Te fundit
Sadiku, kandidat për lojtarin e muajit në Zvicër
2 Mars 2016, 16:19Sport
TEMA
Prestigjozja zvicerane Blick shpërblen Armando Sadikun për paraqitjet e tij të mira me fanellën e Vaduzit gjatë javëve të fundit. Sulmuesi shqiptar është përfshirë nga gazeta në fjalë në 5 kandidaturat për futbollistin më të mirë të muajit shkurt në Superligën zvicerane.
Blick e ka vendosur përkrah emrave të tillë si Michael Lang i Baselit, Danijel Aleksic i St Gallen, Theofanis Gekas i Sionit dhe Ridge Munsy i Thun-it. Me votat e deritanishme 24-vjecari nga Elbasani pozicionohet në vendin e 3-të pasi ka grumbulluar vetëm 15,7 % të tyre.
Pasi e harroi Sadikun pas paraqitjes fantastike që zhvilloi në ndeshjen e parë me fanellën e Vaduzit ndaj ish skuadrës së tij Luganos, Blick bëri prapakthehu duke e përfshirë bomberin shqiptar në 11-shen më të mirë në 2 raste gjatë tre javëve të fundit të kampionatit helvet. Gazeta zvicerane e argumenton përfshirjen e Sadikut në një ndër 5 lojtarët më të mirë të muajit Shkurt me këto fjalë:
“Armando Sadiku i transferuar nga Zyrihu te Vaduzi në formë huazimi gjatë merkatos së Janarit ka shkëlqyer në muajin e kaluar me skuadrën e tij të re”.
Blick më tej vijon:
“Sadiku golashënuesi më i mirë Zyrihut në dy fazat e para të kampionatit me 5 gola, në vetëm pak kohë është kthyer në lojtarin më të rëndësishëm të Vaduzit teksa me 3 gola dhe dy asiste në 4 ndeshjet e fundit, ka ndihmuar jashtëzakonisht ekipin nga Lihtenshtejni”.
Gazeta zvicerane e mbyll argumentimin e saj me fjalët:
Te FC Zyrihu tashmë po e qajnë largimin e sulmuesit shqiptar”.
Kjo për vetë faktin se Zyrihu po lufton për mbijetesë dhe në një moment të tillë ku gjetja e golit është kthyer në një problem, kjo skuadër do të kishte me të vërtetë nevojë për një lojtar si Armando Sadiku./ SS
2 komente në “Sadiku, kandidat për lojtarin e muajit në Zvicër”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po sikur nuk na donin zvicerianet, apo filloi prape dashuria…
BRRAVO SADIKU vazhdo keshtu europiani esht afer kemi nevoj per ty rrespekte.