Te fundit
Arrestohet i dyshuari që ekzekutoi Fatmir Pulën në Krujë
4 Shkurt 2016, 10:14Kronika
TEMA
Arrestohet Elton Ceka, i cili akuzohet se është personi i cili ka qëlluar me automatik në drejtim të Fatmir Pulës mbrëmjen e 19 janarit 2016.
Policia e Durrësit deklaron se Ceka, i cili ishte shpallur në kërkim ka pranuar të dorëzohet pas negociatave të policisë.
Pesë të dyshuar të tjerë janë në pranga, të akuzuar për vrasjen e Fatmir Pulës.
Zbardhja e ngjarjes
Policia arrestoi ne daten 20 janar 5 autoret e dyshuar të krimit dhe ndërkohë u bë shpallja në kërkim e shtetasit Elton Ceka.
Konkretisht, u arrestuan shtetasit:
1.Admir Haka 32 vjeç, banues në fshatin Zezë, Krujë, i dënuar më parë për armëbajtje pa leje;
2.Herton Haka 18 vjeç, lindur në Zezë, Krujë;
3.Aleksander Haka 28 vjeç, banues në në fshatin Zezë, Krujë;
4-Hekuran Boci 23 vjeç, banues në fshatin Halil, Krujë;
5-Olti Metuku (Agron), banues në Kamëz, Tiranë.
Arrestimi i shtetasve të mësipërm u bë pasi, në bashkëpunim me shtetasin Elton Ceka, kishin vendosur grabitjen e shtetasit Fatmir Pula, ndërsa ky i fundit po kthehej nga lokali i tij që e kishte me qira në Kamëz, për në banesë, në fshatin Zezë, Krujë.
Mekanizmi i Ngjarjes.
Shtetasi, Olti Metuku e ka mbajtur nën vëshgim viktimën në momentin që ai ka dalë nga lokali dhe ka lajmëruar autorët e tjerë.
Shtetasi, Herton Haka (vëllai i Admir Hakës), ka qenë i fshehur në kthesën që të çonte në banesën e viktimës, nga fshati Nikel për në Zezë, dhe ka njoftuar dy autorët e tjerë që makina ku ndodhej viktima po vinte në drejtim të tyre.
Dy shtetasit e armatosur Elton Ceka (me armë zjarri automatik) dhe Admir Haka (me pushkë), i kanë bllokuar rrugën viktimës me thasë me shkarpa. Fatmir Pula nga gjetur vdekjen e menjëhershme pas goditjes me 4 plumba nga Elton Ceka.
Shtetasi Aleksandër Hakaj i ka furnizuar me fishekë autorët, i ka strehuar natën e krimit, dhe njëkohësisht ka mbajtur edhe armët e krimit, të cilat u sekuestruan në cilësinë e provave materiale:
– një armë zjarri automatik model 56 kalibër 7.62;
– një pushkë model 63;
– 4 copë fishekë luftarakë.
Lidhja e familjarëve me autorët
Shtetasit Admir dhe Herton Haka janë vëllezër dhe njëkohësisht komshinj me viktimën.
Shtetasi Aleksandër Haka është djali i xhaxhait të shtetasve të mësipërm.
Shtetasit Hekuran Boci dhe Olti Metuku janë kunetërit (burrat e motrave) të shtetasve Admir dhe Herton Hakës.
Materialet i kaluan Prokurorisë së Rrethit Gjyqësor Krujë për veprime të mëtejshme
1 komente në “Arrestohet i dyshuari që ekzekutoi Fatmir Pulën në Krujë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hajde-hajde, gjithe Shqiperia per ne burg. Kryehajdutet (pushtetaret & “deputetet”) dhe kryekriminelet (gjykatesit & mjeket) Jane jashte, pasi i bie te burgosin veteveten.
Thone pastaj, qe “diktatori” izoloi si ne burg Shqiperine. Pse shani “diktatorin”, se ~ 70% e popullsise per ne burg jane.