Precedenti “Blushi” dhe e ardhmja e errët politike e Lulzim Bashës

Lulzim Basha deri më tani e ka marrë lehtë “qeverisjen” e Partisë Demokratike, pas në të gjitha rastet ai ka qënë nën tutelën e Berishës. Madje dhe në rast kur ka vepruar ndonjëherë me kokë të vet, duke ndërmarrë ndonjë nismë politike apo duke tentuar të përcjellë diçka ndryshe në këtë parti, në rastin e një dështimi të mundshëm, shumicën e kohës ka dështuar, justifikimin e kishte gati, dhe e besonin të gjithë: Këto janë punë të doktor Berishës, fjala e tij nuk kthehet.

Megjithatë refuzimi nga ana e demokratëve, zyrtarisht me gojën e kreut të tyre institucional Lulzim Basha, i votimit të Reformës në Drejtësi, një produkt i gjithi ndërkombëtar, e ka vështirësuar shumë situatën e Lulzim Bashës në raport me politikën, pasi në Shqipëri suksesi apo dështimi i një politikani dhe për më tepër një lideri varen nga sjellja e tyre ndaj partnerëve tanë strategjikë, në rastin konkret Shteteve të Bashkuara të Amerikës dhe Bashkimit Evropian.

Pikërisht për këtë refuzim, që solli dhe një reagim unikal dhe pa dorashka të SHBA dhe BE ndaj opozitës, tregon se ajo po kalon orët e saj më të vështira që prej kohës kur Lulzim Basha ka marrë kryesimin e saj tre vite më parë. Shigjetat për selinë e PD po vijnë njëra pas tjetrës. Uashingtoni deklaroi më së fundi si përgjegjëse për mosarritjen e marrëveshjes për reformën në drejtësi opozitën, sidomos pas zbardhjes së faktit se një natë para takimit i kishin bërë lëshime të tjera Bashës duke marrë dhe mendimin e kryeministrit Rama që rezultoi 100 përqind pozitiv.

Ndërkohë që Brukseli duket edhe më i ashpër dhe është futur në një konflikt verbal me selinë Blu. Të dy së bashku e kanë fshikulluar zvarritjen e gjatë të negociatave që u bëri dyshja Berisha –Basha dhe më në fund kanë vënë gishtin mbi “fajtorin” e vërtetë që nuk e pranoi draftin e ndërkombëtarëve. Ata madje e kanë hedhur mënjanë mantelin diplomatik duke theksuar se PD ndryshe nga qeveria, nuk u tregua fleksibël, se ata mbështesin idenë e Ramës për ta çuar draftin drejt kuvendit dhe i kanë dhënë një sinjal, të pathënë asnjëherë, deputetëve të opozitës, për të shkuar drejt votimit, në kundërshtim me vullnetin e liderëve të saj.

Kuotat e Lulzim Bashës në krye të PD dhe opozitës janë më të ultat për një kryetar opozite të paskomunizmit, ku jo vetëm po fajësohet për mungesë sinqeriteti, por po akuzohet edhe për pa burrërri. Madje dhe për mungesë korrektese në komunikimin konfidencial me partnerët ndërkombëtarë, karta më e fortë për një politikan karriere.

Basha, i urdhëruar nga mentori dhe kryetari i tij Sali Berisha filloi sulmin ndaj ndërkombëtarëve, SHBA dhe BE. Por sulmet ndaj tyre në mënyrë publike ka bërë gjithnjë Berisha, por ai personalisht nuk ka arritur kurrë deri atje sa të bëjë publike bisedat konfidenciale, aq më tepër të zbardhë komunikimin elektronik konfidencial apo komunikimin shkresor konfidencial me partnerët tanë, kryesisht SHBA dhe BE, siç bëri Basha që nëpërmjet Bylykbashit bëri publik komunimin konfidencial me e-mail me ambasadorin e SHBA Donald Lu.

Pavarësisht nga loja se kush ka nisur e-mailin e fundit, pavarësisht nga deklaratat se “po u plotësua dhe ky kusht ne votojmë”, ndërkombëtarët kanë dhënë verdiktin duke kaluar nga roli i një arbitri pasiv, në atë të një gjykatësi të angazhuar. Por kanë kaluar dhe në sulm ndaj kreut të PD Lulzim Basha dhe njeriut që fshihet pas tij, Sali Berisha. Dhe këtu nuk nënkuptohet se është thjeshtë një zhgënjim nga mungesa e burrërisë së Bashës, apo mungesa e lidershipit të tij për te vendosur në favor të reformës në drejtësi. Jo, s’bëhet fjalë.

Bëhet fjalë për humbjen e besimit të partnerëve ndërkombëtarë ndaj Lulzim Bashës në gjënë themelore: Nuk mund të shihet si partner dhe bashkëpunues një lider politik që pretendon të vijë në pushtet dhe të bëhet kryeministër i vendit, i cili ka zbardhur në mënyrë publike komunikimin konfidencial, qoftë elektronik apo shkresor qoftë dhe në mënyrë verbale apo me gojë, pra komunikimin konfidencial me partnerët më të ngushtë ndërkombëtarë dhe më konkretisht me ambasadorin e SHBA.

Biseda konfidenciale dhe me një mik nuk nxirret në pazar, pasi e humbet mikun, sado të ngushtë ta kesh. Konfindencialiteti dhe korrektësia është baza e një politikani, lidershpi për një marrëdhënie normale me pushtetin dhe partnerët. Berisha nuk e ka bërë asnjëherë këtë gjatë gjithë karrierës së tij, por detyroi Bashën ta bënte duke e djegur përfundimisht si politikan dhe njeri që aspiron marrjen e postit të kryeministrit pas një fitoreje të mundshme të së djathtës në Shqipëri, pavarësisht se do shkojë gjatë në kohë ardhja e kësaj dite.

Dikush mund ta ketë fshirë nga kujtesa, por është dhë një politikan tjetër i djegur përfundimisht në raport me bashkëpunimin me partnerët tanë ndërkombëtarë. Bëhet fjalë për deputetin rebel të PS Ben Blushi, i cili në kohën e qeverisjes së parë të socialistëve kur ishte zv.ministër i Punëve të Jashtme zbardhi bisedën konfidenciale të ish-sekretares amerikane të Shtetit Madalen Ollbrajt me zyrtarët e lartë shqiptarë, e cila u botua pa korrekturë në media.

Pavarësisht se nuk kishte akuzë zyrtare, aministrata amerikane ia mbajti “vëth në vesh” këtë ‘bëmë’ Blushit dhe prej asaj kohe nuk është bërë më në nivelet e larta të qeverisjes në diplomaci, pasi nuk konsiderohet më si një partner i besueshëm./ Pamfleti

Berisha, direktiva nga Berlini për Adriatik Llallën

19:21 Politika

VIDEO/ Nishani bën një video në zyrën e tij (nuk është erotike) dhe ka një ankesë që të lë pa fjalë

18:58 Politika

Nuk ka kthim pas, le të shkojë ku të dojë Luli e të sëmuret Saliu

18:36 Politika

Saimir Tahiri: Arjan Aliaj, qokë politike me policinë

18:32 Politika

Reforma në drejtësi shkon drejt një përballjeje

18:26 Politika

SHBA, Erdogan largohet “i tërbuar” nga varrimi i Muhammad Ali

18:18 Politika

Ambasadori rus në Tiranë: Rusia nuk ka ndërmend të sulmojë askënd

16:13 Politika

Bojaxhi shpall sot partinë e re, ja si do të quhet ajo

15:48 Politika

Ilir Meta fton Bashën në takim: Reforma në Drejtësi duhet të miratohet sipas parimeve të përcaktuara nga Komisioni i Venecias

14:51 Politika

Kreu i gjykatës së Apelit Hysni Demiraj liroi “dajon” e Berishës që vrau më 21 janar

12:42 Politika