Te fundit
Rivalët politikë të 11 shtatorit në Dibër, Shehu e Rama, rezultojnë.... krushq!
18 Gusht 2016, 10:22Politika
TEMA
Zgjedhjet e pjesshme të 11 shtatorit për Bashkinë e Dibrës, kanë nxjerrë në pah një realitet tipik shqiptar, e specifikisht dibran, atë që rivalët politikë konçidojnë të kenë edhe lidhje familjare me njëri-tjetrin.
Ndaj, siç po ndodh këto ditë të para të fushatës elektorale të shtabeve përkatëse, e siç pritet të ndodh deri më 10 shtator, askush nuk do e artikulojë për keq emrin e shoqi-shoqit.
Madje nga burime brenda stafit të kandidatit demokrat Sherefedin Shehu, mësohet që nga ky i fundit të jetë dhënë porosia që në fjalorin elektoral, emri i Muharrem Ramës, ndryshe doktor Rremës, të mos përmendet, aq më pak për keq.
Përjashtim bën – dhe do të bëjë, sigurisht – vetëm “Doktori blu” i Tiranës, tek i cili kjo normë etike nuk ekziston.
Një ditë më parë, Berisha akuzoi kandidatin socialist, Muharrem Rama si i implikuar me trafik droge në Zvicër, por fakt është se në Zvicër, gjatë viteve të para ’90, nuk ka qenë kirurgu i njohur i spitalit të Peshkopisë, por dy vëllezërit e tij, Nexhati dhe Nehati, tipologjia dhe skeda qytetare e të cilëve nuk ka asnjë lidhje me drogën si lëndë apo me trafikun e drogës si aktivitet kriminal.
Po pse kjo paqe dhe kjo vetëpërmbajtje etike mes dy rivalëve, përgjatë një fushatë me peshë të madhe politike?!
Mos vallë thjesht nga të qënit dibranë nga ata të sojit, që dijnë të sillen si burra fisnikë edhe kur janë kundërshtarë?!
Mund të jetë dhe kjo, pasi si Rama e si Shehu kanë një performancë individuale ta panjollë në jetën shoqërore, por është dhe një fakt tjetër: ata kanë dhe një lidhje krushqie mes njëri-tjetrit, raporton Tesheshi.com. Djali i xhaxhait të Sherefedin Shehut, pra nipi i tij, është i martuar me të motrën e Muharrem Ramës.
Dhe kjo është diçka e zakonshme në Dibër, një fenomen që e ka karakterizuar dhe politikën e atyshme lokale që nga pluralizmi e këtej: në dy kahjet politike, shumica e eksponentëve kishin lidhje farefsinore e krushqie me njëri-tjetrin.
Sa për ilustrim, familja e ish-deputetes demokrate Natasha Shehu, fjalëmbajtësja kryesore në seancën e rishpalljes së Berishës president në parlamentin e vitit 1997, kishte lidhje krushqie me Fatos Nanon.
Kështu pra, kjo fushatë pritet të jetë ndër të rrallat me gjuhë të kultivuar, për shkak të kësaj afërsie mes dy kandidatëve, të cilët rezultojnë krushq. Ose ndryshe miq, siç i thonë në fjalorin popullor të Dibrës.
3 komente në “Rivalët politikë të 11 shtatorit në Dibër, Shehu e Rama, rezultojnë…. krushq!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ne mos njeri, tjetri vajzen do ma marre…..me falni, bashkine doja te thoja….
epo te na trashegohen. per dijeni te gazetarit, djali i xhaxhait eshte kushuri i pare, dhe jo nip. ne kete rast duket se fitojne te dy palet. sherua qe me 99, 999% nuk zgjidhet me deputet ne 2017n. si dhe rama qe gjithsesi po s’fitoi vete, do fitoj krushqia. ku jemi ? hiç gekundi. klane , fise, tribu.
Per mendimin tim nuk ka ndonje te keqe.Gjithsecili ka bindjet e tija politike,dhe do loboje per forcen e tij polotike.Le te jene krushq.Kur vjen puna per te bere karjere(sidomos moloket),nuk u intereson,mjafon te behet kryetar bashkie.Ata harrojne se jane krushq.Sali Berisha nuk njihte te vellan e gruas se tij (kunatin) ne gerdec,e jo me krushqi esapi.