në një Europian. Më poshtë, ja një përmbledhje e situatës aktuale e “Euro 2016”, para fazës së “play-off”-it dhe shortit të 12 dhjetorit në Paris.

Ekipet e kualifikuara: Franca (si vend organizator), Islanda, Çekia, Belgjika, Uellsi, Spanja, Sllovakia, Gjermania, Polonia, Anglia, Zvicra, Irlanda e Veriut, Rumania, Austria, Rusia, Italia, Kroacia, Portugalia, Shqipëria, Ukraina, Hungaria, Suedia dhe Republika e Irlandës. Vendi i tretë më i mirë: Turqia Shorti i grupeve të fazës finale të “Euro 2016” hidhet më 12 dhjetor, në Paris Shorti i fazës finale (grupet): Të shtunën, më 12 dhjetor, në Paris, Francë.

Do të jenë katër vazo me nga gjashtë ekipe secila. Në vazon e parë, bashkë me Spanjën, kampione e Europës në fuqi, do të jenë pesë ekipe të tjera, që quhen koka grupi. Në total, 24 ekipet do të ndahen në gjashtë grupe me nga katër ekipe. Kualifikohen për në 1/8-t e finaleve dy skuadrat e para dhe katër vendet e treta më të mira. Data e fazës finale: Faza me grupe (10-22 qershor), 1/8-t e finaleve (25-27 qershor), çerekfinalet (30 qershor-3 korrik), gjysmëfinalet (6-7 korrik), finalja (10 korrik)./Telesport

10 shifra që duhet të dini për “El Clasico”…

15:59 Sport

Berat Gjimshiti në Seria A, Tare e do te Lacio në janar

15:56 Sport

Ksavi: Mesi më i miri, por kjo falë edhe Ronaldos

12:32 Sport

FOTOT/ City merr forcë nga… Jean-Claude Van Damme

12:29 Sport

Kategoria Superiore/ Kukësi thyen Skëndërbeun. Tirana barazon ndaj Laçit

19:09 Sport

Zvicra si merr seriozisht kuqezinjtë: Ndeshja me Shqipërinë do ishte qesharake

16:53 Sport

Ja cilët janë yjet që do të ndërrojnë skuadër në janar

15:25 Sport

Shorti i Euro 2016, zviceranet preferojnë Shqipërinë

15:23 Sport

Policia në dhomën e hotelit të futbollistit të Romës, e mori për terrorist

15:22 Sport

Ja shpërblimi për kuqezinjtë, De Biazi kërkoi 2 mln euro

15:20 Sport