Turqia i vendos BE-së afatin e fundit për heqjen e vizave

Kryeministri turk i tha homologut bullgar të “përçojë mesazhin” se BE duhet të heqë vizat për qytetarët turq në tetor, nëse Brukseli do që emigrantët të kthehen mbrapsht në Turqi-siç është rënë dakord.

Nga Mariya Cheresheva 

Kryeministri turk, Binali Yaldirim e bëri të qartë të premten se nëse Bashkimi Europian nuk garanton lëvizjen pa viza të qytetarëve turq deri në fund të tetorit, Ankaraja mund të tërhiqet nga marrëveshja e saj për të frenuar rrjedhën e emigrantëve drejt bllokut europian.

“Ne duam që miqtë tanë europianë të kuptojnë se ka ardhur koha për të marrë më shumë përgjegjësi për çështjen e emigrantëve,” tha Yaldirim, pasi bisedoi me kryeministrin bullgar Boyko Borissov në Stamboll.

“Është me rëndësi jetike që marrëveshja e liberalizimit të vizave të hyjë në fuqi në fund të tetorit. Nëse marrëveshja e liberalizimit të vizave nuk hyn në fuqi, kjo do ta vendoste Europën nën një rrezik të madh,” shtoi ai.

Yaldirim shpjegoi se “ia bëri të qartë këtë” Borissovit, ndërsa shtoi se ai ishte i sigurtë që kryeministri bullgar do ta përçonte mesazhin tek liderët e BE.

Lëvizja e lirë pa viza e qytetarëve të Turqisë në Bashkimin Europian është ndër kërkesat kyçe të Ankarasë, në mënyrë që vendet Europiane të kenë mundësinë të kthejnë mbrapsht në Turqi emigrantët, në respekt të marrëveshjes kontroverse që BE firmosi me autoritetet turke në mars.

Por BE tha se Turqia nuk ka plotësuar kërkesat e nevojshme për liberalizimin e vizave në fushën e mbrojtjes së të drejtave të njeriut dhe i bëri thirrje Turqisë që të ndryshojë ligjin e saj kundër terrorit.

Pas bisedimeve me Yaldirim dhe presidentin turk, Recep Tayyip Erdogan, Borissov fluturoi drejt Berlinit, ku do të diskutojë mbi krizën e refugjatëve në një takim me kancelaren gjermane, Angela Merkel dhe kryeministrat e Sllovenisë, Austrisë dhe Kroacisë.

“Kam shumë mesazhe për të ndarë me miqtë e mi. I kam shkuar ato, në mënyrë që të jem i saktë,” tha Borissov të premten.

Borissov tha se Bashkimi Europian ka bërë një marrëveshje me Turqinë për liberalizimin e vizave dhe duhet t’i qëndrojë asaj.

Ai bëri gjithashtu thirrje për solidaritet të gjerë europian me vendet si Bullgaria dhe Greqia, ndërsa theksoi se nuk do të lejojë që “Bullgaria të kthehet në një tampon mes Turqisë dhe Europës”.

Ai e refuzoi idenë e nënshkrimit të një marrëveshjeje bilaterale me Turqinë për të ndaluar rrjedhën e emigrantëve.

“Nëse ne garantojmë kufirin tonë me Turqinë, kush do t’i garantojë kufinjtë grekë, maqedonas apo serbë?” pyeti ai.

Herët këtë javë, Borissov u ankuar mbi atë që ai e quajti një “mungesë totale të solidaritetit” mes anëtarëve të Bashkimit Europian në menaxhimin e krizës së refugjatëve.

Dështimi i drejtësisë rikthen Kanunin, 6 të vrarë brenda 7 ditëve në Kosovë

09:38 Rajoni

Pse u vetëshpall ministër i Jashtëm Petrit Selimi?

12:47 Rajoni

Rrugët dhe hekurudhat e Kosovës në protokollin Shqipëri-Serbi

09:51 Rajoni

"Dashuria" e Ramës me Vuçiçin shton dyshimet në Prishtinë

15:00 Rajoni

Dokumenti ekskluziv, Testamenti i Titos për shqiptarët dhe pasojat pas vitit ’90…

00:54 Rajoni

Hashim Thaçi, në kërkim të një imazhi të ri si “pajtues”

19:05 Rajoni

Përfaqësuesi i imamëve: Xhamia në Prishtinë, vatër e drogës dhe prostitucionit

15:54 Rajoni

Leksione nga Amerika Latine për korrupsionin e madh në Kosovë

18:30 Rajoni

A do të përfundojë BE-ja si Jugosllavia?

18:08 Rajoni

Një shembull për politikanët shqiptarë: Vuçiç ka rrogë 910 euro dhe një apartament 30m2

15:35 Rajoni