Shtetet e Bashkuara të Amerikës kanë vendosur të investojnë miliona dollarë për të trajnuar policët e njësisë antikorrupsion të Byrosë Kombëtare të Hetimit. Ata do të trajnohen nga FBI. Lajmi është konfirmuar sot nga Ambasadori amerikan Donald Lu.
Ambasadori amerikan tha se një agjent i FBI do të vendoset në Tiranë dhe se Byroja Kombëtare e Hetimit duhet të miratohet bashkë me reformën në drejtësi duke i tërhequr vëmëndjen politikës të mos e përdorin reformen e byronë për përfitime politike.