Dalin përgjimet e zv/drejtorit të burgjeve: Po nuk erdhe sot, mos hajde më

Zëvendësdrejtori i Përgjithshëm i Burgjeve, Iljaz Labi, i arrestuar me kërkesë të prokurorisë dhe vendim të gjykatës së Tiranës, kishte ngritur një skemë të mirëfilltë korruptive.

E gjithë kjo skemë vërtitej rreth tenderave për ushqimin e të burgosurve në mbarë vendin.

Prokuroria thotë se ai kryente gara fiktive mes disa kompanive, me të cilat binte dakord paraprakisht se kush do të ishte fituesi i tenderit të radhës.

Duket se ishte përcaktuar edhe një radhë që ndiqej për të shpallur kompanitë fituese njëra pas tjetrës.

Për çdo tender të kryer, prokuroria thotë se zëvendësdrejtori i burgjeve Iljaz Labi merrte 2 milionë lekë të reja.

Prokuroria pretendon se ka siguruar prova të mjaftueshme për të dënuar Iljaz Labin për korrupsion pasiv.

Pjesë e provave janë edhe përgjimet telefonike e ambientale.

Në një nga përgjimet, Labi komunikon me njërin nga biznesmenët, Shemsi Sinanin që administron kompaninë “M.B. Kurti” dhe që do të furnizonte me ushqim një nga burgjet, ndonëse nuk ishte shpallur fitues i tenderit.

“Po nuk erdhe sot, mos hajde fare. Nuk të dua fare, po s’erdhe sot”, i thotë Labi atij në telefon.

Veç Iljaz Labit prokuroria arrestoi edhe Shemsi Sinanin, Elidjan Laskajn – administrator i shoqërisë “Dogel”, Ylber Kalajën – administrator i shoqërisë “Vllaznia” dhe Nexhmi Balla – administrator i shoqërisë “Nelsa”.

Përgjimi i parë 6 ditë përpara lidhjes së kontratës

Më datë 25.05.2016 ora 10.22.06, shtetasi Iljaz Labin zëvendësdrejtori i Përgjithshëm i Burgjeve komunikon me shtetasin Shemsi Sinani, një nga biznesmenët e arrestuar. Iljazi e pyet: “Shemsi, po sa duhet me të taku ty o burre i dheut, 1 vite”. Shemsiu i përgjigjet se kishte qenë nga Jugu dhe nuk kishte patur mundësi të shkonte ta takonte. Iljazi i thotë përsëri: “ Robi thotë nuk vijë dhe nuk vijë… Po të kam bërë njëzet mesazhe o burrë..” Shemsiu i thotë se do shkonte atë ditë. Iljazi i thotë: “ … Po nuk erdhe sotë, mos ajde fare, nuk teë dua fare, po serdhe sotë.. Shemsiu i thotë se do shkonte patjetër.

Përgjimi i dytë pas fitimit të tenderit të ushqimeve

Më datë 3.6.2016 ora 14.26.05, shtetasi Ylber Kalaja, një nga biznesmenët e arrestuar komunikon me shtetasin Shemsi Sinani, gjithashtu i arrestuar. Ylberi i thotë Shemsiut: “Eee, po shko takoje një ccikë atë dyshin atje o burrë, atje se më çmendi me mesazhe. I thashë se i kam thenë Shemes të vijë të takojë, ka një jave, ska ardhur akoma i thashë unë…. I kam then Shemes, me ardhe me të taku..”. Shemsiu i thotë se kishte vajtur dy here dhe nuk e kishte gjetur. Ylberi i thotë përseri: “… Po shko mbaroje atë punë tani o burrë i dheut…”.

Shemsiu e pyet: Po 1 apo?. Ylberi i thotë: “ …Po 2, o burrë tani, se sjemi kalamaje, se s’dihet si merr puna o burre i dheut, te mbajme ekuliber o burre i dheut, po hajde e ulem nje cike ate, le te ulet o burre i dheut, se car do bejme me keto te tjerat a e kupton. A me kupton… Ne kemi mbajte ekuliber gjithe keto kohe, tani ta dhj… ne funde fare, kot. Me kupton?

Shemsiu i thotë: Mire po, spo na ngelet gje , e kupton. Tani po them une sic thoshe ti, tani ti spo thuaj gje…

Ylberi i thotë përsëri : “…b kemi bere vete kete menyre, a e kupton dhe ne sdo ta dhjesim tani ne funde fare, kote, a e kupton”. Shemsiu bie dakord.

LETRA/ Deputeti i PS shfryn ndaj Ramës: Të kam nisur aq letra sa ke thënë: “Na çau tr*pin ky lo*ja”

20:47 Politika

Kreu i PD-së së Vlorës shpërthen ndaj Bashës: Na keni shfrytëzuar dhe vjedhur, dhe tani na flakni në rrugë

20:26 Politika

Viktoria Nulandi dha shah- matin amerikan kundrejt Saliut

19:44 Politika

"Tani Lulzim Basha është cullak, nuk ka më justifikime”

18:35 Politika

25-vjetori, Rama fton Bashën në festë

18:22 Politika

Për çfarë gëzohen njerëzit e PD-së, që thërrasin “fitore”?

16:43 Politika

Skandali 150 mijë eurosh, Prokuroria e zhurmon me Saimir Tahirin

16:25 Politika

Andi Bushati: Nuk është turp të jesh antiamerikan

16:18 Politika

Rama për reformën: Vijat e kuqe jo nga peneli im, por nga SHBA dhe BE!

15:39 Politika

FOTOT/ “Krahëçelikët” e PD-së, Arben Ristani e Gent Strazimiri

11:05 Politika