Te fundit
Asambleja e PS, Rama: Referendumi, inkurajim për të ecur para!
23 Prill 2016, 10:36Politika
TEMA
Është mbledhur paraditen e sotme Asambleja Kombëtare e Partisë Socialiste. Në fjalimin e tij, kryetari Edi Rama ka vlerësuar se, me kongresin e mbajtur dhe më pas me referendumin për mandatin e tij PS ka hyrë në një proces demokratik që do t’i shërbejë në të ardhmen.
“Referendumi ishte një mjet i shkëlqyer demokratik, me një pjesëmarrje inkurajuese dhe motivuese. Ajo çka ka ndodhur në këtë periudhë të fundit është një motivacion jashtëzakonisht i fuqishëm për të ecur me vendosmëri përpara”, ka deklaruar Rama.
Sipas tij, “tani PS ka një mbështetje kaq të madhe e domethënëse dhe vullnet për t’u anëtarësuar në radhët e saj”.
“Procesi i anëtarësimeve të reja nuk ka përfunduar, por me mbajtjen e kësaj asambleje anëtarësimi do të shtrihet në të gjithë vendin”, ka thënë Rama.
Ai ka nënvizuar se, plani për ripërtëritjen rrënjësore të forumit rinor socialist ka tërhequr mbi 4 mijë të rinj e të reja, ndërsa ka bërë thirrje për më shumë angazhim për përfshirjen e emigrantëve në vendimmarrje.
Më tej Rama është shprehur se, pavarësisht këtyre arritjeve ka vend edhe për reflektim. “Në 25-vjetorin e PS duhet të bëjmë edhe një reflektin në retrospektivë, për të parë arritjet dhe dështimet”, ka vijuar Rama.
Në fund të fjalës së tij, shefi i qeverisë ka thënë se, në këto 3 vjet qeverisje është realizuar një numër rekord reformash. “Kemi bërë më shumë reforma se asnjëherë më parë, në një kohë të shkurtër. Reformën territoriale-administrative, reformën fiskale, etj”, ka thënë Rama, raporton TCH.
“Jemi partia që kemi çliruar nga barra e taksave 97 për qind të shqiptarëve. Sot planifikojmë një rritje ekonomike 3.4 për qind, por mjafton të jemi mbi treshin”, ka shtuar shefi i qeverisë, për ta vënë theksin më tej edhe tek reforma në arsim, ajo në shëndetësi, etj.
3 komente në “Asambleja e PS, Rama: Referendumi, inkurajim për të ecur para!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
po reformen ne drejtesi harroi ta permende??
Ju ,Arti,lexoje shikohe dhe nje here sa Rama tha cfare reformash ka bere,dhe sa per reformen ne drejtesi do e beje brenda ketij 15 diteshi
Mos e permend referenleshin se te beri Edvin Saliu. Ta corri masken Blushi aq sa edhe ata qe enderronin akoma jane zgjuar. Si ka mundesi qe shkon e voton si sekretar te pergjithshem nje njeri qe nuk i lejohet te shkoje ne amerike? apo voton ne Kryesi nje Deputet si Brace qe nuk e ka takuar asnje politikan europian qe merret me ekonomine. Voton nje Kryetar Bashkie Si ky Dako qe normalisht duhet te ishte ne Burg. Ti je kapur koke e kembe nuk solle asnje gje te re perserite gjithe te keqijat e Sales ne nje nivel maskaralliku me te larte.