Policia italiane shkaterron rrjetin e vellezerve Poti nga Saranda

Dy vëllezërit shqiptarë nga Saranda, Dhimitër e Xhevahir Poti, të arrestuar në muajin maj në Belgjikë ishin drejtuesit e organizatës së trafikut ndërkombëtar të drogës, e cila një ditë më parë u shkatërrua nga operacioni “Ring New” i policisë së qytetit të Breshias.

Nga ky operacion u arrestuan 99 persona, e 196 persona të tjerë u vunë nën hetim. Ky informacion u bë publik nga koloneli i policisë së Breshias, Michele Esposito, i cili për mediat italiane ka theksuar rëndësinë e koordinimit gjyqësor të agjencisë europiane Eurojust në realizimin e suksesit të këtij operacioni.

“Me anë të hetimeve, synuam të identifikojmë nivelin e shitjes me shumicë të drogës, fakt që na çoi në zbulimin e organizatës ndërkombëtare greko-shqiptare në trafikun e drogës. Mundëm të zbulojmë strukturën e kësaj organizate e lidhjet e saj me organizatat kriminale italiane të mafias. Trafikantët shqiptarë bashkëpunonin me mafiat më të fuqishme italiane”, shprehet ai.

Sipas hetimeve, organizata kriminale e cila ishte ngritur nga dy vëllezërit shqiptarë, Dhimitër e Xhevahir Poti, kishte mbështetje logjistike nga mafiat italiane gjatë operacioneve të tregtimit të drogës duke e shpërndarë në territor sipas influencës së çdo familje mafioze.

Por emri i tyre është përmendur edhe më herët në media. Ata janë arrestuar pak kohë më parë në Belgjikë si pjesë drejtuese e organizatës ndërkombëtare të drogës të “Escobarit të Ballkanit”, goditur së fundi në Greqi.

Dy vëllezërit Poti, janë në hetim dhe nga policia e prokuroria shqiptare prej vitit 2015 ku në muajin nëntor, drejtësia greke kërkoi informacion për firmën CHIM PORD në pronësi të Dhimitër Potit.

Në belgjikë vëllezërit Poti janë prangosur në kushtet e flagrancës me 100 kg kannabis dhe afro 20 mijë eurove. Por kjo nuk është akuza e vetme ndaj tyre, pasi dyshohet se nën kryesimin e Dhimitër Potit grupi i tyre kish krijuar kompani fiktive transporti me qendër në Bullgari dhe filial në Greqi e Belgjikë. Tani i shtohet edhe ajo e drejtimit të një rrjeti ndërkombëtar trafiku droge me qendër në Belgjikë.

Kryeredaktori shkarkohet me një fjalë goje, Mentor Kikia: Do investigoj

12:44 Kronika

VIDEO/ Sherr në urbanin e Kamzës: Nuk pagoi biletën, fatorino i çan veshin udhëtarit

11:54 Kronika

Burgim i përjetshëm për të akuzuarit e vrasjes së dyfishtë te “Lulishte 1 Maji”

10:23 Kronika

Vdekja e Fatmir Sulajt në burgun e Shënkollit, babai i viktimës: Ja si po na varrosin dhe ne përsëgjalli!

11:21 Kronika

Mbesa rreh me karrige druri gjyshen 79-vjeçare, dënohet me 5 muaj burg

10:38 Kronika

Sherri për një vajzë shkakton një tjetër viktimë: Vritet 30-vjeçari në Gramsh

10:21 Kronika

Fatos Vrenozi, njeriu që kishte humbur shpresën: Telefonata në Ministrinë e Mbrojtjes që më shpëtoi jetën

09:30 Kronika

Manjani urdhëron hetim administrativ për pronën në Gjirin e Lalzit, pas largimit të biznesmenit libanez

10:07 Kronika

Rasti i rrallë/ Avokati i babait që përdhunoi vajzën: S’më lë morali ta mbroj

09:32 Kronika

Arrestohen dy policë, fusnin drogë në burg për të burgosurit

09:00 Kronika