Operatori i Shpërndarjes së Energjisë ka arkëtuar gjatë vitit të kaluar 12,2 miliardë lekë në formën e detyrimeve të prapambetura të energjisë, shumë kjo ekuivalente me 98 milionë dollarë.

Shifra është publikuar nga Enti Rregullator i Energjisë në një raport të posaçëm për Kuvendin, raporton Monitor.

Sipas të dhënave të Entit Rregullator në total OSSHE ka arkëtuar gjatë vitit që shkoi 60.7 miliardë lekë nga të cilat 48.4 miliardë lekë kanë qenë nga faturat e koherente të vitit 2015 dhe pjesa tjetër mbi 12.2 miliardë lekë detyrimet e prapambetura, të cilat zunë 19 për qind të arkëtimeve të OSSHE për vitin në fjalë.

Ne total numri i klientëve te furnizuar nga shoqëria “OSHEE” sh.a është rreth 1.2 milionë, nga të cilët rreth 1.04 milion janë familjar, 153 mijë privat dhe 11 mijë bëjnë pjesë në kategoritë buxhetore dhe jobuxhetore.

ERE vë në dukje se në lidhje me analizimin e shpenzimeve dhe “cash flow” u konstatua se gjendja ekonomiko financiare e shoqërisë OSHEE sh.a është përmirësuar. Ky përmirësim vjen kryesisht si rezultat i aksionit për arkëtimin e faturave korente dhe detyrimeve të prapambetura.

Për pasojë trendi i pagesave te kryera ndaj palëve të treta (kryesisht KESH sh.a dhe OST sh.a) është rritur krahasuar me të njëjtën periudhë të vitit 2014 si pasojë e rritjes së arkëtimeve nga ana e shoqërisë.

Operatori i Shpërndarjes së Energjisë Elektrike (OSHEE) konstaton një numër në rritje të abonentëve jo familjar/biznes që po bëhen pjesë e skemave lehtësuese të shlyerjes së borxheve të prapambetura. Që kur filloi zbatimi i skemës së re, janë 2097 subjekte biznesi që kanë firmosur aktmarrëveshjet me kompaninë. Prej tyre, 1459 biznese kanë përfituar reduktimin e vlerës së kamatë vonesës në masën 50% duke paguar plotësisht detyrimin e mbetur.

Ndërkaq, abonentët familjarë vazhdojnë të shfrytëzojnë mundësinë e futjes në skema të shlyerjes me këste të borxheve të prapambetura. Në një muaj janë firmosur 8025 aktmarrëveshje prej abonentëve familjarë.

1 komente në “2015, OSSHE grumbulloi 98 mln USD detyrime të prapambetura për 2007-2014”

Akili says:

26 Prill, 2016 11:19 te 11:19 am

Duhet te hiqet nga praktika falja ose pergjysmimi i detyrimeve perfshi kamatat pasi ne praktike e tille dekurajon paguesit e rregullt dhe inkurajon ata qe s’paguajne. Energjia dhe uji jane mall dhe si te tille duhet te paguhen. Per ata qe nuk paguajne detyrimet ka vetem nje rruge nderprejen e sherbimeve deri ne shlyerjen e qindarkes se fundit . Persa i perket familjeve ne nevoje shteti duhet te kete lehtesira te parashikuara. Biles duhet te perdoret edhe si forme shperblyese ulja ne nje perqindje te caktuar e paguesve te rregullt ndersa per ata qe s’paguajne rregullisht duhet tu rritet jo vetem kamatvonesa por edhe cmimi i energjise dhe ujit. Disiplinimi ne drejtim te pageses do coje si rezultat ne shendoshjen e situates ne Energjitike dhe Ujesjellesa dhe detyrimisht ne permiresimin e sherbimit.

Përgjigjjuni