Ajo po ecte rrugës kur në një moment hajduti i afrohet dhe pasi i tërheq me forcë varësen nga qafa largohet duke vrapuar.
Ngjarja është shënuar më 16 maj dhe kamerat e sigurisë kanë filmuar momentin duke ndihmuar dhe në identifikimin e autorit të dyshuar. Sot është bërë arrestimi i tij.
“Vladimir Loci 41 vjeç, banues në Tiranë, pasi: Më datë 16.05.2016, i ka marë nga qafa, me dhunë, varësen e floririt shtetases Z.K. 18 vjeçe, banuese në Krujë. Loci është person me preçedentë penalë të mëparshëm në fushën e veprave penale kundër jetës, pronës, lëndëve narkotike dhe kundërshtim punonjësit të policisë” informon policia.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Vjedhja me dhunë” parashikuar në nenin 139 të Kodit Penal.