Te fundit
Vetting-u, PD nuk ka vendim. Edhe Bujar Nishani hesht
8 Shtator 2016, 16:01Politika
TEMA
Për të mos e votuar vetting-un opozita përdori si argument kryesor të vetin antikushtetueshmërinë për disa prej neneve kryesore të këtij ligji.
Por, kur ka kaluar një javë nga miratimi në Kuvend i ligjit vetëm me votat e koalicionit qeveritar, Partia Demokratike ende nuk ka marrë një vendim nëse do ta ankimojë apo jo vetting-un në Gjykatën Kushtetuese.
Top Channel mësoi se ekspertët e opozitës po bëjnë analizën kushtetuese të ligjit dhe se shumë shpejt pritet ta përfundojnë atë. Burime zyrtare pohuan se pas kësaj, opozita do të publikojë hapat që do të marrë dhe se këtu nuk përjashtohet dërgimi i çështjes në Gjykatën Kushtetuese.
Në fakt, ky është aktualisht opsioni mbizotërues, sepse ekspertët demokratë kanë evidentuar deri tani disa pika që sipas tyre bien ndesh me Kushtetutën e re.
Megjithatë, mosshpallja e vendimit, ndryshe nga çdo rast tjetër i ngjashëm, do të thotë se dërgimi i ligjit të vetting-ut në këtë gjykatë mund të sjellë reagime të reja të ashpra nga amerikanët, të cilët kanë marrë autorësinë e ligjit dhe e konsiderojnë ate si pikën kyçe të zbatimit të reformës në drejtësi.
Mosshpallja e vendimit nga demokratët për ta dërguar apo jo çështjen në Gjykatën Kushtetuese koinçidon edhe me një vendim që duhet të marrë presidenti i Republikës.
Paralelisht me demokratët, ligji po analizohet edhe nga juristët e Presidencës, të cilët gjithashtu duhet t’i japin presidentit Nishani një produkt brenda javës së ardhshme.
Top Channel mësoi se kreu i shtetit do të vendosë nëse do ta kthejë apo jo ligjin për rishqyrtim në Parlament brenda datës 16, datë në të cilën ai niset për të marrë pjesë në Asamblenë e Kombeve të Bashkuara.
2 komente në “Vetting-u, PD nuk ka vendim. Edhe Bujar Nishani hesht”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Si mund te dale nga rreshti kapterri kur te gjithe ushtaret jane brenda rreshtit!Per me teper kur kete “nder” ja kerkon shefi qe e pozicionoi ne ate post te rendesishem duke e bere president,megjithese i pamundur ta kryeje funksionin jo vetem nga ana mendore,por dhe fizike.Jari tashme do ta hedhe vallen e nisur prej vitesh deri ne fund te mandatit te tij,nen diktatin e te semurit psiqik ish-kryeminister.
Jari te ka gjetur belaja.nuk di nga tja mbash.kujt tia prishesh .babe sales apo amerikes-be.???une them kerko strehim politik te shpetosh nga te gjithe o jaro….