Bllokohet tregu i karburanteve, koncesionari i ngjyrimit ndërpret punën pa paralajmërim

Kompania që ka me koncesion shënjimin e karburanteve ka ndërprerë në mënyrë të beftë aktivitetin duke zhytur në një krizë të paprecedentë tregun e naftës në vend.

Këtë të enjte kompania GFI ka vendosur të mos i nxjerr në punë punonjësit që bëjnë markimin e karburanteve në port duke bërë paralizuar tregtimin e naftës dhe benzinës.

Por cili është thelbi i konfliktit? Në vitin 2011 qeveria shqiptare ja dha monopolin e markimit të karburanteve shoqërisë GFI. Në marrëveshje përvec naftës së përpunuar është vendosur detyrimi që të markohet edhe nafta bruto, një praktikë kjo e paprecedentë. Kjo edhe për një arsye tjetër. Substanca përmes të cilës kryehet markimi nuk funksionon në naftën bruto.

Të dhënat zyrtare tregojnë se nafta bruto që eksportohet nëse do të markohej do ti siguronte koncesionarit rreth 10 milionë euro të ardhura shtesë në vit. Por për shkak se edhe teknologjikisht nuk mund ta kryejë dot shërbimin, përgjatë kësaj kohe koncesionari i markimit nuk ka mundur të arkëtojë asnjë lekë nga nafta bruto.

Përballë kësaj situate kompania koncesionare ka vendosur të ndëpresë aktivitetin duke i kërkuar këto para nga shteti. Por cfarë efektesh ka kjo për tregun. Në bazë të një vendimi këshilli i ministrave ka sanksionuar se nuk mund të zhdoganohet asnjë litër karburant pa u shlyer më parë pagesa për markimin. Meqë kompania nuk e kryen më shërbimin, tregtaret që importojnë karburant nuk mund të zhdoganojne asnjë litër naftë apo benzinë, duke e cuar tregun në një krizë të paprecedentë.

Burime nga doganat dhe shoqata e tregtarëve rtë karburanteve i thanë top channel se ky ngërc mund të zgjidhet vetëm në dy rrugë, ose që qeveria të ndryshojë vendimin që nuk lejon zhdoganimin e karburanteve pa paguar markimin ose të arrijë marrëveshjen me kompaninë koncesionare.

Paralizimi i tregut të karburanteve tregon edhe një herë se si koncesionet e dyshimnta dhe të përfolura si korruptive mund të shkaktlkojmë dëmë të jashtëzakonshme për konsumatorët dhe ekonominë kombëtare./ TCH

Taksa për makinat luksoze mbi 50 mijë euro

18:38 Ekonomia

Holandezët hapin kompani për paketimin e mjedrës në Fier

14:00 Ekonomia

2 mln euro për rrjetin e shpërndarjes së energjisë, vitin tjetër linja e tensionit të lartë me Kosovën

14:56 Ekonomia

“Taksë” e fshehur 5-10 lekë/litër për naftën, Qeveria rrit me 170 herë tarifën për licencën e karburanteve

11:00 Ekonomia

Bashkimi i Tatimeve me Doganat, Shehaj përvojë nga Gjeorgjia

17:26 Ekonomia

5 mijë lekë shpërblim për kë denonocon bizneset me shkelje

10:21 Ekonomia

Drejtorët e Bankers kanë shitur fshehtas aksionet e tyre!

08:59 Ekonomia

Ndërtimi, sektori më i preferuar. Në 10 muaj, 1.300 të huaj të punësuar në Shqipëri

18:49 Ekonomia

11 rreziqet e ekonomisë shqiptare për Eurobondin

14:37 Ekonomia

Nafta: pse ka kaq shume hyrje-dalje, falimente, evazion nga ky treg

10:47 Ekonomia