Dalin shifrat e katërmujorit: Tejkalime në dogana dhe tatime, bien të ardhurat nga renta minerale dhe TVSH

Ministria e Financave ka publikuar treguesit fiskalë paraprakë për katërmujorin e parë të vitit 2016. Ministria thotë se të ardhurat nga “Tatime dhe Dogana” (përfshirë kontributet e mbledhura nga DPT) për 4 mujorin e vitit 2016 u realizuan në vlerën 113.8 miliardë lekë, që do të thotë 14.4 miliardë lekë më shumë se 4 mujori i vitit të kaluar ose 14.53%  dhe 3.1 miliardë lekë ose 2.81% më shumë se plani.

Të ardhurat nga taksa doganore janë realizuar në vlerën 1.7 miliardë lekë ose 5.16% më shumë se 4 mujori i vitit 2015 dhe me një performancë 1.66% mbi planin e periudhës.

Të ardhurat nga akciza janë realizuar në vlerën 11.9 miliardë lekë ose 12.92% më shumë se një vit më parë dhe 9.66% më shumë se plani. Kjo ka ardhur si rezultat i rritjes së sasisë së cigares së importuar me 189 ton ose +31.3% krahasuar me të njëjtën periudhë të vitit 2015, periudhë në të cilën ndikoi edhe krijimi i stokut në avancë nga kompanitë importuese për shkak të rritjes së akcizës.

Të ardhurat nga renta minerare janë realizuar në vlerën 749 milionë lekë, në reflektim të drejtpëdrejtë të efekteve të rënies drastike të çmimit të naftës bruto në tregun ndërkombëtar. Në kushtet që renta llogaritet si përqindje ndaj vlerës, rezultoi se megjithëse sasia e eksportit të naftës bruto u rrit me 131 mijë ton ose +62%, të ardhurat nga renta u ulën me 108 milionë lekë. Në 4 mujorin e vitit 2015 arkëtohej 3.31 lekë/kg, ndërsa në 4 mujorin e vitit 2016 arkëtohet 1.72 lekë/kg.

Të ardhurat nga TVSH-ja në import janë realizuar në vlerën 28.9 miliardë lekë, me një kontribut në të ardhura prej 5.24% më shumë se 4 mujori  i vitit 2015 dhe një realizim i planit në masën 99.22%. Ky rezultat është arritur megjithë uljen e çmimit të karburanteve dhe rënien kursit të këmbimit të USD.

Të ardhurat nga TVSH-ja brenda vendit janë realizuar në vlerën 11.5 miliardë lekë, 22.27% më shumë se 4 mujori i vitit 2015, dhe një realizim i planit të periudhës në masën 98.22%. Ky rezultat i TVSH-së neto vjen pas zbritjes së rimbursimit të kryer në këtë periudhë me rreth 2,6 miliardë lekë (niveli më i lartë në 6 vitet e fundit).

Të ardhurat nga tatimi mbi fitimin janë realizuar në vlerën 12.8 miliard lekë ose 24.67% më shumë se e njëjta periudhë e vitit të kaluar dhe 28.41% më shumë se plani. Ndikimin kryesor në këtë rezultat e ka patur rritja e ndërgjegjësimit të taksapaguesve për deklarimin real të transaksioneve në import dhe zinxhirin e shitjeve. Faktorë të tjerë përmendim fazen e dyte të planit të veprimit kundër informalitetit të orientuar drejt kontrolleve bazuar në analizën e riskut dhe në vazhdimesine e proceseve. Thjeshtëzimi i procedurave të deklarimit dhe instalimi i një komunikimi permanent me operatoret e biznesit po gjeneron permformance më të lartë.

Nga tatimi mbi të ardhurat personale janë realizuar 10.5 miliard lekë, çka do të thotë se kontributi i këtij zëri në të ardhura është 22.63% më shumë se 4 mujori i vitit 2015 dhe 0.62% më shumë se plani i periudhës. Edhe zëri “Taksat Kombëtare” paraqitet me një performancë pozitive duke realizuar 9.9 miliardë lekë, 22.75% më shumë se 4 mujori i vitit 2015, dhe një realizim i planit në masën 99.23%.

Të ardhurat nga sigurimet shoqërore dhe shëndetësore të administruara nga DPT janë realizuar në vlerën 25.5 miliardë lekë, 14.88% më shumë se 4 mujori i vitit 2015 dhe 2.94% më shumë se plani i periudhës.

OSHEE miraton 4 skemat e reja për bizneset debitore, shtyn afatet e pagesave

16:10 Ekonomia

Milva Ekonomi:  Qeveria në bisedime me investitorë strategjikë. Ja si do ulen çmimet e biletave!

22:48 Ekonomia

Nuk lëviz paga reale në shtet

14:56 Ekonomia

Tirana Airport ndan 15.5 milionë euro dividend; fitimi u rrit 31% në 2015-n

12:03 Ekonomia

Shqipëria dhe Serbia, të vetmet më rënie konsumi në rajon

09:36 Ekonomia

Banka e Shqipërisë, e vetmuar “në sulm”

09:46 Ekonomia

Koncesioni i ri në naftë, qeveria jep zonën C për një kompani kanadeze

15:53 Ekonomia

Qeveria frenon kompetencat e bashkive për të marrë borxh

09:25 Ekonomia

Kontrabanda e naftës shkatërron cilësinë e karburantit në treg

16:02 Ekonomia

Arben Ahmetaj: Banka e Shqipërisë rrëzon pretendimet e zeza të administratorit të PD

11:34 Ekonomia