Linja e interkonjeksionit Shqipëri-Kosovë. Rama: Tani bursën dhe tregun rajonal energjitik

Përfundon projekti “Linja e interkonjeksionit 400 kV Shqipëri-Kosovë”. Projekti është financuar nga banka Gjermane KFW. Për pjesën e Shqipërisë ka patur vlerën 29 milionë euro dhe është implementuar nga kompania kontraktore Energoinvest.

Për pjesën e Shqipërisë punimet për ndërtimin e linjës në terren kanë nisur në prill 2014 dhe përfunduan në qershor 2016. Linja e interkonjeksionit 400 kV Shqipëri – Kosovë ka një gjatësi totale 241.1 km, nga të cilat 151.1 km shtrihen në territorin e Shqipërisë dhe 90 km shtrihen në territorin e Kosovës.

Segmenti i parë i linjës nga Tirana në Vaun e Dejës me gjatësi 80 km përfshin shtrirjen e qarkut të dytë në linjën ekzistuese Tiranë-Podgoricë dhe Segmenti i dytë i linjës konsiston në ndërtimin e një linje të re me një qark Vau i Dejës-Morinë me gjatësi 71 km.

Linja e Interkonjeksionit 400 kV Shqipëri-Kosovë ka dy përcjellës për fazë të tipit ACSR 490/65 mm 2. Përcjellësi i mbrojtjes nga goditjet atmosferike do të jetë i pajisur në brendësi me fibra optike, për qëllime të telekomunikacionit dhe shkëmbimit të të dhënave.

“Është një ngjarje e shënuar në rrugën e integrimit të hapësirës sonë përmes një integrimi të gjithanshëm, duke filluar nga energjia e duke vazhduar në të gjithë sektorët. Kemi bërë shumë së bashku për të përafruar në çdo sektor qasjen tonë ligjore dhe administrative”, deklaroi kryeministri Edi Rama.

Kreu i qeverisë shtoi se “po krijojmë premisën themelore për një treg të përbashkët të energjisë”.

Ndërsa kryeministri kosovar Isa Mustafa u shpreh: “Ky projekt ka shumë rëndësi, është ekuivalent me “Rrugën e Kombit”. Përmbush zotimet tona për të krijuar një sistem të qëndrueshëm energjetik”.

Ndërsa ministri i Energjitikës, Damian Gjiknuri, deklaroi se “vitin e ardhshëm do të fillojë linja e interkonjeksionit me Maqedoninë”.

“Sektori energjetik po jep shenja që po kalon nga ringjallja në konsolidim”, tha Gjiknuri.

Linja e interkonjeksionit 400 kV Shqipëri – Kosovë ka një gjatësi totale 241.1 km, nga të cilat 151.1 km shtrihen në territorin e Shqipërisë dhe 90 km shtrihen në territorin e Kosovës. Segmenti i parë i parë i linjës nga Tirana në Vaun e Dejës me gjatësi 80 km përfshin shtrirjen e qarkut të dytë në linjën ekzistuese Tiranë-Podgoricë dhe Segmenti i dytë i linjës konsiston në ndërtimin e një linjeje të re me një qark Vau i Dejës-Morinë me gjatësi 71 km.

Linja e Interkonjeksionit 400 kV Shqipëri-Kosovë ka dy përcjellës për fazë të tipit ACSR 490/65 mm 2. Përcjellësi i mbrojtjes nga goditjet atmosferike do të jetë i pajisur në brendësi me fibra optike, për qëllime të telekomunikacionit dhe shkëmbimit të të dhënave.

Krijimi i bursës shqiptare të energjisë

Një fakt i ri i zbuluar nga kryeministri Edi Rama është edhe krijimi i bursës shqiptare të energjisë, ku Kosova dhe Shqipëria do të dalin së bashku në këtë bursë. Rama tha se Kosova është e para në rajon për pasurinë e linjitit, ndërsa Shqipëria për pasuritë hidro, çka bashkërendimi i projekteve do të sillte më shumë mirëqenie për qytetarët.

“Falënderoj parafolësin elegant që përfaqëson kompaninë e anës tjetër të kufirit për nënvizimin e objektivit tonë të krijimit të bursës shqiptare të energjisë elektrike. Ne e kemi filluar këtë proces.

Nuk është i lehtë, por vlen të nënvizohet se krijimi i kësaj burse shqiptare të energjisë elektrike do të na japë mundësinë që të operojmë në mënyrë të përbashkët burimet dhe rrjetin e energjisë. Kosova ka rezervat më të mëdha të linjitit në rajon, ndërsa Shqipëria ka rezervat më të mëdha të potencialit hidroenergjetik. Ajo që na ka dhënë Zoti ose natyra është e jashtëzakonshme në këtë aspekt.

Një pasuri që ne duhet të kemi vizionin e duhur për të sjellë një transformim epokal në funksion të rritjes ekonomike, duke e kthyer gjithë këtë pasuri në një pasuri që jo vetëm nuk shkon dëm, por përkundrazi prodhon mirëqenie.

Me këtë linjë ne krijojmë kushtet që jo vetëm të kemi mundësinë e një politike të përbashkët, por së bashku ne jemi shumë më të fuqishëm dhe të integruar në tregun evropian të energjisë.

Ne jemi pjesë e procesit të Berlinit dhe në samitin e Parisit është shumë e rëndësishme të prezantohemi me suksesin e këtij projekti dhe të ecim përpara për të çuar më tutje procesin ambicion për të krijuar tregun rajonal energjetik. Qeveria e Shqipërisë ka gjetur veshët e duhur”, tha Rama.

Ishte bllokuar nga Berisha, inaugurohet linja 400 kV e interkonjeksionit Shqipëri–Kosovë

10:04 Ekonomia

Konçesioni i Bulqizës, qeveria zgjat deri në 2041 kontratën me privatin

16:00 Ekonomia

Brexit, kanalet e infektimit nga mund të preket Shqipëria

09:08 Ekonomia

Nga veriu në jug, ja çmimet në bregdetin shqiptar

12:10 Ekonomia

Pensionet/ Ja kategoritë që përfituan rritje dhe kur marrin paratë

10:08 Ekonomia

Brexit / Bursat në pikiatë, fundoset stërlina, e “pëson” edhe Euro

17:44 Ekonomia

Edhe ne paguajmë “Brexit”

16:23 Ekonomia

Shell në Shqipëri, Rama: Mesazh i qartë për investitorët e huaj

11:20 Ekonomia

Fidanët e brishtë të projektit për rehabilitimin e Lurës përndiqen nga akuza

16:44 Ekonomia

Ahmetaj- bankave: Beni më shumë për të kredituar ekonominë

12:06 Ekonomia