Te fundit
Bushati i shpreh ngushëllimet zv/ kryeministrit maqedonas: Shqipëria në gatishmëri për t’u ndihmuar
7 Gusht 2016, 16:07Politika
TEMA
Ministri i Jashtëm Ditmir Bushati ka folur me zv/kryeministrin maqedonas duke i shprehur ngushëllimet për humbjet e rënda shkaktuar nga përmbytjet e shiut.
Bushati shprehu gatishmëri për të ndihmuar me çfarë të jetë e mundur qeverinë maqedonase për tejkalimin e kësaj situara.
Reagimi i MPJ:
“Ministria e Punëve të Jashtme ka ndjekur me vëmendje dhe shqetësim situatën e krijuar në Maqedoni, si pasojë e reshjeve të pazakonta, që përmbytën mbrëmjen e djeshme Shkupin dhe Tetovën, duke shkaktuar një numër viktimash dhe dëme të mëdha materiale.
Ministri Bushati ka biseduar sot me zëvëndës Kryeministrin dhe Ministrin e Jashtëm Nikola Poposki, zëvëndës Kryeministrin dhe Ministrin e Integrimit Arbër Ademi, si dhe me Kryetaren e Komunës së Tetovës Teuta Arifi.
Në emër të qeverisë dhe Kryeministrit Edi Rama, Ministri Bushati shprehu ngushëllimet më të ndjera për familjet e viktimave dhe përcolli solidaritetin e Shqipërisë në këto momente të vështira.
“Shprehim gadishmërinë e plotë për të mbështetur autoritetet qendrore dhe vendore të Maqedonisë për tejkalimin e kësaj situate të rëndë humanitare”, theksoi Ministri Bushati.
Lini një Përgjigje
Më të lexuarat
24 oret e fundit
Javen e fundit
Blog Tema
