Nderron jete ne moshen 109 vjecare, Baba Arshi Bazaj, Babai i Teqes se Detroitit

Ka vdekur Baba Arshi Bazaj, Baba i Teqes së Detroitit në SHBA, ndërtuar nga Baba Rexhepi. E kam takuar për herë të parë në vitin 2004, kur nuk kishte shumë që kryente detyrën e Babait të Teqes. Në moshën 98 vjeçare më pat impresionuar me fatin se punonte ende me një traktor të vogël në oboorin e pafund të Teqes, të shoqëronte deri tek varri i Baba Rexhepit dhe të tregonte pa fund histori që ndërpriteshin në vitin 1945, kur ai pat ikur nga Shqipëria.

Kishte qenë qysh 9 vjeç si fëmijë shërbëtor në Teqen e Koshtanit në Tepelenë, të cilët e quante më të madhen e zonës, dhe mbante mend si i vogël këdo që ka pas shkelur në atë Teqe, që nga Selam Musai e deri tek komit të egër si Hamit e Mero Lamçe, për të cilët fliste sikur i kishte takuar dje.

“Na sillnin mall në Teqe”, – më tha kur unë e pyeta nëse e mbante mend Selam Musain.

–E mbaj mend posi. Ai i shkurtri nga Salaria…Kur erdhi nga Lufta e Labovës, qesh 9 vjeç dhe na solli gjithë atë mall që ua kishte marr grekëve.

-Po ai i thashë, është Hero i Popullit tani.

U hutua pak dhe më pa në sy me dyshim.

-Jo jo do jetë tjatër tha. Ky që them unë u vra në Vlorë pastaj.

Biseda vazhdoi me humor duke biseduar për të nëjtin njeri, por që ishte bërë “Hero i Popullit” në vitet gjashtëdhjet, kur Baba Arshiu nuk ishte më në Shqipëri dhe nuk kishte më lajme nga kjo anë e botës.

Mbante mend më pas Luftën e Dytë Botërore, përfshirjen e Baba Rexhepit me nacionlaistët, por dhe një lloj besimi që kishte se komunistët nuk do ta preknin fenë e tyre, ngaqë “dy kryesorët, i kishin prindërit shërbëtorë të fesë bektashiane. Pastaj erdhi zhgënjimi i tij duke u arratisur për SHBA.

Baba Arshiu ndërroi jetë në moshën 109-vjeçare. AI ka

lindur në Sevaster të Vlorës më 1906.

Ka qenë bashkëpunëtor i ngushtë i Baba Rexhepit, një prej dijetërëve të rrallë të fesë bektashiane, që ka botuar dhe libra në gjuhën angleze rreth saj dhe historikut që lidhet me shqiptarët. /M.Baze/

Si e spiunuan legjendën e gazetarisë kosovare kolegët e Shqipërisë gjatë komunizmit

19:32 Dossier

Politikanët me më shumë ndikim të gjithë kohërave

13:49 Dossier

Lista amerikane e goditjeve bërthamore në vitin 1959/ Në Shqipëri, objektiva ishin Kuçova dhe Tirana

12:05 Dossier

Trifon Xhagjika, 52 vjet pa varr dhe histori

17:58 Dossier

Dhjetor, 1990-2015

15:47 Dossier

Vito Kapo: Nuk e dua dekoratën që m’u dha në fshehtësi, kjo që bëjnë PS e PD është absurde

10:25 Dossier

VIDEO E RRALLË/ Kur Nënë Tereza çonte lule tek varri i Enver Hoxhës

10:10 Dossier

Dështimi i Protektoratit Amerikan dhe i copëtimit të Shqipërisë

18:54 Dossier

Prane Fan Nolit te madh  në 50 vjetorin e vdekjes

18:01 Dossier

Nga Frank Sinatra tek Lucky Luciano: 10 spiunët e famshëm

10:26 Dossier