Përkeqësohen kushtet e motit/MPB: Ja masat që duhet të keni parasysh

Sot pritet të jetë një ditë e vërtetë dimri. Buletinet meterologjike parashikojnë një përkeqësim të ndjeshëm të motit, që do të shoqërohet me reshje dhe shtrëngata shiu me një intensitet të lartë, kryesisht në orët e pasdites.

Rajonet që parashikohet të preken nga përkeqësimi i motit janë Shkodër, Lezhë, Dibër, Tiranë, Elbasan, Gjirokastër dhe Vlorë ku në intervale kohore prej 2-3 orësh, do të ketë reshje shiu që mund të arrijnë në 30-40 mm.

Përveç rajoneve të përmendura, në lartësitë mbi 800 metra mbi nivelin e detit, pritet të ketë reshje bore gjithashtu të dendura.

Për këto arsye, Ministria e Punëve të Brendshme njofton çdo shtetas që t`u bindet lajmërimeve të strukturave të pushtetit vendor dhe qendror për të shmangur qarkullimet e panevojshme, si dhe të japin ndihmesën e tyre ndaj këtyre strukturave.

Përmes një njoftimi në media, Ministria e Brendshme u bën thirrje qytetarëve të minimizojnë lëvizjet e panevojshme, kurse prindërit të shoqërojnë fëmijët në shkolla, kopshte e çerdhe etj..

“Ministria e Punëve të Brendshme ka marrë masat e parashikuara për të tilla raste, duke ngritur Shtabet e Emergjencës në Prefektura e Bashki, për të vënë në gatishmëri të gjitha kapacitetet njerëzore e teknike operacionale që të reagojnë sipas situatës.

Janë marrë masat që të jenë të gatshme për veprim gjithë strukturat operacionale të Emergjencave Civile si: Policisë së Shtetit, Forcave të Armatosura, ARRSH etj.

Janë njoftuar të gjitha kompanitë që kanë detyrime kontraktore për mirëmbajtje dhe mirëfunksionimin e akseve rrugore kombëtare dhe rurale.

U është kërkuar bordeve të kullimit dhe strukturave të hidrovorëve, si dhe OSHEE-së, të qëndrojnë në gatishmëri për të minimizuar pasojat që mund të shkaktohen nga reshjet e dendura“, thuhet në njoftim.

FOTOT/ Berisha krah “ikonave” të gazetarisë së lirë, Fahri Balliu dhe Frrok Çupi

21:50 Sociale

Veliaj: Projekti i Unazës së Re zgjidh një nga nyjet kryesore të trafikut në Tiranë, vijojmë me shpronësimet

17:53 Sociale

Parkingu koncesionar/ Mazniku: Parkim pa pagesë vetëm për rezidentët

15:48 Sociale

Kirurgu i huaj kryen në Shqipëri dy operacione anti-tumor në tru me pacientët zgjuar

09:08 Sociale

INTERVISTA/ Flet Gerta Zaimi, eksperte e Lindjes së Mesme: Ç’është ISIS-i, ç`po ndodh në Siri dhe kush i çoi shqiptarët atje

20:21 Sociale

Problemet me borën dhe ngricat, ja si është situata në akset problematike

19:39 Sociale

Ndërpritet prodhimi i energjisë elektrike në Fierzë

16:19 Sociale

Bashkia e Tiranës dhe ajo e Veronës marrëveshje për grumbullimin dhe menaxhimin e mbetjeve

11:37 Sociale

Moti i keq, ja si është situata në gjithë vendin

10:36 Sociale

Progresiviteti alla shqiptarçe

09:58 Sociale