Te fundit
Lëviz shqiptar se nuk bëhet drejtësi nga divani!
17 Korrik 2016, 18:20Blog
TEMA
… as politikë, as demokraci, as ekonomi, as…, as…, kushedi sa bëhet vargu i as-ava, ndoshta edhe më i gjatë se vargu i ankesave tona për gjërat që s’shkojnë në këtë atdheun tonë fajtor. Me siguri po mendoni nga na doli kjo atdhe fajtor? Po pra atdhe emër abstrakt, faji trajtohet pothuajse gjithmonë nga divani dhe në fund rezulton kopil, atëherë cfarë nuk shkon me atdhe fajtor?
A nuk jemi ne që kushedi sa herë e kemi menduar si na ra për hise të lindim në këtë vend?! Jemi pra. Pranojeni! Ajo që kam kuriozitet të di unë është a e ka menduar ndonjëherë kush, si i ra ai për hise këtij atdhe? E di që ngjan paradoksale, por kjo mbart brenda një të vërtetë të pamohueshme që vetëm kush ka kurajon ta pranojë e dallon… Dallon mungesen e frikshme të sensit të komunitetit (senso civico, sense of community) tek qytetari shqiptar.
Për tu quajtur qytetarë i një vendi nuk është e nevojshme, por as e mjaftueshme ta kesh shtëpinë në gradaçela, duhet pikësëpari të jesh pjesë e një komuniteti që gëzon të drejta, por ka dhe detyrime, te negociuara nga shumica dhe të respektuara nga të gjithë.
Sa prej nesh mendojnë qoftë dhe 5 minuta në ditë për detyrimet që i lindin atyre si qytetarë të një vendi, kundrejt orëve që shqetësohen e diskutojnë për të drejtat e mohuara. Eh pra duke u munduar secili në maksimum për të drejtat e veta, ndërkohë që i shmanget me të njëjtin vullnet detyrimeve, s’ka si të bëhet drejtësi.
Në botë ka marrëdhënje, marrje dhe dhënje, nëse të gjithë do suleshin për të marrë, do përfundonin duke ia marrë njëri tjetrit. Në finale do fitonin më të fortët dhe askush s’do kishte ca tu thoshte sepse e gjithë shoqëria është e ndërtuar dhe funksionon mbi këto parime. Më të dobtët maksimumi do ankoheshin me njëri tjetrin, do shanin do shfrynin, por jo se janë parimisht kundra, thjeshtë ngaqë nuk ia dalin edhe vetë të bëjnë si të tjerët. Nga ana tjetër më të fortët do bënin ç’është e mundur për të ruajtur sa më gjatë pozitat dominuese, duke gënjyer, shtypur, pse jo dhe duke vrarë. Kuptohet që në ambjente të këtilla nuk ekziston frika e ndëshkimit sepse mungon drejtësia në thelb. Pra nuk ka një shembull pozitiv të prodhuar në atë shoqëri me të cilin të bëhej krahasimi për të marrë vendimin e drejtë.
Të vetmet vendime ndëshkuese që prevalojnë në një klimë të tillë, janë ato të njëanshme, nga një palë kundër tjetrës, për të mbrojtur interesa të caktuara klanesh apo individësh me pushtet. A nuk i ngjan kjo fiks panoramës sociale shqiptare?!
Bota e civilizuar, por edhe ajo më pak e civilizuar, ka shekuj që ka dalë nga ky sistem primitiv, adekuat për qënie të një rendi shoqëror më të ulët, si fjala bie, hienat, ku përzgjedhja natyrale mbështet më të fortët brenda llojit, ndërsa të tjerët janë të destinuar të vdesin urie, ftohti etj.
Njerëzit, ngado nëpër botë, i ka ndihmuar logjika të kuptojnë se jeta dhe puna në komunitet është më frytdhënëse, më e qetë, dhe krahas përmbushjes së ekzigjencave për mbijetesë, ofron mundësi të tjera për vetëpërmbushje që e ndajnë njeriun nga kafsha. Kështu avash avash janë krijuar qytetet, shtetet, kontinentet pse jo dhe një glob i së nesërmes me demokraci të njehsuar.
Por e gjitha kjo, për sado avash, do të ishte e pamundur nëse shumica e qytetarëve të botës nuk do kishin sensin komunitar, ashtu siç, fatkeqësisht, nuk e kemi ne. Arsyet pse nuk e kemi mund të jenë të shumta; ndoshta për faktin se i kemi përkitur për shumë kohë një perandorie që e luftonte në thelb ndjenjën komunitare, sic ishte bizanti i cili mbahet dhe si perandoria më jetëgjatë e gjitha kohërave dhe ne kemi qenë pjesë integrale e saj nga fillimi deri në fund, apo për shkak të pushtuesve të shumtë që përveç shtypjes na kanë fragmenterizuar në nën/kultura, etni etj duke shërbyer shumë shpesh si barut kundër njëri tjetrit, apo thjesht se ne e kemi prirje gjenetike të mos e kemi këtë sens. Gjithsesi kjo ngelet një casus i të ardhmes, por për momentin fakt mbetet se duke mos disponuar sens e komunitetit, e kemi patur shumë më të vështirë, për të mos thënë të pamundur që të realizojmë drejtësi me forcat tona dhe të ngrejmë institucione të pavarura që garantojnë paanësinë. Ky përfundim s’do shumë mend duke parë dhe rezultatet e këtyre 25 vjetëve të fundit.
Por pavarësisht gjithave jemi me fat. Jemi në Europë. Dikujt tjetër i ka rënë në mend për ne, pavarësisht se jam e bindur që s’është rastësore. Edhe ne kohët e fundit kemi nisur të prezantohemi ndryshe në sytë e botës dhe këtu se kam për zhvillimin e paparë brenda vendit sa për pozicionin dhe aksionin politik të jashtëm që së fundmi kemi ndërrmarrë, dhe kaq se s’dua ta politizoj, por sot ne jemi më pranë se kurrë momentit historik që mund të shënojë kthesën tonë të madhe dhe s’po flitet më të shkojmë ne dyerve të botës ta kërkojmë fatin, janë të huajt që kanë ardhur të na mbështesin brenda. Po pra, ata që kanë ndërtuar të gjithë atë botë moderne me infrastrukturë ligjore e ekonomike në shoqëritë e tyrë të lira e që për një pjesë të mirë të shqiptarëve ka kushtuar më shumë se gjaku njehsimi me atë ëndërr po kërkojnë t’na mbështesin edhe ne që të bëhemi si ata. Ata kanë shumë eksperiencë në menaxhimin e shoqërive sepse bëhet fjalë për kultura me demokraci funksionale dhe shtet të së drejtës të forcuar në shekuj.
Ata e dinë se shtylla kurrizore e një shoqërie është një sistem drejtësie i mirëfilltë, i paanshëm dhe garant i funksionimit të institucioneve të pavarura.
Paanshmërinë e sistemit të drejtësise, por jo vetëm, është në gjendje ta garantojë vetëm një monitorim i mirë dhe ai vetë i paanshëm, që në rastin tonë kemi fatin t’na e ofrojnë vetë përfaqësuesit e këtyre vendeve të zhvilluara..
Me pak fjalë të jenë ata qe do monitorojnë gjykatësit, prokurorët tanë si i kanë fituar lekët, sa mund kanë derdhur për këtë, si i kanë dhënë ato vendime, nëse duhet të vazhdojnë t’i japin, si do i japin për mua, ty, … shqiptarët. E ku ka më mirë se kaq! Do të thotë që nesër dikush të tjetërson pronën, apo të dhunon,të heq nga puna padrejtësisht, apo .. apo.. dhe ti të mund t’i drejtohesh gjykatës dhe të fitosh të drejtën tënde sepse gjykatësi nuk guxon të veprojë ndryshe se ka një komision mbi kokë ku ti mund të ankohesh për vendimet e padrejta dhe ai humbet menjëherë vendin e punës sepse në sistemin e drejtësisë është gjithcka lehtësisht e verifikueshme, mjaft që të ketë vullnet për këtë. Si thoni ju bëhet apo s’bëhet shtet pastaj?! Por për të realizuar gjithë këtë duhet reforma sepse vetëm reforma lejon me kushtetutë që këto komisione të monitorimit me të huaj të ngrihen. Dhe kush thoni ju i bëhet pengesë kësaj pune? Ata që duan drejtësinë ta zbatojnë apo ta përdorin?!
Fshati që duket nuk do kallauz, thotë një fjalë e vjetër. Por problemi real tashmë qëndron diku tjetër, kush e ka në dorë këtë reformë dhe kjo po që ka nevojë për kallauz.
Nje grup llafazanësh, me pushtet politik e ekonomik kanë filluar ta trajtojnë reformën si genocid, me qëllimin e vetëm që të mos lejojnë ndërkombëtarët të futen në “punët” e brendshme të shqiptarëve. Në fakt reforma s’i ka hic ata në qendër. Ka funksionalitetin e së drejtës në këtë vend që nesër t’i shërbejë dhe atyre vetë apo fëmijve të tyre pasnesër, sepse ngritja nuk mund të vazhdojë përjetë, edhe xhungla njeh uljet e ngritjet e veta ciklike.
Prandaj unë propozoj që në këtë pikë ti shqiptar ta lësh divanin, politikën e madhe para gotës së rakisë, lër edhe politikën e vogël që përdor për t’i kërkuar lekë vëllait emigrant, lëri të gjitha për momentin me telenovela, skedina, pazarllëqe e ofshama dhe vrapo t’i dalësh zot vehtes se kësaj rradhe janë duke të hyrë në hak pernjimend!
21 komente në “Lëviz shqiptar se nuk bëhet drejtësi nga divani!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po po levizim ne, vetem se kemi frike mos hame ndonje koqe plumbi si ne 21 janar!!! Na coni llaf kur ti kapni fajtoret, se helbete sapo festuat 3 vjetorin e ardhjes ne pushtet! Langaraqe! Apo i dini akoma budallenj njerezit?
Ketu ne Vjene, ku jetoj, ketu ne kete parajse te qytetrimit, cdo dite e ndjej vehten te huaj.Te huaj sepse nuk eshte vendi im, atdheu im. Atdheu im eshte atje ku jeni ju, ku sundon padrejtesia , korrupsioni, por ku paska edhe njerez si z. Bazhdari qe me japin shprese se nje dite do te kthehem te jetoj i lumtur prane jush. Respakte.
I nderuar Nord.al rri në Austri në vendin ku lindi Hitler dhe jeto me shpresë se një ditë do të kthehesh. Iku Hitler dhe sot Austria është parajsë. Ndërsa ne sot jetojmë në Shqiptari (Shqipëri dhe Kosovë) ku jemi të “udhëhequr” nga politikajt më të paskrupull në botë. Gabova. Vetëm udhëheqësit e ISIS mund t’jenë para tyre. Pra pa ikë këta bastarda s’mund të keshë kthim. Ndërsa për ju Znj. Keti Bazhdari një këshillë shoqërore, këtë kërkesë adresoje në vjeshtë pas pushimeve verore dhe pas përfundimit të korrjeve të Canabis-sit.
Nord mos prit por vrapo se jane hapur vende pune ne dogane por SE pari behu anetar I PS. Nuk Te kuptoj ti ndihesh I huaj ne Vjene (ku jane miliona qe enderojne per nje weekend) dhe shqiptaret ndihen te humbur, poshteruar ne shqiperi dhe 200000 vetja aplikuan per green card. Endero se endrat nuk Kane nevoje per viza dhe fee. Lufto te behesh Vjenez dhe Shko ne vatan per 1 jave pushime jo me shume.
Presim të dilet me një Thirrje të hapur për grumbullim aktiv paqësor të masave para Kuvendit ditën e Enjte më 21 Korrik. Lypset punë e organizuar dhe me parrulla si “Votoni! Votoni! Votoni!” ose “Asnjë deputet të mos dalë jasht Parlamentit pa votuar pro Reformës!” etj. Provat gjenerale të bëhen të mërkurrën në bulevard. Ta tregojmë veten së paku një herë në jetë.
Respekte Z.Keti Pervec se jeni nje Zonje e bukur dhe nje intelektuale per te pasur zili ,duke i trajtuar problemet me nje zgjuaresi te vecant, jeni nje ze mjafte i fuqishem . Ze qe do te donim qe mos te ishte i vetem ne radhet e PS ,fatkeqesisht keta zera jane te rralle ne PS.Respekte nga Canadaja e larget.
Respekte Z.Keti Pervec se jeni nje Zonje e bukur dhe nje intelektuale per te pasur zili ,duke i trajtuar problemet me nje zgjuaresi te vecant, jeni nje ze mjafte i fuqishem . Ze qe do te donim qe mos te ishte i vetem ne radhet e PS ,fatkeqesisht keta zera jane te rralle ne PS PERSHENDETJE nga Canadaja e larget.
O AKREP O HAJVAN AJO ESHTE 120 KG DHE VJEN ERA PORDHE . ESHTE FIKS SI RAMA NE PARIS QEMOTI.
Hanem !
Cin ti ben keto shkrime. se vallahi dua te benje ene un 2 kendime te vockla
Besoj 50 euro copa, se ne natyre nuk di sa bejne, vallahi
ju pyesni: Kush e ka ne dore kete reforme?
Pergjigja ime eshte e thjeshte:Deputetet e Parlamentit Shqiptar !Vertete deri ketu kane ardhur si ushtare te rekrutuar nga partite,por sot ndryshon puna.Per hire te interesave madhore te popullit,ata duhet te dalin nga rreshti,te mos binden e te mos pyesin per partite,por ti binden ndergjegjes se tyre dhe te votojne kete reforme historike per fatet tona e femijve tane,ne vecanti.
Keshtu,ato qe do te “mbyllen” le te mbyllen e kurre mos dalshin.Ata kurre nuke e kane dashur e nuk kane per ta dashur popullin e vendin.
Eshte i dyti apo i treti shkrim qe i lexoj kesaj vajze (te me fali se nuk e di ne eshte familjare) qe shikoj nje mendim te kthjellet dhe shume te sinqerte. E pergezoj nga kjo distance e larget dhe uroj qe sa me shume djem dhe vajza si kjo te marrin ne dore fatet e atdheut qe ju larguam nga gjiri tij dhe te theme te drejten ndihem i pikelluar pavaresisht nevojave ekonomike qe i plotesoj ketu. Si duket, njerezit lindin me karakterin e tyre dhe kush eshte i zoiti e zhvillon ne interes te tij dhe shoqerise. Bravo e madhe Keti! Pa stabilitet te mendimit, s’ka stabilitet te jetes.
SA BUKUR SHKRUAN KEJO ZONJE,GJITHMONE ARTIKUJT E SAJ KANE DIÇKA TE VEÇANTE,TE HOLLE,FISNIKE,DIDAKTIKE,FRYMEZUESE,ARSYETIME QE TE GRISHIN PER REFLEKTIM NGA KUSHDO QOFTE,POLITIKAN,NEPUNES,DREJTUES,QYTETAR,NXENES,STUDENT.ARTIKUJT E KESAJ ZONJE DUHET TE REKOMANDOHEN PER STUDIM DHE REFLEKTIM NE TE GJITHA SHKOLLAT DHE FAKULTETET,PERVEÇSE DUHET TE NDERGJEGJESOJNE ÇDO SHQIPTAR PER TE QENE PROAKTIV NE REALITETIN E SOTEM,SEPSE ME PJESEMARRJEN E TYRE REALE MUND TE NDIHMOJNE KOMBIN E TYRE QE PRET SINQERISHT NJE SHTYSE DREJT KAPERXIMIT MORAL TE SAJ.
Ke te drejte .Nuk reagojme fare.Po si nuk reaguam kur nje bashkeqytetar i joni vret veten ne qeli se nuk ka paguar 5000 l energji kur me dhjetra pasanike te pushtetit nuk paguajne asgje.!!!.Reforme quhej dhe ajo ne energji dhe e paguan vetem te varferit.Pash Zotin ,kaq per budallenj na marrin.Keti reformistja!?!?! Mezi po pres prononcimin e Jolezes ,ndoshta Keti e zbret ne vend te dyte.
Keti, je shume atraktive dhe interesante ishe ne ndonje shkrim te fillimit. Fansat e tu jane te pa kursyer ne lavderimet qe te bejne prej simpatise. Por keto lavderime me shumice po te demtojne dhe po te nxisin qe te shkruash me shpesh. kjo te sjell ne mend Liljana Hoxhen me artikujt e saj mbi nexhmije Hoxhen. Prandaj e dashur Keti gjella me krype e krypa me kara. suksese.
Po Fatlum do ta kem parasysh ?
Bravo. ….me se e vertete….vetem se nuk kemi as divan. ..tani fleme ne dysheme te kalbur. ….dihet gjendja e shqiptar it. …ha sa te jetoje. ..jo rron per te ngrene. …por me 21 do hane Mut.
Sa fatlume dote ishim, sikur te kishim disa Keti Bozhdari, i bashkohem mendimit te nje komentusi , qe diten e Enjte, do apo zdo sali berisha, meta, luli, te votojne varjantin qe propozojne SHBA, BE. SHqiptaret kane 25 vjet qe kerkojne , qe SHQIPERIA te behet si Evropa dhe per kete aspirate, kemi patur krahe dhe mbeshtetjen e pakursyer te SHBA, ne kohe edhe ne keto momente, kure drejtesia e kooruptuar e ka penguar dmokracine, shtetin ligjor dhe prosperitetin e vendit tone , perseri, na ardhi ne ndihme SHBA, BE, per te pastruar drejtesine nga te kooruptuarit, si ne drejtesi, ish pushtetare te niveleve te ndryshme, qe nga sali berisha, ilir meta e kushdo qofte i majte e djathte qe ka shkelur ligjet, ka abuzuar me pushtetin dhe ka demtuar mirqenjen e shqiptareve. Kete misjon , mundet ta krye vetem nje drejtesi e rreformuar. Qytetaret tane duhet ta kuptojne mire kerkesen e SHBA, BE dhe diten e Enjte te bllokojne parlamentin dhe te kerkojne miratimin e rreformes, sipas varjantit te SHBA, BE, jo, ate te Saliut, lulit, dhe Metes, sepse eshte fatkeqei kombetare.O tani, o kure, mbase 21 Korikut eshte vone dhe do kete pasoja te pariparushme, per qytetaret shqiptare dhe te ardhmen e vendit tone.
Po ju lexoj me vemendje dhe keni sensin e sensibiliteti t bashkekohor qe ne Ta kuptojme drejte dhe qarte qe eshte koha Te mari njehere e mire fund tallja car I bejne ketij populli. Z. Keti respekte dhe admirim per ju per qartesine dhe zerin tuaj si politikane qe ai vend aq shume ka nevoje.
Mbeshteje per organizimin e njerezve perpara kuvendit dhe te mos levizet deri sa ata te mos lejohen te dalin nga kuvendi pa votuar reformen
Te enjten ne oren 10.00 te mblidhet populli sic doli ne Dhjetor per permbysjen e diktatures.A jemi te zote ta bejme perseri kete?
Domosdoshmerisht duhet,perndryshe jemi te mbaruar si popull.
Pse nuk ngrihen organizatat sic u ngriten per pallatin te liqeni,lodrat,mosimportimin e plehrave.per te drejatt e LGBT-se etj,etj etj.Ku jane organizatoret e shoqersie civile??!!Na rrofshin ekranet e televizioneve ku dalin dhe japim leksione por pa i zbatuar vet si puna e prifitit.
Uuuu, maj Naçe!
Po a nuk e ke n’men me i dhuru prape do breke e xhinsa per ikyt rreform, aa?