Aeroporti Rinasit shitet zyrtarisht dhe ndërron emër

Grupi i shërbimeve financiare China Everbright me bazë në Hong Kong njoftoi zyrtarisht sot se ka nënshkruar marrëveshjen për blerjen e të drejtave koncesionare në Aeroportin Ndërkombëtar të Tiranës.

Ndërmarrja që do të marrë përsipër të drejtat e koncesionit është emërtuar, “Keen Dynamics Limited” dhe sipas marrëveshjes do t’i ushtrojë këto të drejta deri në vitin 2027, raporton Monitor.

China Everbright Limited është një kompani e shërbimeve financiare në menaxhimin e aseteve, investimeve direkte, ndërmjetësimit dhe bankingut investues në rajonin e Kinës, përfshirë dhe Hong Kongun. Kompania e saj mëmë është China Everbright Group, me pronësi shtetërore.

Aktualisht pronarët e Tirana international Airport janë: DEG-Deutsche investitions-und Entëicklungsgesellschaft mbH-31.7%; Albanian-American Enterprise Fund “AAEF”-21.3%; AviAlliance GmbH-47%.

Konsorciumi Tirana international Airport (dikur Tirana Airport Partners), në vitin 2004 nënshkroi një marrëveshje koncesionare 20 vjeçare me qeverinë shqiptare për projektimin, financimin, ndërtimin, kryerjen, funksionimin, menaxhimin dhe zhvillimin e Aeroportit Ndërkombetar “Nënë Tereza”, Tiranë.

Pak javë më parë, qeveria shqiptare arriti marrëveshje me Tirana international Airport për heqjen e eksluzivitetit të kësaj të fundit.

Sipas marrëveshjes së përbashkët, kompanisë Tirana international Airport i është dhënë menjëherë një zgjatje e Afatit të Koncesionit prej dy vitesh duke mundësuar kështu hapjen e Aeroportit të Kukësit për fluturimet ndërkombëtare. Kjo do të thotë se Afati i Koncensionit do të shtyhet deri më datë 2027.

Më tej, në rast të vënies në përdorim të një aeroporti tjetër apo aeroporteve të tjera, si Vlora ose Saranda, Afati i Koncesionit do të shtyhet me 0.5 vite të tjera për çdo vit operimi të këtyre aeroporteve jugore, siç thuhet në Ndryshimin e Marrëveshjes së Koncensioni.

170 mijë vende pune? 300 mijë në 4 vjet?

12:20 Ekonomia

Hetim shitjes së Bankers te kinezët

09:18 Ekonomia

Si do të ndikojë TAP në ekonominë shqiptare

12:52 Ekonomia

Shqipëria, treg i vogël, por me mundësi fantastike për investitorët

11:21 Ekonomia

Rinasi, ja vitet që shtyhet koncesioni, marrëveshja shkon në Kuvend

09:58 Ekonomia

Kushtetuesja rrëzon Nishanin, ligji për pronat mbetet në fuqi

17:53 Ekonomia

Ahmetaj: Ekonomia reale është më mirë sesa perceptimi për të

18:09 Ekonomia

Aeroporti i Kukësit, kompania hungareze Vizz Air në tratativa me qeverinë

18:12 Ekonomia

Kontratë e re me TAP, qeveria kërkon më shumë përfitime

15:57 Ekonomia

Rënie drastike e konsumit?

19:45 Ekonomia